بسم الله الرحمن الرحيم

Матбуот баёноти

Ҳизб ут-Таҳрир – Ўзбекистон эълон қилган кампанияни якунлади

Ҳизб ут-Таҳрир – Ўзбекистон 30 апрелда Ўзбекистон Республикасининг янги конституциясини қабул қилиш борасида бўлиб ўтган референдум муносабати билан ўтказган “Инсоннинг ноқис конституциясига – ЙЎҚ! Қуръон ва Суннат асосидаги дастурга – ҲА!” номли кампанияни ниҳоясига етказди. Аллоҳ Субҳанаҳу ва Таолонинг фазлу марҳамати билан ушбу кампания муваффақиятли ўтди. Асосан ижтимоий тармоқларда ўтказилган кампания давомида юртимиздаги мусулмонларга ушбу куфрий демократик конституцияни қабул қилиш асло жоиз эмаслиги, у асосидан бошлаб Ислом ва унинг аҳкомларига тамоман зидлиги мақолалар, видеоматериаллар, қисқа постлар орқали тушунтирилди. Шунингдек, ушбу референдумдан асосий мақсад президент Ш. Мирзиёев ваколат муддатини узайтириш учун ўйлаб топилган спектакл эканлиги ҳам батафсил ёритиб берилди. Ушбу ҳақиқатларни ҳазм қила олмаган, Ўзбекистон ҳукуматининг ғайриисломий сиёсатини оқлаб келаётган “уламолар” бири кампанияга қарши реакция билдирди. Унинг айтишича, Ҳизб уюштирган бу тадбир юртимиз мусулмонлари орасига фитна солаётган эмиш. Ваҳоланки, у мусулмонларга тўғри йўлни кўрсатишда – уламолар сифатида – энг катта масъулият бўйнига тушадиганлардан биридир. Лекин у хиёнат йўлига кирди ва Росулуллоҳ ﷺ тариқатини маҳкам ушлаган ушбу Ҳизбга туҳмат қилиш билан ўзини шарманда қилди, холос. У ҳатто ҳукумат сиёсатини оқлаш учун саҳобалар розияллоҳу анҳумларга ҳам туҳмат қилиб, уларни демократ бўлган, деб айтишдек оғир жиноятга қўл урди. Ҳизб эса, уни Аллоҳдан қўрқишга, мусулмонлар ҳаққига хиёнат қилишни бас қилишга, арзимас дунё матоҳи учун ўз дунё ва охиратини анави хоин ҳукмдорларнинг дунёси учун сотиб юборишдек арзонгаров савдодан қайтишга яна даъват қилди.

Биз Аллоҳ Таолодан Ислом Умматини яна азизлик ва куч-қудратга қайтарадиган Пайғамбарлик минҳожи асосидаги Иккинчи Рошид Халифалик давлатини яқин кунларда эълон қилинишини сўраб дуо қиламиз ҳамда бу йўлда туну кун фаолият қилаётган Ҳизбни Ўз ҳифзи ҳимоятида асраб, унга ушбу ишда нусрат-ёрдам беришини ялиниб-ёлвориб илтижо қиламиз.

﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ﴾

– “Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи истаган кишиларига нусрат берур. У қудрат ва раҳм-шафқат Эгасидир”.                                       (Рум:4-5)

Ҳизб ут-Таҳрирнинг Ўзбекистондаги матбуот бўлими