بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Хонавайрон қилувчи солиқлар йўқ бўлиши учун Халифаликни барпо қилинг

Покистон ҳукмдорлари бизни энергетика сектори даромадларидан маҳрум қилиб, сўнг солиқлар билан тинкамизни қуритишмоқда

2017 йил 26 май куни Покистон молия вазири бюджет ҳақидаги баёнотида солиқлар оширилганини мақтаниб бундай деди: «2012-2013 молия йилларидаги солиқлар 1.946 миллиард рупига етди, жорий йилда эса, буни 3,521 миллиард рупига етказиш кўзда тутилган бўлиб, бу ўтган йилгига нисбатан 81 % ортиқдир. Ўтган уч йил ичида 300 миллиард рупидан ошиқ солиққа оид имтиёз ва қулайликлар бекор қилинди». Бироқ солиқлар оширилиши Бажу-Навоз режимининг барча иқтисодий омадсизликлари каби, бизнинг бугунимиз ва келажагимиз ҳақида хавотир пайдо қилмоқда.

Дарҳақиқат, солиқлар оширилиши, қишлоқ хўжалик ва саноатни шу даражада эзиб ташладики, кўплаб маҳаллий ишлаб чиқарувчилар ишлаб чиқаришдан воз кечишга ва хорижий товарлар билан савдо қилишга мажбур бўлишди. Уммат улкан солиқлардан азият чекаётган бир пайтда, Покистон режими хорижий инвестицияларни жалб қилиш ниқоби остида хорижий ширкатларни улкан имтиёзлар ва солиқ енгилликлари билан таъминламоқда. Ўз навбатида, юрт устидан ажнабий ҳукмронликни янада оширмоқда. Бундан ташқари, оддий халқ тўғридан-тўғри солиққа ботиб ётган бир пайтда, парламент ҳукмрон элитадан солиқларни енгиллаштириш учун қонунлар билан ўйнашмоқда. Солиқларни ошириш, режим сиёсатларининг табиий натижасидир. У энергетика тармоғини хусусийлаштириш билан Покистонни доимий даромадларидан маҳрум қилмоқда. Бунга нефт ва газни қайта ишловчи хорижий ширкатнинг 2013-2014 йилларда олган даромади рекорд даражасига етганини мисол қилиш мумкин, яъни солиқлардан тушган фойдадан сўнг 124 миллиард рупини ташкил қилди. Энергетика тармоғини хусусийлаштириб, ортидан солиқларни ошириш, бу ўлганнинг устига кўпган бўлди!!!

Энергетика тармоғини хусусийлаштириш, бизнинг манфаатимизга хизмат қилмайди, балки бу Бажу-Навоз режимининг мустамлакачи хўжайинларидан олган топшириғидир. Ҳар йили давлат бюджети эълон қилинишида бир хил ҳолат юз бергани каби, молия вазири бу йил ҳам Дубайда Халқаро Валюта Фонди мулозимлари билан учрашмагунча эълон этилмади. Бу сафар учрашув 2017 йил 28 мартдан 5 апрелгача Харальд Фингер раислиги остида бўлиб ўтди. Учрашув сўнггида Харальд Покистон молия вазирига «давлат, ва хорижий молия тармоқларидаги, энергетика соҳасидаги муаммолар»га қарши курашишга оид топшириқ берди. Мустамлакачиларнинг энергетика соҳаларини назорат қилиш билан боғлиқ хусусийлаштириш битимлари орқали айни соҳа эгалари йирик даромад олишда, солиқлар билан одамлар елкасини эзиб ташлашда давом этишмоқда.

Солиқларни ошириш ҳам бизнинг манфаатимизга хизмат қилмайди, албатта. Чунки солиқнинг аксари хорижий давлатлар олдидаги қарзларни ёпишга кетади. Ҳолбуки, Покистон айни мустамлакачилик қарзларининг асосий қисмини бир неча бор тўлаган!! Энергетика соҳасини хусусийлаштириш, мустамлакачилик қопқонларидан бири бўлиб, бундан Покистонни иқтисоди кучли давлатларга доимий қарам-муте бўлиб туриши кўзланган.

