Иордания ташқи ишлар вазирининг шармандали баёнотлари
Матбуот баёноти
Иордания ташқи ишлар вазирининг шармандали баёнотлари
Иордания ташқи ишлар вазири Айман Сафадий «Ғазога қарши урушни тўхтатиш бўйича халқаро ҳаракатларга масъул араб-Ислом вазирлар қўмитаси» анжуманидан сўнг журналистларга шармандали баёнотлар берди. Уларнинг баёнотлари ўзлари йиғилган воқеалар ҳажмига мутаносиб эмас.
У Иордания билан яҳудий вужуди ўртасида тинчлик шартномаси мавжудлиги, энди уни чанг оралагани ҳақида гапирди. Яҳудий вужудининг кучайиши бутун минтақани тубсизликка итариб юбораётганини ҳамда минтақа тинчликка эришиш умиди нуқтаи назаридан энг ёмон даврни бошдан кечираётганини таъкидлаб, жумладан, бундай деди: «Биз тинчлик шартномасини бекор қилиш Иордания ва Фаластинга хизмат қилмаслигига ишонамиз ва бу келишувдан Иордания манфаатларини ҳимоя қилиш ва Фаластин халқига хизмат қилиш учун фойдаланамиз». Бош вазир журналистлардан бирининг саволига жавобан «Ғазога қарши тажовузни тўхтатиш учун таклиф қилинган барча вариантлар ўрганилаётгани»ни таъкидлади. Босқинчилик ҳатто ўз тарафдорларини ҳам майдонга чорлайдиган бўлиб қолганини, унга қарши санкциялар қўлланиши кераклигини айтиб, «Биз ҳар доим Ғарбий Соҳилда бўлаётган ҳодисалар ҳақида огоҳликка чақириб келганмиз», дея қўшимча қилди.
Иордания режими билан бошқа мусулмон юртларидаги режимларнинг позицияларини ифодаловчи бундай тубан баёнотлар қаршисида биз қуйидагиларни таъкидлаймиз:
Биринчи:
Бугунги даҳшатли ҳодисалар «Ғазога қарши урушни тўхтатиш бўйича халқаро ҳаракатларга масъул араб-Ислом вазирлар қўмитаси»га эмас, балки мусулмон армияларининг юқори мартабали қўмондонларидан иборат ҳарбий кенгашга муҳтож. Зеро, бу ҳарбий кенгаш Фаластинни озод этиш учун ҳарбий режа ишлаб чиқиб, сўнгра армияларни сафарбар қилади ҳамда яҳудийларнинг зўравонлигини йўқ қилади.
Иккинчи:
Сизларни жамлаган ушбу даҳшатли ҳодиса рувайбиза ҳукмдорларнинг гапларини такрорлайдиган, ликиллаб қолган курсиларини сақлаб қолиш учун Умматни парчалаган ва унинг масалаларини беҳуда кетказиб, душманга топширган разил тентакларга эмас, балки ҳақиқий эр кишиларга муҳтож.
Учинчи:
Ташқи ишлар вазири яҳудий вужуди билан бўлган шармандали хиёнат шартномасини ҳимоя қилиб, уни Иордания ва Фаластин халқлари манфаатига хизмат қилишини даъво қилиб, одамлар ақлини масхара қилмоқда. Чунки одамлар Иордания ва Фаластин халқи манфаатларига хизмат қилиш босқинчилик билан шартнома тузиш, уни ҳимоя қилиш ва уни тириклик воситалари билан таъминлаш орқали эмас, балки босқинчиликка якун ясаб, уни ер юзидан йўқ қилиш орқали амалга ошишини жуда яхши биладилар.
Тўртинчи:
Сиз тўғри ва керакли вариантни, яъни ҳарбий вариантни чиқариб ташладингиз. Зеро, вазир «Ғазога қарши тажовузни тўхтатиш учун таклиф қилинган барча вариантлар ўрганилмоқда» деб айтди. Тақдим этилган вариантлар орасида ҳарбий вариант бўлмагани учун у одамлар онгини масхара қилди. Кейин яна босқинчиликка қарши санкциялар қўллаш кераклигини айтяпти. Унинг қила оладиган энг катта иши мана шу, айта оладиган ёки ифода эта оладиган энг максимал нуқта ҳам мана шудир. Вазир ҳужумни қайтариш, мусулмонлар заминини босқинчиликдан қутқариш учун жон ва молини қурбон қилишга тайёр бўлган юксак мақсадли ҳақиқий эркаклар даражасига ҳеч қачон эриша олмайди.
