بِسْـــمِ اللهِ الرَّحْمٰـــنِ الرَّحِيـــم

Роя газетаси:

Ибн Салмоннинг бирдан бир мақсади – гарчи бунинг тўлови Қуддусдан воз кечиш бўлса ҳам – Американи рози қилишдир!!

Ҳижрий 1439 йил 28 жумодус­соний, милодий 2018 йил 16 март жума куни «Холиж онлайн» сайти нашр қилган хабарда бундай дейилади (бу хабар қисқа ўзгартишлар билан келтирилди):

«Саудия валиаҳди Муҳаммад ибн Салмон Фаластин режими билан яҳуд вужуди ўртасида тинчлик келишувига эришиш йўлидаги саъй­ҳаракатларга нисбатан ўзининг оптимист эканини, араб давлатлари билан босқинчилар ўртасида муносабатларни тўла нормаллаштириш оптимистликка асосланишини маълум қилди, ҳамда «барчанинг манфаатлари»ни ўйлаш зарурлигини урғулади».

Ибн Салмон Ўрта Шарқ минтақасида тинчликни рўёбга чиқариш учун иттифоқчилари, хусусан, АҚШ билан ҳамкорлик қилаётганини таъкидлади.

Агар АҚШ президенти Дональд Трампнинг Вашингтон элчихонасини кўчириш қарори амалга ошса, бу тинчлик амалиёти учун зарарлими ёки фойдали, деган саволга Ибн Салмон Американинг «Си­Би­Эс» телерадио тармоғига берган интервьюсида – Саудия фаластинликлар ва барча томонлар манфаатига хизмат қиладиган ишга эътибор қаратади, деган даъвони қилди.

Саудия амири «биз барча тарафлар учун тинчликни рўёбга чиқарадиган ҳаракатларга эътибор қаратяпмиз, вазиятни таранглаштиришга эмас… Зеро, мен табиатан оптимистман», дея қўшимча қилди.

АҚШ президенти Трампнинг Ўрта Шарқдаги тинчликка нисбатан позицияси ҳақида ҳамда унинг куёви, «аср битими муҳандиси», дея баҳо берилаётган Жаред Кушнер билан айни масалани муҳокама қилиш тўғрисида саудиялик валиаҳд бундай деди: «Жаред Оқ уй томонидан вазифа юкланган шахс, бизнинг саудияликлар сифатидаги вазифамиз ўз иттифоқчиларимиз ва айни муассаса вакиллари билан алоқаларимизни ривожлантиришдир».

Саудия валиаҳдининг бу баёноти унинг Вашингтон сафари ва АҚШ президенти Дональд Трамп билан учрашувдан бир неча кун олдин янгради. Сафар жорий йил 20 мартга белгиланган».

Роя газетаси шарҳи:

Валиаҳд Муҳаммад ибн Салмоннинг хорларча берган бу баёнотлари, унинг Америкага малайлиги ҳамда Вашингтондаги хўжайинлари розилиги йўлида елиб­югуриши билан ҳамоҳанг келмоқда. Бунинг мусулмонлар учун жуда қимматга тушиши эса, уни заррача ташвишлантирмайди. Ҳатто Қуддус ва Ақсодан воз кечишга тўғри келса ҳам, у иккиланиб ўтирмайди. Чунки у ҳам бошқа рувайбиза ҳукмдорлар билан бир хил. Бу кимсалар хоинликда ва мустамлакачи кофир Ғарбдаги хўжайинларига ювиндихўрлик қилишда ғоят ҳаддан ошишди. Улар Ислом Уммати ҳамда унинг истак ва манфаатларидан нафақат суғурилиб олишди, ҳатто унинг душманларига айланиб, динига қарши курашишяпти, ривожланишига йўл қўймай, мустамлакачи кофир ҳукмронлиги остида қолиб кетиши учун ўлиб­тирилиб ҳаракат қилишяпти.

Роя газетасининг 2018 йил 21 март чоршанба кунги 174-сонидан