Покистон раҳбарлари Америкага хизмат қилишга ва унинг манфаатларини рўёбга чиқаришга ўзларини бағишлаганлар
بِسْـــمِ اللهِ الرَّحْمٰـــنِ الرَّحِيـــم
Роя газетаси:
Покистон раҳбарлари Америкага хизмат қилишга ва унинг манфаатларини рўёбга чиқаришга ўзларини бағишлаганлар
Билол Муҳожир қаламига мансуб
Американинг овсар раҳбари Трамп милодий янги йилни Твиттер саҳифасидаги Исломга қарши салибчилик курашида Покистоннинг роли ҳақидаги твитлари билан бошлади. Жумладан, у бундай сўзларни ёзди: «Қўшма Штатлар сўнгги 15 йил ичида аҳмоқ Покистонга 33 миллиард доллар берди, у эса, бизнинг раҳбарларни аҳмоқ деб ўйлаб, бунинг муқобилида ёлғон ва алдовлардан бошқа ҳеч нарса қайтармади… Улар биз Афғонистондан қувиб чиқарган террорчиларга ўз юртларидан бошпана беришяпти. Бизга кўрсатаётган ёрдамлари эса, айтишга ҳам арзимайди!». АҚШнинг БМТдаги вакиласи Никки Хейли бундай деди: «Бунинг аниқ сабаблари бор. Чунки Покистон йиллар давомида иккиёқлама ўйин ўйнади… Ўзлари биз билан ишлаб туриб, бир вақтда, Афғонистондаги кучларимизга ҳужум қилиши учун террористларга бошпана беришди». Оқ уй маъмурияти матбуот воизаси Сара Сандерс ҳам «Улар терроризмни тўхтатиш учун жуда кўп ишлар қилишлари мумкин ва биз улардан шуни истаймиз», деди.
Лекин аслида, Покистон бу миллиардлар эвазига АҚШнинг терроризмга қарши, дейилган, аммо ҳақиқатда эса Исломга қарши бўлган минтақадаги урушида унга ўз аскарлари ва фуқароларини қурбон қилди. Бундан ташқари, айни ифлос урушнинг барча иқтисодий зиёнлари Покистон зиммасига тушмоқда. Покистон Марказий банкининг 2016 йил учун ўтказган тадқиқотида «терроризм»га қарши курашда Исломободнинг иштироки унга 15 йил ичида 118 миллиард долларга тушгани айтилади. Яъни бу маҳаллий ялпи ишлаб чиқаришинг учдан биридан кўпроғига тўғри келади. «Иқтисодий ўсиш ҳам, ижтимоий секторнинг ўсиши ҳам «терроризм»га қарши кураш ҳодисаларидан жиддий зарар кўрди», деб ёзади муассаса ўз ҳисоботида.
Шундай қилиб, демак, Покистон АҚШнинг аксари ҳарбий техникадан иборат бўлган айни ёрдамларини юрт ичкарисидаги ҳамда Покистон-Афғонистон ўртасидаги чегаралардаги мужоҳидларга қарши жанг қилиш учун олди, яъни уларни АҚШнинг минтақадаги манфаатларини ва Афғонистондаги босқинчилигини мудофаа қилишга сарфлади… Шунингдек, Покистон мана шу гуноҳи азим уруш учун ўз ҳамёнидан миллиардлаб доллар сарфлади… Шуларнинг баридан сўнг, энди, Трамп чиқиб олиб, айни ёрдамларни тўхтатиб қўйиш билан таҳдид қилмоқда! Кошки, бу ёлғончи-каззоб ўша ифлос пулларини чиндан ҳам тўхтатиб қўйганда эди. Ана шунда кўрардик, покистонлик молпараст генераллар ва коррупциячи сиёсатчиларнинг қандай шарманда бўлишларини… Шу билан бирга Исломга қарши урушда АҚШ билан қилган тил бириктирув ва хиёнатларини оқлаш учун келтираётган баҳоналари ҳаммаси фош бўлган бўларди.
Ҳақиқатда ҳам шармандаликлари очилиб бўлди. Масалан, АҚШ ташқи ишлар вазирлиги 2018 йил 4 январ пайшанба кунги баёнотида АҚШнинг Покистонга ажратилган хавфсизликка оид ёрдамларни узиб қўйишга қарор қилганини, буни Исломободнинг афғон Толибонига ва Ҳаққоний тармоғига қарши кескин чора қабул қилиши учун шундай қилганини, Вашингтон бу икки жамоани минтақа барқарорлигини бузмоқда, деб ҳисоблашини маълум қилди.
Америка ташқи ишлар вазирлиги матбуот воизаси Хизер Нойерт – гўё Покистон ҳукмдорлари Американинг ёлланган мардикорларидек – уларга қарата бундай деди: «Айрим ёрдамлар давом этиши мумкин, аммо бунинг учун Исломобод бу икки жамоага қарши кескин чора кўриши шарт. Чунки уларни биз минтақа барқарорлигини бузилишига сабаб бўлаётган ҳамда америкаликларни нишонга олаётган жамоалар, деб ҳисоблаймиз».