Бешинчи:
Сиз ҳар доим бонг ураётган бу қандай хавф? Бу хавфни бартараф этиш учун бонг уриш ўрнига, тўғри ечим ҳақида фикрлаб кўрмадингизми? Ҳақиқий эркаклар позициясини эгаллашни, шунингдек, куч билан қилинган ҳужум фақат худди шундай куч билан қайтарилиши мумкинлигини англаб етмадингизми? Сиз хатар бонгини уриш ўрнига, бу хавфни бартараф этишингиз лозим.
Олтинчи:
Бу вазирда ҳали ҳам тинчликка эришиш умиди бор! Муқаддас заминни босиб олган, одамларни қирғин қилиб, қувиб чиқариб, оч қўйишда давом этаётган душман билан тинчликка эришмоқчи. Бундай кимсаларга Росулуллоҳ ﷺнинг
«… إِذَا لَمْ تَسْتَحْيِ فَاصْنَعْ مَا شِئْتَ»
«… Уялмасанг, истаганингни қилавер», деган сўзлари тўғри келади. Босқинчи душман хоҳлаганини қиляпти. Аммо вазир, унинг ҳамкасблари ва хўжайинлари тинчлик қўшиқларини айтишяпти. Булар қандай инсон, ўзи?! Қандай ўлчов билан ўлчашмоқда?!
Еттинчи:
Вазир ва унинг малай хўжайинлари Ғарб пойтахтларидаги катта хўжайинларининг гапини такрорлашмоқда. Улар минтақадаги вазият назоратдан чиқиб кетиши, минтақа тубсизлик жарига қулаши ва регионал уруш бошланишидан қўрқаётганларини билдиришмоқда. Вазир агар билмаса, билиб қўйсин, Ғарб Ислом Умматининг яҳудий вужудини йўқ қилиш сари қўзғалишидан қўрқяпти. Қўрққани учун ҳам минтақага флотларини, ҳаво кучларию, қуруқлик кучларини олиб келиб қўйди. Бу билан агар Уммат қўзғалмоқчи бўлса, шулар билан тўса оламан деб ўйлаяпти.
Саккизинчи:
Мусулмон юртларидаги рувайбиза ҳукмдорлар ва уларнинг гумашталари ҳануз Уммат жамоасидан ташқарида қолмоқдалар. Уммат ўзининг мусибатларига айнан шу ҳукмдорлар сабабчи эканини англаб етди ва талаблари чегараси кўтарилиб, бу ҳукмдорлардан ошиб ўтди. Фақатгина ҳукмдорларга қарши исён кўтариш, уларнинг назоратидан қутулиш ва Пайғамбарлик минҳожи асосидаги рошид Халифаликни барпо этиш учун ишларни Уммат фарзандлари орасидаги холис онгли инсонларга топшириш қолди, холос. Ана шунда Халифалик яҳудий вужудини ер юзидан супуриб ташлаш учун армияларимизни сафарбар қилади.
Хуллас калом:
Рувайбиза ҳукмдорлар ва уларнинг хизматкорлари ўзларига хорлик ва шармандаликни одат қилиб олишди. Улар эр кишилик, иззат-шараф ва буюклик лаззатини билишмайди. Аксинча, мустамлакачи кофирларнинг ювиндихўрлари ва яҳудий вужудининг ҳимоячилари бўлишга рози бўлишган. Улар Фаластин аҳли ва бошқа мусулмонларга нисбатан содир этилган жиноятларни кузатар эканлар, томирларида бир томчи ҳам шараф қон оқмади, хоинликдан асло ҳаё қилишмади. Бундайлар ғарблик хўжайинлари нима деса ўшани такрорлашдан, халқаро ҳамжамият, халқаро қонун ва БМТ деган ёлғончи ташкилотларга қаттиқ ишонишдан бошқасини билишмайди. Ваҳоланки, бу ташкилотлар фақат Ислом ва мусулмонларга қарши курашиш мақсадида тузилган. Шу боис бу ташкилотлар Ғарбга Ислом ва мусулмонларга қарши курашида ёрдам бериб келмоқда.
Лекин хушхабар шуки, Умматнинг бу ҳукмдорларнинг ким эканини англаб етиши кундан кунга ортиб бормоқда. Тез орада арслондек ўкириб, ҳукмдорларга, яҳудийларга ва уларнинг ортидаги Ғарбга қарши чиқади. Шубҳасиз, у кун Аллоҳнинг изни билан яқиндир.
Ҳизб ут-Таҳрирнинг марказий матбуот бўлими