Покистон иқтисодиёти чалинган касалликни на хусусийлаштириш билан, на хорижий инвестицияларни жалб қилиш билан ва на мустамлакачилик қарзлари билан даволаб бўлади, чунки бу нарсаларнинг ўзи касалликдир. Бунинг ягона давоси Исломдаги иқтисод низомини татбиқ этишдир. Фақат мана шу нарса юрт иқтисодиётида инқилоб ясай оладиган улкан даромад келтиради. Капиталистик ва социалистик системалардан фарқли ўлароқ, Ислом энергетиканинг хусусий ёки давлат мулки бўлишини Росулуллоҳ САВнинг

«الْمُسْلِمُونَ شُرَكَاءُ فِي ثَلاَثٍ: الْمَاءِ وَالْكَلَإِ وَالنَّارِ»

«Одамлар уч нарсада шерикдирлар: сув, ўт-ўлан ва оловда» (Абу Довуд ривояти), деган ҳадисларига биноан ҳаром қилган. Бу ҳадисда оловдан энергетика ирода қилинган. Шундай қилиб, Халифалик давлати ушбу омма мулкини ва давлат мулкини идора қилиб туради, аммо уларнинг шахс ёки жамоадан иборат ҳеч бир доиранинг мулкига айланишига йўл қўймайди. Чунки булар барча мусулмонлар мулки бўлиб, улардан олинадиган даромадлар ҳам одамлар мулки ҳисобланади. Бу умумий мулк ёрдамида одамлар ишлари бошқарилиб, уларнинг манфаатларини рўёбга чиқаришга сарфланади, давлатнинг эмас. Бунга нефт, газ, электр энергияси каби энергетика, мис ва темир каби қайта ишланувчи металлар, дарё, анҳор, омбор каби сув ресурслари ҳамда яйловлар ва ўрмонлар каби омманинг мўл-кўл бойликлари киради. Маълумки, ушбу энергетика ва метал манбалардаги асосий улуш соҳиби Умматдир. Бироқ Исломдаги иқтисод низомининг татбиқ этилмай қолиши оқибатида мусулмонлар қашшоқ аҳволга тушдилар, Умматнинг халқаро мавқеда вазни қолмади, ҳатто табиий бойликлари жуда кам бўлган давлатларга солиштирилганда ҳам.

Эй Покистондаги мусулмонлар!

Мустамлакачиларга ишларимиз устидан ҳукмронлик қилиш имконини берувчи куфр бошқарувида яшашга мудом рози эканмиз, иқтисодий аҳвол тобора емирилишда давом этаверади. Бундай мустабид очкўз режим остида қудратга кимлар келишидан қатъий назар, хоҳ Исломий Робита партияси келсин, хоҳ Покистон Халқ партияси келсин, хоҳ бошқаси, фарқсиз, ҳолатимиз тобора ёмонлашаверади. Зеро, танг-бахтсиз ҳаёт фақат куфр билан бошқараётганларнинг ўзига етмайди, балки уни ўзгартиришга ҳаракат қилмаётган кишиларга ҳам етади. Дарҳақиқат, Аллоҳ Таоло бундай деди:

وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَاصَّةً ۖ وَاعْلَمُوا أَنَّ اللَّـهَ شَدِيدُ الْعِقَابِ

«Сизлардан фақат золим кимсаларнинг ўзигагина етмай (балки барчага етадиган) фитнадан сақланингиз ва билингизки, албатта Аллоҳнинг азоби қаттиқдир»      [Анфол 24]

Шунинг учун барчамиз Пайғамбарлик минҳожи асосидаги рошид Халифаликни барпо этишга бор кучимиз билан ҳисса қўшмоғимиз ҳамда яшаш тарзи сифатида Ислом билан бошқаришни қайта барпо этиш учун Ҳизб ут-Таҳрир билан бирга қаттиқ ҳаракат қилмоғимиз лозим.

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com