Бу сўзларга Покистон раҳбариятидан қандай расмий жавоб бўлганига келсак, ташқи ишлар вазири Хўжа Осиф «Биз Қўшма Штатлар раҳбариятига бундан ортиқ иш қила олмаслигимизни хабар қилдик», шунинг учун «Трампнинг кўп гапларининг унчалик аҳамияти йўқ», деди. Хўжанинг «Покистон АҚШдан олган ёрдамларининг батафсил рўйхатини тақдим этишга доим тайёр», деган сўзлари эса, ҳақиқатдан ҳам бу кимса Американинг ёлланма мардикори эканини исботлаб турибди. Душанба куни АҚШнинг Покистондаги элчиси Дэвид Хейл Покистон ташқи ишлар вазирлигига чақирилиб, унга Трамп Твиттерига нисбатан норозилик изҳор этилди.
Дунёдаги энг катта армиялар ичида еттинчи ўринни эгаллаган, улардан энг кучли ва энг маҳоратлиси ҳамда энг яхши машққа ва ядровий қуролга эга армиянинг бош қўмондонлиги берган жавоб эса, шундай маҳобатли қудрат ҳажмига нисбатан номуносиб жавоб бўлди. Покистон мудофаа вазири, армия матбуот воизи Хуррам Дўстгир Хоннинг айтишича, АҚШ президенти Дональд Трампнинг янги йил муносабати билан Твиттерда Покистонга қарши ёзган таҳдидли твитлари ортидан, Покистон – Американинг ҳар қандай ҳаракатига қарши туришга тайёр, деди. У жумладан, «Ҳеч қандай шубҳа ҳам, хавф ҳам бўлмаслиги керак, чунки Покистон мудофааси қудратли ва кучли қўлларда», деди. Хуррам Дўстгир ўзининг Твиттерида «Қўшма Штатлар Покистонга ишонмаслик ва таънадан бошқа ҳеч нарса бермаган», деб ёзди.
Покистондаги сиёсий ва ҳарбий раҳбарият Американинг малайидир, Америкадан бошқа муқобил давлат ҳақида фикрламайди. Агар Покистон сиёсий ва ҳарбий жиҳатдан мустақил қарор чиқара олганда эди, бу мустамлакачи давлатга нисбатан ўзининг реал ҳажми ва қудратига муносиб жавоб қайтарган бўларди. Айниқса, ҳозир Американинг сиёсий аҳволи жуда заиф. Бунга овсар Трампнинг сиёсати, маъмуриятининг бўлиниб кетиши, муаммолар кўпайиб кетгани, Трамп ҳам, мамлакати ҳам ташқи ва ички томондан танқидлар остида қолаётгани… сабаб бўлди. Устига-устак, Америка сиёсати ва ҳарбий қудратини таянчи бўлган иқтисодиёти ҳам орқага кета бошлади. Бунга ҳарбий камомад ҳам қўшилди. Бу нарса бевосита хорижий урушларга киришишдан воз кечганини маълум қилишга Американи мажбурлади. Чунки у ўзининг фаразий душманлари бўлган Афғонистон ва Ироқ устидан ғалаба қозонишга муваффақ бўлолмаган эди.
Покистон армияси етакчиларида – Покистон давлати ташкил топаётганда ва ҳозирги даврда даъво қилишаётгандек – ҳарбий жиҳод доктринаси бўлганда эди ҳамда улар ҳарбий хизматга кираётганда ичган қасамларига вафо қилишганда эди, Америка ёки Хитойга юзланиш танлов эмаслигини, ер юзининг шарқию ғарбида оёққа туриб ўзгаришни талаб қилаётган Ислом Умматининг танлови уларнинг ҳам танлови ва ютуғи эканини англаб етган бўлишарди.
Биз бу иккала раҳбариятга мутлақо умид боғламаймиз, улар борасида яхши гумон ҳам қилмаймиз. Чунки малайлик уларнинг қон-қонигача сингиб кетган. Агар уларда заррача холислик бўлганда эди, жавобларида буни кўрган бўлар эдик. Зеро, улар минтақадаги Америка билан бўлган иттифоқчиликларини осонгина тўхтатиб қўя оладилар. Ёлғиз мана шу нарсанинг ўзи, Американи империялар мозори бўлган Афғонистонга кўмиб ташлаши аниқ. Шунинг учун бизнинг умид холис зобитларга тикилган. Уларга раҳбарлари чалинган дард юқмаган бўлиб, улар раҳбарлари сафида эмас. Биз уларнинг ўз раҳбариятларини олиб ташлашларини ёки уларга қарши инқилоб қилишларини ҳамда ҳокимиятни сиёсий ва ҳарбий етакчилик қўлига топширишларини умид қиламиз. АҚШ бошчилиги остидаги мустамлакачи кофирларга қарши кураш машинасини бошқаришга қодир бўлган бу етакчилик, фуқаҳолар, сиёсатчилар, муфаккирлар ва ҳарбий раҳбарлардан иборат Ҳизб ут-Таҳрир етакчилигидир.
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ + وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ﴾
«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]
Роя газетасининг 2018 йил 10 январ чоршанба кунги 164-сонидан
