Инсондаги энг катта тугун

بِسْمِ اللهِ الرَّحْمٰنِ الرَّحِيم

Бу дунё ҳаёти шундай нарсаки, инсон унинг нима эканлигини билиб, ҳақиқий маънода тўғри тушуниб ва шу билгиси, тушунчаси асосида яшаши инсонни фикрий юксалишига, ҳаётини моддий тарафдан ҳам тараққий этишига, ривожланишига сабаб бўлади. Аксинча, дунё ҳаётини тушунишга бўлган бепарволик ундаги қолоқликка, тубанликка олиб боради.

Бу дунё ҳаёти тўғрисидаги умумий фикр, яъни ундаги барча муаммоларнинг ечимига асос бўладиган фикр инсондаги энг катта тугуннинг ечилишига сабаб бўлади. Инсондаги энг катта тугун эса, бу дунё ҳаётининг нима эканлигини ва унда қандай яшаш кераклигини билмаслигидир. Дунё ҳаёти ҳақидаги тўғри умумий фикр эса, инсонга дунё ҳаётининг нима эканлиги бўйича тўғри жавобни ва унда тўғри яшашнинг қандай бўлишини ўргатади. Дунё ҳаётида инсондаги энг катта тугун шундай ечилади.

Демак, инсондаги энг катта тугун ечилди, бу дунё ҳаётида яшаш жараёни билан боғлиқ инсонда бўладиган муаммолар ҳам мавжуд. Энг катта тугун тана бўлса, қолган тугунлар (муаммолар) бу тананинг шохлари кабидир. Шундай экан, катта тугун ечилиши билан қолган тугунлар ҳам ўз-ўзидан ечилиб кетади. Чунки айтиб ўтдикки, катта тугуннинг ечилиши дунё ҳаётининг нима эканлиги ва унда қандай яшаш кераклиги бўйича жавоб топиш билан бўлади. Бундан маълумки, инсоннинг яшаш тарзи билан боғлиқ бўлган тугунлар қандай ечилишини катта тугуннинг ечими орқали маълум бўлади.

Яъни эътибор берилса, катта тугуннинг ечими ақида бўляпти, кичик тугун эса, яшаш жараёнидаги инсон табиати билан боғлиқ бўлган муаммолар. Ўз-ўзидан маълумки, ақида инсонга бу дунё ҳаётининг нима эканлигини ва унда қандай яшаш кераклигини ўргатади. Бу эса, инсоннинг яшаш жараёнидаги муаммоларига ечимлар қаердан, қандай олинишини ҳам ўргатади.

Демак, энг катта тугун ечилмас экан, қолган тугунларнинг ечилиб кетишини кутиш нодонликдир. Яъни инсонга ақидани тушунтирмасдан унга фақат бошқа муаммоларнинг ечимларини ўргатиш, унинг юксалишига эмас, қотиб тураверишига сабаб бўлади. Агар кимки жамиятнинг ҳақиқий юксалиши, тараққий этиши, ривожланишини истаса, бу жамиятга, аввало, ақидани тушунтириш кераклигини билиши керак. Ўз ақидасини мукаммал тушунган Исломий жамият эса, бутун дунёда етакчи бўла олади.

Ҳизб ут-Таҳрирнинг Ўзбекистондаги медиа офиси. Абдуллоҳ

15.05.2019й