Қозоғистоннинг Ислом ва Халифаликка қарши уруши
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Қозоғистоннинг Ислом ва Халифаликка қарши уруши
Вика Қаммора қаламига мансуб
Қозоғистон Ўрта Осиёдаги давлат. У ўзининг инсон ҳуқуқларини репрессия қилувчи режими билан танилган. Июл ойи охирида Голливуд актёри Николас Кейж Қозоғистондаги Евроосиё кинофестивалига муҳим шахс сифатида келгани сабабли қатор танқид ва ҳақоратлар остида қолди. Инсон ҳуқуқлари ташкилоти директори, Кейжнинг тадбирда қатнашишини қоралаб, унинг хатти-ҳаракатларини инсоният учун уят, деб атади. Яқинда «Внешная политика» таҳлилий агентлик «Келажагимиз экстремизм ва зўравонликка айланади» сарлавҳали мақола чоп этди. Мақолада Қозоғистон Ўрта Осиёнинг энг барқарор давлати экани, унга ҳам «исломий зўравон экстремизм», дейилаётган нарса хавф сола бошлаётгани тадқиқ қилинган.
Дарҳақиқат, экспертлар Қозоғистондаги вазиятни ёритишди. Шу боис Ўрта Осиёда нималар бўлаётганини бутун дунё билмоғи лозим. Бу ерда Исломга қарши курашиш учун мустабид режимлар мавжуд. Улар Ўрта Осиё минтақаси барқарорлигини муҳофаза қилишга ҳаракат қилишади. Зеро, бу Россия хавфсизлиги учун муҳим минтақа саналса, Қозоғистон минтақа давлатлари ичида энг россияпарасти ҳисобланади.
Барқарорлик ниқоби ортида ваҳшийлик:
Бугун ҳеч қайси раҳбар ўз мустабидлигининг намоён бўлишини истамайди. Шу жиҳатдан, Қозоғистон ҳам республика ва унинг президенти башарасини чиройли қилиб кўрсатиш йўлида миллионлаб доллар сарфламоқда. Унинг ахборот воситалари Қозоғистоннинг Ўрта Осиёдаги демократия етакчиси сифатидаги ютуқлари тўғрисида тинмай хабар тарқатмоқда. Президент Нурсултон Назарбоев Қозоғистонни муаммоларга тўла Ўрта Осиё минтақаси барқарорлигининг чироғи, дея 33 йилдан бери тарғиб қилиб келади. Айни сифатдан юртга инвестициялар жалб қилишда ҳамда халқаро даражада давлатлар ишончини қозонишда фойдаланяпти.
Бироқ барқарорлик бадалини чиройли йўл билан тўламоқ лозим. Аммо минтақа давлатлари унинг бадалини – ҳатто инсон ҳуқуқларини топташ ва ўзлари тузган конституцияни бузиш билан бўлса ҳам – ваҳшийлик билан тўлашмоқда. Масалан, ўз халқини темир чангали билан бошқарувчи давлатга энг яққол мисол Ўзбекистон бўла олади. У ердаги ваҳший Каримов режими, юртни 1989 йилдаги Совет Иттифоқи замонидан бошлаб бошқарди ва ҳар бир сайловда ғолиб келди. Жуда кўп ўзбеклар Каримов мағлуб бўлган бирорта сайловни кўрганларини эслай олмайдилар!
Каримов диктаторликда минтақадаги қўшнилари ичида яккаю ягона раҳбар эмас эди. Чунки бу минтақани собиқ коммунизмда тарбия топган кучли раҳбарлар узоқ йиллардан бери бошқариб келмоқда. Каримовдан фарқсиз ўлароқ, диктатор Нурсултон Назарбоев ҳам 1990 йилдан бери қудратда турибди, чунки ўша пайтда Қозоғистонни маҳаллий коммунистик партия бошқарган. Совет Иттифоқи қулаши ортидан Назарбоев юрти шиорларини ўзгартирди, аммо ўз ҳокимиятини ҳеч қачон қўлдан бой бермади. Бу икки раҳбарнинг ўхшаш томонларини аниқлаш қийин эмас: Назарбоев ҳам ҳар сафар президентликка сайланганда халқаро кузатувчилар танқидига учрамай қолмаган. Масалан, 2015 йилги сайловда 98 фоиз овоз олган бўлса, 2010 йилда расман «миллат отаси» лақабини эгаллаб келяпти.
