بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Иордания режими илмонийликка ва илмонийларга хизмат кўрсатиш учун Ҳизб ут-Таҳрирга қарши қутурмоқда

Исломий ташкилотлар вакили Мусо Абдуллоҳ хавфсизлик кучлари сешанба куни тақиқланган Ҳизб ут-Таҳрир раҳбариятига нисбатан Иордания пойтахти Аммонда кенг кўламли қамоққа олиш кампаниясини бошланганини тасдиқлади.

Абдуллоҳ сешанба куни берган матбуот конференциясида тақиқланган Ҳизб-ут-Таҳрир партиясининг 15 нафар етакчи аъзоси қўлга олинганини айтди ва бу кампания регионда юз берган ҳодисалар ортидан амалга оширилганини қўшимча қилди.

Маълумки, Ҳизб ут-Таҳрир Халифалик давлатини барпо этиш ва мусулмонларни унинг сояси остига бирлаштиришга давъат қилувчи сиёсий исломий ҳизб бўлиб, бошқа кўплаб давлатлар қатори, Иорданияда ҳам тақиқланган. (Бусла).

Роя газетаси шарҳи:

Ҳизб ут-Таҳрир-Иордания вилояти матбуот бўлими 2016 йил 28 сентябр чоршанба куни «Иордания режими илмонийлик ва илмонийларга хизмат кўрсатиш учун Ҳизб ут-Таҳрирга қарши қутурмоқда», сарлавҳали матбуот баёнотини нашр қилди. Баёнотда «тунда ва эрталаб Иордания режими Ҳизб ут-Таҳрир аъзоларини қўпол тарзда қамоққа олганини танқид қилди. Шунингдек, бу кампания Исломга қарши уруш бошлаган ғаразгўй илмонийлар талабига жавобан бўлганини таъкидлади. Шу пайтгача режим бу ғаразгўй илмонийларга барча қулайликларни яратиб матбуотда, фикрий ва сиёсий майдонда минбарларни очиб берганди. Уларнинг Исломга қарши уруши заҳарли мақолаларидан, Ислом даъватчиларига қарши иғволаридан, Ислом аҳкомлари ва фикрларига йиртқичларча қилган ҳужумларидан яққол кўриниб турганди. Ўқувчи ёшлар хатти-ҳаракатларини исломий ақида ва аҳкомлардан узиб, бадбўй ифлос илмонийлик ақидасига боғлаш учун мактаб программаларини илмонийлаштиришга тинимсиз уринишди. Зотан, илмонийлик ақидаси на ҳалолни билади ва на ҳаромни. У поклик ва иффатни сақламайди, пок ва иффатли кишида ғурурни ёки андак бўлса ҳам ҳалолликни қолдирмай йўқ қилади…».

Кейин баёнотда мусулмонларга бундай дея мурожаат қилди: «Устингиздан ҳукм юритаётган режим Ҳизб ут-Таҳрирдаги биродарларингизни қамамоқда. Нима учун, чунки улар сизнинг ақидангиз ва динингиз аҳкомларини сақлаб қолишда асосий рол ўйнамоқдалар. Чунки улар юртдаги илмонийликка ва илмонийлар қаршисида сизнинг ақидангизга посбонлик қилмоқдалар. Бу қутурган режим Ҳизб ут-Таҳрирдаги биродарларингизни қамаш билан орангиздаги ҳақ овози бўлмиш Ҳизб йигитлари овозини ўчираман деб ўйлаяпти ёки Исломни қўриқлашдек шаръий вазифаларидан воз кечтирмоқчи бўляпти ёхуд Пайғамбарлик минҳожи асосидаги Халифаликни барпо этиш лойиҳасини рўёбга чиқариш сари олиб бораётган изчил ҳаракатларини тўхтатиб қўйишни ўйлаяпти».

Кейин матбуот баёнотини қуйидаги сўзлар билан тамомлади:

«Биз Ҳизб ут-Таҳрир-Иордания вилояти аъзолари бутун Исломий Умматга, хусусан, Иордания ва Шом юрти аҳлига шуни таъкидлаймизки, ҳибсу қамоқлар Ҳизб ут-Таҳрир аъзоларини бир кун ҳам чўчитолмаган ва чўчитолмайди ҳам. Бу уринишлар Ҳизб-ут-Таҳрирнинг уйғониш лойиҳасини амалга ошириш, яъни Пайғамбарлик минҳожи асосидаги рошид Халифалик давлатини тиклаш сари ташлаган илдам қадамларини тўхтатолмайди. Нажот сари йўл олган Умматнинг етакчилигини қўлга олиш мақсадида бошлаган ҳаракатимиз ҳаргиз тўхтамайди».

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

«Золим кимсалар  яқинда қандай оқибатга қараб кетаётганларини билиб олурлар» [Шуаро 227]

Шуни таъкидлаш жоизки, қамоққа олинганларнинг кўпчилиги улуғ ёшли ҳурматли шайхлар, яъни Ҳизб ут-Таҳрирнинг биринчи бошланишидан буён фаолият қилиб келаётган зотлардир. Иордания режими ўзининг ҳибсга олишлари, қийноқларга солиб, қамоққа ташлашлари кўп бўлгани сабабли, бу зотлар ҳақида жуда яхши хабардор. Бинобарин, уларнинг ҳақ устида собит, зулмга қарши барқарор ҳолатда турганларини ўз тажрибасидан ўтказган. Баёнотда улар қуйидаги зотлар экани ҳам келтирилган: «Улуғ олим Маҳмуд Увайза (Абу Иёс), муфаккир устоз Али Самодий (Абу Марвон), шайх Саид Ризвон (Абу Имод), шайх Валид Ҳамода Шоҳин (Абу Ҳамода), ёзувчи шайх Собит Хўжа (Абу Абд), Абдуллатиф Фатҳий Юсуф (Абу Ҳузайфа) кабилар. Аллоҳ уларни ҳам, золимлар қамоқхоналарида ётган бошқа барча мусулмонларни ҳам ёруғликка чиқарсин.

Роя газетасининг 2016 йил 5 октябр чоршанба кунги 98-сонидан