بِسْمِ اللهِ الرَّحْمنِ الرَّحِيمِ 

Роя газетаси:

Идлиб қатл қилинмоқда… сукут қилиш билан қотилларга шерик бўлиб қолманг!

2017 йил 6 октябр жума куни Ҳизб ут-Таҳрир-Туркия вилояти саккизта шаҳарда «Идлиб қатл қилинмоқда… сукут қилиш билан қотилларга шерик бўлиб қолманг!» номли матбуот баёнотини ўқиб эшиттириш тадбирларини ўтказди. Истанбул, Анқара, Бурса, Қўнья, Адана, Мерсин, Ғозий Антоб, Шонли Урфа шаҳарларида жума намози ортидан сўнгги кунларда Идлибда шаҳид бўлган мусулмонларга ғойибона жаноза ўқилди, сўнг матбуот баёноти ўқиб эшиттирилди ва тадбир дуо қилиш билан тамомланди.

Баёнотда масъуллар ва ахборот воситалари бундай қирғин қаршисида сукут қилиб турганликда айбланиб, қуйидагича иборалар билан қораланди: «Идлиб бир неча ҳафтадан бери бомбардимон қилинмоқда, фақат ўтган бир неча куннинг ўзида у ерда уч мингдан зиёд мусулмон қирғин қилинди… Наҳотки, бу ахборот воситалари диққатини Лас-Вегас ҳодисасичалик жалб қилмаса?! Исломий юртлардаги анави ҳукмдорлар Лас-Вегас ҳодисаси қурбонларига таъзия изҳор этишга шошилишди, аммо улардан бирортаси ҳам Идлибдаги биродарларимизни қатли ом қилаётган Америка билан Россияга қарши лом-мим дейишмади».

Баёнотда бу жиноятларга шерик бўлаётган масъулларга, ҳис-туйғуси ҳам қотиб кетган армия қўмондонларига, жим сукут сақлаётган уламоларга ва ниҳоят, холис суриялик халққа мурожаат қилиб, бундай дейилди:

«Эй исломий юртлар ҳукмдорлари!

Юз минглаган айбсиз-оддий мусулмон қириб юборилди ва ҳамон қириб ташланмоқда. Аммо сиз кофир золимлар билан дўстлашдингиз ва ҳамон дўстлашмоқдасиз! Қачон Аллоҳ учун қўзғаласиз?! Сизнинг қўзғалишингиз учун яна қанча шифохоналару мактаблар вайрон этилиши керак?! Яна қанча минглаб мусулмоннинг қатли ом қилинишини томоша қилишингиз керак?! Бугун қўзғалмасангиз, унда қачон қўзғаласиз?!

Эй исломий юртлар армиялари қўмондонлари!

Тумшуғингиз тагида Асад қирғин қилишда давом этяпти, Америка Курд демократик Иттифоқини қуроллантиряпти, аммо сиз нега Идлибга кетяпсиз, буни Америка хоҳлаяптими?! Исломий юртларда ўнлаб қирғинлар содир этиляпти, ҳеч бирингиз бунга нисбатан қўзғалмадингиз, уларга ёрдам бериш учун бир қадам ҳам ташламадингиз, Аллоҳ йўлида битта бўлса ҳам ўқ узмадингиз! Кўплаб юртларимиздаги мусулмон армиялар қайда қолди?! Улар бугун ҳаракатга келмасалар, қачон ҳаракатга келадилар?!

Эй уламолар ва муфаккирлар!

Аллоҳдан қўрқинг, ҳақни гапиринг! Агар бугун ҳақни гапирмасангиз, қачон гапирасиз?! Аллоҳ ҳаққи, бу хиёнатингиз ожизлигингиздан ҳам ўтиб тушди! Нифоқингиз, золимлар ва уларнинг ёрдамчиларига қўл келяпти, сизга нима бўлди, ахир, анбиёлар меросхўрларисиз-ку?! Аллоҳдан – худди ўтмишдаги уламолар каби – ҳақиқий қўрқмоқликда қўрқинг, анбиёлар меросхўрлари, деган эътиборда ҳукмдорлардан ҳисоб талаб қилинг!

Эй бутун ер юзидаги мусулмонлар!

Эй Суриядаги биродарлар!

Сустлашманг, ғамгин бўлманг, заифлашманг, чунки Аллоҳ Субҳанаҳу Ўзининг солиҳ қулларини хафаликда харгиз ташлаб қўймайди. Умидингизни йўқотманг, чунки уни йўқотсангиз, имонингизни ҳам йўқотасиз. Фитнадан ва бир-бирингиз билан зиддиятга киришишдан четлашинг, ҳаром моллару совға-саломлардан ҳазар қилинг, кофирлар ва уларнинг малайлари ўзларининг сиёсий ўйинлари билан сизни алдаб қўйишмасин. Унутманг, агар сизни бутун дунё ёлғиз қолдирса ҳам, анави ҳукмдорлар сизга орқа ўгирса ҳам, биз мусулмонлар сиз билан қоламиз ва ҳаргиз сизни ёрдамсиз ташлаб қўймаймиз!».

Мусулмонлар иштирокидаги ушбу тадбирлар қуйидаги дуо билан тугатилди:

«Эй Парвардигор, бизни қайта рошид Халифалик билан азиз ва қудратли қил, Халифалик давлати соясидаги рошид халифа қалқони ортида барчаларимизни қайта бирлаштир, ягона байроқ остида, Росулуллоҳ САВнинг роялари соясида жамла».

Роя газетасининг 2017 йил 18 октябр чоршанба кунги 152-сонидан