Халифаликдан қўрқув сабабли Исломга қарши уруш:
Давлат томонидан зўрлаб тиқиштирилган 70 йиллик худосизлик тузуми қулагач, минтақа мусулмонлари ўзларининг бепоён исломий оламнинг бир қисми эканликларини ҳис этдилар, ўз навбатида, бу Ўрта Осиёнинг кўплаб аҳлида уйғонишни келтириб чиқарди. Қозоғистондаги жинояткор режим айни уйғонишга қарши курашда очиқдан-очиқ Ислом ва мусулмонларни нишонга олмоқда. Масалан, 2016 йил 5 июнда Қозоғистоннинг Актобе шаҳрида қатор ҳужумлар содир этилди. Назарбоев бу шаҳардаги ҳодисадан «терроризм»га қарши кураш дастаги билан Исломга қарши янги сиёсатини татбиқ қилишда фойдаланди ҳамда ўз ҳокимиятига қарши бўлган ҳар қандай шахсни айблаб, қамоққа ташлашга муваффақ бўлди.
Қозоғистондаги нуфузли хавфсизлик хизмати, назорат кучларига кенг ҳуқуқ бериш ва Совет Иттифоқидан мерос қолган ички миграция қонунларини кучайтириш орқали нопок йўлдан юрди. Миграцияга оид бу янги чора-тадбирларда бирор киши янги шаҳарда бир ойдан кўп вақт турадиган бўлса, ундан қайта ҳукумат рўйхатидан ўтиши талаб қилинади.
Назарбоевнинг ваҳшийлик бобидаги ютуқлари ҳам, Каримовникидан қолишмади. Масалан, 2011 йилдан бери юртдаги барча муассасаларда, шу жумладан, давлат идораларида, ҳарбий қисмларда, умумий таълим муассасаларида мусулмонларнинг намоз ўқишлари тақиқланиб келмоқда. Яқинда 2016 йил декабрда Назарбоев режими «диний бағрикенгликни мустаҳкамлаш», деган ниқоб остида муслималарнинг мактабларда рўмол ўрашларини тақиқлади. 2000 йилдан бери эса, мусулмон фаолларга, жумладан, Ҳизб ут-Таҳрир аъзоларига қарши кенг кўламда қамоққа олиш амалиётлари олиб бормоқда.
Ислом ва мусулмонларга қарши бундай телбаларча кураш, асли, Россиянинг Халифалик барпо бўлишидан қўрқаётганига бориб тақалади. Бунинг бевосита изоҳи шуки, яқинда Россияда кўрсатилган ҳужжатли фильмда Назарбоев Путинга «Улар Жанубий Европадан то Ўрта Осиёгача Халифалик барпо қилиш учун ҳаракат қилишяпти», дейди, унга Путин «Бу энг катта хавф», деб жавоб беради.
Ҳа, ҳақиқатдан ҳам Путин ҳақ. Шунинг учун ҳам Қозоғистон аҳли ва бошқа Ўрта Осиё мусулмонлари ҳокимиятнинг асл манбаи Уммати Муҳаммад Aники бўлиши учун Пайғамбарлик минҳожи асосидаги рошид Халифалик давлатини барпо этишга қаттиқ ҳаракат қилмоқлари лозим. Бугунги азоб-уқубатлардан қутулиш учун мусулмонлар аввало Назарбоевни ёки бошқа россияпараст раҳбарни ёхуд мустамлакачи Ғарбга малай бўлган ҳар қандай мустабид ҳукмдорни қўллаб-қувватлашни бас қилмоқлари зарур. Росулуллоҳ САВ бундай дедилар:
»إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَي بِهِ«
«Халифа қалқондир, унинг ортида туриб жанг қилинади ва у билан ҳимояланилади». (Имом Муслим ривояти).
Роя газетасидан олинди
