Ички ишлар органлари тизимидаги жиноятлар ва коррупциянинг чуқур илдиз отгани соҳа ходимлари тарафидан фош этилмоқда

بِسْمِ اللهِ الرَّحْمٰنِ الرَّحِيم

Наманган шаҳридаги 2-сонли ИИБ Ҳуқуқбузарликлар профилактикаси бўлими профилактика инспектори, катта лейтенант Сардорбек Отабоев 12 ноябрь куни Facebook орқали ички ишлар вазири Пўлат Бобожоновга мурожаат қилиб, ўзи ишлаётган идорада содир бўлаётган адолатсизликлар, тизимдаги коррупция ҳақида арз қилганди. Видеомурожаатда у Наманган шаҳридаги 2-сонли ИИБ раҳбари профилактика инспекторларига ҳар куни бештадан маъмурий баённома тузиш, бир йилда 2та маъмурий назорат ўрнатиш каби ноқонуний талабларни мажбурий режа сифатида белгилаб берганини, бу режаларни бажармаган ходимларни ишдан ҳайдаш билан қўрқитиб келганини айтган. Шунингдек, видеомурожаатда мажбурий режани бажармай туриб «гап эшитмаслик» йўли борлиги ҳақида ҳам сўз боради. Видео муаллифининг айтишича, ИИБ Ҳуқуқбузарликлар профилактикаси бўлими бошлиғига 50 доллар “узатилса”, режа бажарилган деб ҳисобланади.

Бундан олдин Қува тумани “Байналмилал” МФЙ профилактика инспектори лавозимида ишлаган Нозимжон Нишонов Facebook орқали ички ишлар вазири Пўлат Бобожонов ва ИИВ Шахсий хавфсизлик бош бошқармаси бошлиғи Мухтор Мирзаевга юқоридагига ўхшаш видеомурожаат билан чиққанди. 17 ноябр куни эса, С. Отабоевга нисбатан ЖКнинг 168 ва 209 моддалари бўйича жиноят иши очилгани ҳақида хабар тарқалди. Аслини олганда, куч органлари тизимидаги таниш-билишчилик, коррупция, ходимларни очиқ ҳақорат қилиш, ҳар хил “план”лар юклаш каби ноқонуний ишлар янгилик эмас. Бироқ энди шу тизимда ишлаган ва ишлаётган ходимларнинг ўзи ҳам бу ҳолатдан норозилик билдириб чиқмоқда. Айтиш керакки, уларнинг бу чиқишлари ижтимоий тармоқларда катта шов-шувларга сабаб бўлди. Булардан шу нарса аён бўладики, зулм-зўравонлик ва коррупция чуқур илдиз отган бундай тизимдан шу системани ҳимоя қилаётганлар, яъни орган ходимларининг ўзи ҳам безор бўлган, пичоқ суякка бориб тақалган. Албатта, шундай бўлиши вақт масаласи эди. Чунки инсон қадр-қиммати, обрўси, шарафи, хавфсизлиги бир четга суриб қўйилиб, шахсий манфаатлар ўртага чиқадиган бундай тузумда ҳатто шу тузумнинг умрини узайтираётганларнинг ўзига ҳам шафқат қилинмайди. Балки уларга нисбатан қуввати тугаса алмаштириладиган батарейкага қарагандек муносабатда бўлинади. Норозилик билдиргудек бўлса, ходимнинг ихтиёрий ёки мажбурий аралашиб қолган жиноятини далил қилиб ёки сохта айбловлар билан қамаб, ҳатто ўлдириб юборади. Сардорбек Отабоевга нисбатан ҳам шундай йўл тутишди, у ўз норозилигини билдиргани учун унга нисбатан жиноий иш очиб, жиноятчи қилиб кўрсатиш орқали овозини ўчирмоқчи бўлишяпти.

Шу ўринда Ўзбекистондаги ҳуқуқ-тартибот ва хавфсизликни таъминловчи органлар сафида хизмат қилаётган ва ўзини мусулмон ҳисоблайдиган биродарларимизга мурожаат қиламиз. Эй орган ходимлари, сиз қандай тузумга ва қандай раҳбарларга хизмат қилаётганингизни кўриб қўйинг! ИИВ ва ДХХ ичида содир бўлаётган жиноятлардан раҳбариятнинг ҳам ва айниқса, президентнинг ҳам хабари бор. Сиз президент ва раҳбарларни бехабар деб ўйламанг, чунки бундай системани уларнинг ўзлари ташкил қилган ва уни турли таъсирлардан сақлаб, муҳофаза қилиб, мана шу система асосида ишлаб келишмоқда. Сиз агар айрим раҳбарларнинг ўзгариши билан ҳолат яхши тарафга ўзгаради, деб ўйлаётган бўлсангиз қаттиқ адашасиз. Ва ўз норозилигингизни раҳбарларга чора кўрилишига ёки лавозимидан олинишига  қаратсангиз ҳам адашасиз.

Эй, ИИВ ва ДХХда хизмат қилаётган зобитлар ва ходимлар! Ҳақиқий ўзгариш мавжуд тузумнинг ўрнига Ислом тузумини олиб келиш билан бўлади. Сизнинг ҳақ-ҳуқуқингизни таъминлайдиган, иш фаолиятингизга оид маънавий ва моддий қийматларни рўёбга чиқарадиган тузум ҳам шу Исломдир. Ҳозирги бузуқлик, адолатсизлик ва фисқу фасодга тўлиб кетган тузумдан сиз ҳам жабр кўряпсиз. Биз ишонамизки, ҳуқуқ-тартибот ва хавфсизликни таъминловчи органлар ичида иймонида содиқ, Исломига амал қилишни истайдиган, одамларга зулм қилишдан Аллоҳдан ҳаё қиладиган мусулмонлар жуда кўп. Сизлар ҳам шу халқнинг ўғлонлари, фарзандларисиз! Аллоҳ ибрат олганларни ва гуноҳларига тавба қилганларни кечирувчи мағфиратлидир. Бас, сиз ҳам ибратланинг ва тавба қилиб, Аллоҳга қайтинг! Сиз Аллоҳнинг динини олий қиламан, деб юрган мусулмон биродарларингизни қўлга олиниши ва қамалишига маълум даражада ҳисса қўшгандирсиз ёки бу ишларга гувоҳ бўлиб сукут қилгандурсиз. Сиз бу билан устингизда турган анави жиноятчи раҳбарларингиз ҳамда ботил ва адолатсиз тузум тегирмонига сув қуяётганингизни билмаяпсизми?! Ахир, ўша диндош биродарларингиз чақираётган Ислом қонунлари татбиқ бўлишининг нимаси ёмон?! Ҳозирги тузумда сизга ва аҳолига қандай муомала қилинаётганини кўриб туриб ҳам тўғри хулоса чиқаришдан ожизмисиз?! Ахир, фикр юритмайсизми?!

Агар имконингиз борида Аллоҳнинг тўғри йўлига қайтмасангиз, аҳволингизга вой. Бу дунёда одамлар нафратига дучор бўлсангиз, Охират ҳаётида ундан ҳам ёмонроғи – Аллоҳнинг ғазабига учрайсиз! Аллоҳнинг гувоҳлигида биз сизни яна огоҳлантиряпмиз!

Ҳизб ут-Таҳрирнинг Ўзбекистондаги матбуот бўлими аъзоси Фаррух 

27.11.2021й