Ибодатингизга тўсқинлик қилаётган золимларга бўйин эгманг!

   بِسْمِ اللهِ الرَّحْمٰنِ الرَّحِيم

Шу кунларда Ўзбекистондаги вилоят ва туманларнинг деярли барча идора ва муассасаларида мажлислар ўтказилиб, ҳар бир ташкилот раҳбарларидан кафолат хати олинмоқда. Ижтимоий тармоқларда Яккабоғ туман тиббиёт бирлашмаси бошлиғи вазифасини бажарувчи Сарвар Жўраев имзоси билан Қашқадарё вилоят соғлиқни сақлаш бошқармаси бошлиғи Равшан Тўлаковга ёзилган кафолат хатининг сурати тарқалди. Кафолат хатида беморлар ва тиббиёт ходимлари томонидан диний урф-одатлар ва тоат-ибодат ишларини амалга оширмаслик, намоз  ўқимаслик назоратини таъминлаш ёзилган. «Nasafnews» мухбири ушбу хат юзасидан туман тиббиёт бирлашмаси бошлиғи вазифасини бажарувчи Сарвар Жўраев билан боғланди. Ва хат нима мақсадда ёзилгани сабаби билан қизиқди. Аммо С. Жўраев ушбу ҳолатга изоҳ беришни истамади. Аллоҳ Таоло айтади:

قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ

– “Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир”.                  (Оли Имрон:118)

Дарҳақиқат, заррача иймони сақланиб қолган ҳар бир мусулмонни ларзага солувчи бундай Ислом динига бўлган адоват Ўзбекистон ҳукуматининг асл башарасини кўрсатиб қўйди. Ҳукумат экстремизм ва терроризм деганда Ҳизб ут-Таҳрирни ва бошқа Исломий гуруҳларнигина эмас, балки барча иймон аҳлини назарда тутиши яна бир бора фош бўлди. Бу билан улар нафақат мусулмонларга, балки оламлар Роббиси Аллоҳ Таолога қарши уруш очдилар. Улар уялмадилар. Улар қўрқмадилар. Қўрқдилар, аммо ўзларининг кофир, нажас хожаларидангина қўрқдилар.

Эй, Ўзбекистондаги иймон аҳли! Юртимиз раҳбарлари ўз танловларини яширмасдан ошкор этдилар ва Аллоҳга, Росули ﷺга, динига ва мўминларга душман эканлигини эълон қилдилар. Қандай ҳам ёмон йўлни танладилар. Аммо сиз, эй азиз халқимиз, кимни танладингиз?! Аллоҳними ёки Унга қарши душманлик қилаётган жирканч кимсаларними? Дахрий тузум татбиқи натижасида ўзлигидан ажраган халқни дину диёнатга, тақво-покликка чорлаган ихлосли диндор йигитларни Ўзбекистон ҳукумати 1998 йиллардан бошлаб ёмонотлиқ қилишга киришган эди. «Булар Ваҳҳобийлар одамларни жонига яширинча суиқасд қиладиган ваҳшийлардир, таблиғчилар жамиятни бузғунчи ғоялар билан заҳарлайдиганлар, ҳизбийлар давлат тузумини ағдариб ташлашни мақсад қилган ғаламислардир» деган бўҳтонлари билан халқимизни ишонтира олди. Бу ишда ёзувчи-шоир ва журналистларнинг, умуман ижод аҳлининг Аллоҳ уларгагина берган истеъдод ва қобилиятларини золим ҳукумат тахтини мустаҳкамлашга ва Исломга қарши иғво-бўҳтонларни ишончли қилиб содда халқ онгига сингдиришга сарфлаганини алоҳида таъкидлаш зарур. Чунки ҳукумат тепасидагилар битта жумлани чиройли туза олмайдиган, ўринли қилиб равон гапира олмайдиган, дағдаға қилишдан бошқа услублари бўлмаган одоб-ахлоқдан бегона ваҳший кимсалардир.

Бироқ ойни этак билан ёпиб бўлмаганидек, Исломни асоссиз айбловлар билан жамиятдан сиқиб чиқариша олмади. Сўнг оммавий равишда ихлосли мўминларни қамоққа олишга, қатл қилишга, Исломий қарашдаги мўминларни қувғин қилишга киришиб кетишди. Шавкат Мирзиёев аввалги бошқарувни ахлат тузум бўлганини тан олган бўлса-да, амалда ўша тузум асосчисининг хайкалига бош эгиб, мерос қолдирган қаттол тузумини давом эттирмоқда. Шу сабабдан диндорлар ҳануз панжара ортида сақланмоқда, турмалардан маҳбусларнинг жасадлари чиқишда давом этмоқда. Ҳукуматнинг Исломга қарши уруш эълон қилганини, инсонларда озгина Исломий белги кўринган заҳоти аёвсиз жазолаётганини ўз кўзи билан кўриб, танасида ҳис қилиб турган халқимиз яна ҳукуматнинг Исломга қарши иғволарига ишонгани ва ишонаётгани ғоятда ачинарлидир.

Эй, Ўзбекистон мусулмонлари! Биз сизни аввалги яҳудий президентнинг кофирлиги ҳамда Ислом ва мусулмонларга қарши адовати кучли эканлигидан вақтида огоҳ этдик, ишонмадингиз, аксинча ўша золим тарафида турдингиз. Кейин Шавкат Мирзиёевдан мусулмонлиги учун балки адолатни юзага чиқарар, диндорларга қарши курашмас, деган умидда эдик. Бироқ у устози изидан бориб динга қарши курашда ундан қолишмаслигини исбот қилмоқда. Сўнгги ҳодисалар сўзимиз исботидир.

Эй ҳалқимиз, устингиздаги раҳбарлар танлови кўз ўнгингизда ошкор бўлди. Улар Аллоҳга қарши кураш йўлини танлади. Олам иккига бўлинмоқда. Куфр ва иймон аҳлига ажрамоқда. Бу курашда албатта Аллоҳ Ғолибдир! Аммо сизни танловингиз қайси тараф? Танлов ихтиёрингизда! Сукут қилиб турмоқликни ихтиёр қилиб омон қоламан, деб ўзингизни алдаманг. Зеро, Исломга, мусулмонларга қарши, Аллоҳ ва Росули ﷺга қарши кураш кетаётганида сукутни танлашингиз ҳалокатдир. Асло омонлик эмас!

Ҳизб ут-Таҳрирнинг Ўзбекистондаги матбуот бўлими аъзоси Зайниддин

17.10.2021й