Ийд ал-Фитр муборак бўлсин!
Ийд ал-Фитр муборак бўлсин!
بِسْمِ اللهِ الرَّحْمٰنِ الرَّحِيم
Аллоҳу Акбар, Аллоҳу Акбар, Аллоҳу Акбар, ла илаҳа иллаллоҳ, Аллоҳу Акбар, Аллоҳу Акбар ва лиллаҳил ҳамд.
Азиз мусулмонлар, Ийд ал-Фитр байрами муборак бўлсин! Ўтган Рамазон ойида барчамиз буюк қудрат Эгаси бўлган Роббимизга ўзимиздан бир яхшиликни кўрсатишни ирода қилдик. Зеро, Пайғамбаримиз ﷺ шундай марҳамат қилдилар:
أَتَاكُمْ شَهْرُ رَمَضَانَ شَهْرُ بَرَكَةٍ فِيْهِ خَيْرٌ يُغَشِّيْكُمُ اللهُ فَيَنْزِلُ الْرَحْمَةَ وَيُحَطُّ فِيْهِ الْخَطَايَا، وَيُسْتَجَابُ فِيْهِ الدُّعَاءُ، يَنْظُرُ اللهُ إِلَى تَنَافُسِكُمْ وَيُبَاهِيْ بِكُمْ مَلاَئِكَتَهُ فَأَرُوْا اللهَ مِنْ أَنْفُسِكُمْ خَيْرًا، فَإِنَّ الشَّقِيَّ مَنْ حَرُمَ فِيْهِ رَحْمَةَ اللهِ عَزَّ وَجَلَّ
«Сизларга рамазон ойи, баракот ойи келди. Унда яхшилик бўлиб, Аллоҳ сизларни шу яхшиликка буркайди. Унда раҳмат ёғилади, хато-гуноҳлар ўчирилади, дуолар мустажоб бўлади. Аллоҳ сизларнинг (яхшилик борасида) бир-бирингиз билан ким ўзарга мусобақа қилишингизни кўриб, Ўз малоикаларига сизлар билан мақтанади. Шундай экан, Аллоҳга ўзингиздан бир яхшиликни кўрсатиб қолинг. Зеро, бадбахт кимса, шу ойда Аллоҳ Азза ва Жалланинг раҳматидан бенасиб қолган кимсадир».
Ҳа, сизу биз шундай улуғ ойни якунлаб, ушбу ой учун ваъда қилинган ажру савобларга муштоқ ҳолда ҳайит байрамини бошладик. Бироқ, минг афсуски, бугун мусулмонларнинг ҳатто байрам кунлари ҳам уларнинг қони тўкилмасдан ўтмай қолган. Бугун биз байрамимизни Муборак замин бўлмиш Фаластин ерларидаги яҳудий вужудининг мусулмонларга нисбатан олдингидан кўра янада ваҳшийлашиб, қутураётган ҳолида кутиб оляпмиз. Муқаддас Ақсо масжидида яна мусулмонлар қони тўкилаётган бир пайтда кутиб оляпмиз. Ҳеч шубҳа йўқки, яҳудий ва насороларни қўлидан тутиб тўхтатиб қўядиган халифамизни тикламас эканмиз, улар бутун дунё бўйлаб фасод ва ёмонлик тарқатишда давом этаверадилар. Зеро, мусулмонлар халифа ортида туриб жанг қиладилар, у билан ҳимояланадилар, умматнинг бир бутунлиги у билан бўлади, байрами байрамдек, хурсандчилик кунлари кўнгилдагидек давом этади ҳамда кофирларнинг мусулмонлар юртлари устидан хўжайинлик қилишига тўсиқ қўйилади.
Аллоҳга ялиниб-ёлвориб дуо қиламизки, келгуси байрам шодиёналаримизни қалқонимиз бўлган халифамиз билан биргаликда хотиржамлик ва хурсандчилик билан ўтказайлик!
Ҳизб ут-Таҳрирнинг Ўзбекистондаги матбуот бўлими
13.05.2021й
