Матбуот баёноти

Ҳизб ут-Таҳрирнинг муборак Фаластин заминидаги матбуот бўлими аёллар қанотидан ушбу заминни озод этиш учун мусулмон юртларидаги куч-қудрат аҳлига очиқ хат

Ҳизб ут-Таҳрирнинг муборак Фаластин заминидаги матбуот бўлими аёллар қаноти Исломий Умматнинг аёллари номидан ушбу заминни озод этиш учун мусулмон юртларидаги куч-қудрат аҳли орасидаги холис ака-укаларимиз, оталаримиз ва фарзандларимизга очиқ хат йўллади. Шу орқали уларни Фаластин мусулмонларини қонхўр яҳудий вужуди ваҳшийлигидан ҳимоя қилиш ва ушбу муборак заминнинг ҳар бир қарич ерини геноцид содир этаётган босқинчилардан озод этишдан иборат исломий бурчларини адо этишга ундади. Мактубимиз кўплаб тилларга таржима қилиниб, электрон оммавий ахборот воситалари ва бошқа турли интернет тармоқлар орқали барча қитъага тарқатилади.

Ўтган ўн бир ой мобайнида Ғазода аксари аёллар ва болалар дохил 40 мингдан зиёд инсон шаҳид бўлди. Дунё ҳукуматлари, жумладан исломий юртлардаги ҳукуматлар дарё қилиб оқизилаётган қонларни томоша қилиб, ҳеч нарса қилмай кузатиб турди. Улар бу қирғинни тўхтатиш учун ҳеч қандай сиёсий ирода кўрсатмадилар. Аксинча, исломий юртлардаги бир қанча режимлар бу қонхўр вужуд билан эришилган тинчлик келишувлари, нормаллашув, дипломатик алоқалар ва иқтисодий ҳамкорлик орқали яҳудий босқинчилиги таъсирини кучайтиришга ҳаракат қилиб келишди. Кофир Ғарб томонидан юртларимизга экилган бу қўғирчоқ режим ва ҳукмдорлар босқинчи вужудни мудофаа қилишда биринчи линия вазифасини ўтаб, унга қарши ҳар қандай ҳаракатга тўсиқ бўлишди. Бу режим ва ҳукмдорлар, репрессия қилинаётган мусулмонлардан бутунлай воз кечишди. Яҳудийлар ва уларнинг ғарблик мустамлакачи ҳомийларини дўст тутиб, Уммат қони оқаётган бир пайтда, армияларимизни казармаларда ушлаб туришибди.

Шу боис, мусулмон юртлари армиялари сафидаги холис мард ака-укаларимиз мусулмонларнинг ҳимоячиси ва қутқарувчиси сифатида ўзларининг исломий мажбуриятларини бажаришлари лозим. Чунки уларнинг қўлида бу саратон вужудни йўқ қиладиган ва бу қирғинга тоабад чек қўядиган моддий куч, яъни танклар, самолётлар, ўқ-дорилар ва аскарлар мавжуд. Уларнинг бу ҳарбий тайёргарлиги, қурол-яроғлари ва ҳарбий потенциаллари Умматларини ҳимоя қилиш ва ўз юртларини озод қилиш учун бўлмаса, нима учун? Оташкесимлар етмиш йилдан бери давом этаётган бу геноцид ва накбага барҳам бермайди. Фақат бутун Фаластин ерларининг бу қонхўр ваҳший босқинчидан тўлиқ озод этилишигина Фаластин мусулмонларининг қирғинлари ва азоб-уқубатларига чек қўяди. Бу фақат мўмин бир армия ҳаракатга келгандагина амалга ошади.

Биз ушбу Ислом Уммати аёлларининг мусулмон юртларидаги ака-укаларимизга айтар сўзимиз қуйидагича:

Умматингиз қирғин қилиниб, Ақсо масжиди замини оёқ-ости қилинаётган бўлсаю, сиз қачонгача сояда қолаверасиз, Роббингиз сиздан бундай деб сўраганда нима жавоб қиласиз:

﴿وَمَا لَكُمۡ لَا تُقَٰتِلُونَ فِي سَبِيلِ ٱللَّهِ وَٱلۡمُسۡتَضۡعَفِينَ مِنَ ٱلرِّجَالِ وَٱلنِّسَآءِ وَٱلۡوِلۡدَٰنِ ٱلَّذِينَ يَقُولُونَ رَبَّنَآ أَخۡرِجۡنَا مِنۡ هَٰذِهِ ٱلۡقَرۡيَةِ ٱلظَّالِمِ أَهۡلُهَا وَٱجۡعَل لَّنَا مِن لَّدُنكَ وَلِيّٗا وَٱجۡعَل لَّنَا مِن لَّدُنكَ نَصِيرًا﴾

«(Эй мўминлар), сизларга нима бўлдики, Аллоҳ йўлида ва «Парвардигоро, бизни эгалари золим бўлган бу шаҳардан озод қил ва бизга ўз ҳузурингдан бир дўст бергин, бизга ўз ҳузурингдан бир ёрдамчи қилгин», деяётган эркаклар, аёллар ҳамда болалардан иборат бўлган бечоралар(ни озод қилиш) йўлида жанг қилмаяпсизлар?!»                                                                           [Нисо 75]

Биз сизни қўзғалишга ва номингизга доғ туширган бу қўрқоқ хоин ҳукмдорларнинг тахтларини ағдариб ташлашга, мустамлакачи томонидан юртларимиз ўртасига ўрнатилган сохта миллий чегараларни йўқ қилишга, Фаластиндаги оналарингиз ва фарзандларингизни қутқариш учун Қуддус томон юриш қилишга ҳамда Аллоҳ Субҳанаҳу ва Таолонинг ҳокимиятини барпо этишга ёрдам беришга чақирамиз. Пайғамбарлик минҳожи асосидаги ушбу Халифалик тузумигина мусулмонларнинг ҳомийси, мудофаачиси ва қалқонидир. Ёлғиз ушбу давлатгина сизни Аллоҳ Субҳанаҳу ва Таоло буюрганидек Умматингиз ва динингизнинг мудофаачилари, халоскорлари ва посбонлари сифатидаги асл бурчингизни бажаришга сафарбар этади, шу орқали сизни мусулмонлар қаҳрамони қилиб, номингизни абадийлаштиради. Сизни Салоҳиддин Айюбий, Муҳаммад ибн Қосим ва Муҳаммад Фотиҳ роҳимаҳуллоҳлар сингари Исломнинг буюк саркардаларига айлантиради. Келинглар, уларнинг меросини ва жиҳод байроғини қабул қилиб, Ақсо масжидини жинояткор яҳудийлар ифлослигидан озод этиш билан динингизга буюк ғалабалар улашинг. Кеч қолманг! Ҳаракатга келишнинг вақти келди!

Ҳизб ут-Таҳрирнинг марказий матбуот бўлими аёллар қаноти