بِسْمِ اللهِ الرَّحْمٰنِ الرَّحِيمِ

Ислом Британияда энг тез ёйилаётган диндир

Агар биз кўпиклик ҳолатидан халос бўлиб, Халифалигимизни тикласак ҳолат қандай бўлишини бир тасаввур қилиб кўраверинг!

Онадўли агентлиги веб-сайти ҳижрий 1441 йил 9 жумодул аввал, милодий 2020 йил 4 январ шанба куни нашр қилган хабарда шундай келади: «Расмий статистикада кўрсатилишича, Ислом Британияда энг тез ёйилаётган диндир. Чунки насронийлар сони озаяётган бир пайтда мусулмонлар сони ортиб бормоқда.

Британияда чиқадиган Daily Mail газетасининг жума куни миллий статистика бюросига асосланиб келтиришича, мусулмонлар сони илк бор 3 миллион кишидан ошди.

Миллий статистика бюроси эълон қилган ушбу рақамлар турли этник ва диний гуруҳлар миқдорини мунтазам равишда баҳолаш мақсадида ўтказилган тадқиқот лойиҳасининг бир қисмидир.

Газетада изоҳ берилишича, Британияда насронийлик ўз издошларининг сони жиҳатидан энг катта дин бўлиб қолаётган бўлсада, насронийларнинг озаяётгани кузатилмоқда».

Роя газетаси шарҳи: Бугунги кунда дунёда, хусусан Европада мусулмонлар сонининг кўпайиши Кофир Ғарб Ислом ва мусулмонларга қарши аёвсиз ҳужумни давом эттираётган бир пайтда рўй бермоқда. Бу шуни тасдиқлайдики, ҳар бир замон ва маконда инсон ақлини қаноатлантирадиган, фитратига мос келадиган исломий ақида тирик ақида бўлиб, ёвуз капитализмнинг уни мағлуб қилиши мумкин эмас. Зеро, капитализм ўзининг фақат фойданигина кўзлайдиган илмоний ақидаси ва бузуқ қадриятлари билан дунёни тубсиз жарлик ёқасига олиб бориб қўйди. Бироқ, давлат бўлмаган ҳолда соннинг кўпайиши мусулмонларга бирор наф келтирмайди. Шунингдек, Уммат Халифалик парчаланиб, ортида туриб уруш қилинадиган ва у билан ҳимояланиладиган қалқонини, яъни имомини йўқотганидан кейин ўзи дучор бўлган тарқоқлик ва заифлик ҳолатидан ёлғиз соннинг кўпайиши билан чиқолмайди. Уммат мана шундай ёмон аҳволни бошдан кечираётган бўлсада, биз аниқ ишонамизки, у ўзининг табиий вазиятини қайта тиклаш ҳамда Росулуллоҳ ﷺнинг Пайғамбарлик минҳожи асосидаги рошид Халифаликни барпо бўлиши ҳақидаги башоратларини рўёбга чиқариш бўсағасида турибди. Халифалик мусулмонларнинг исломий ҳаётда яшашлари учун ҳаёт воқелигида Ислом фикрларини жорий қилади ва Ислом низомини татбиқ қилиб, мусулмонларга етган зулмни даф этади. Аллоҳнинг изни ила Ислом Уммати яна қайта азиз ва кучли Умматга айланади. Росулуллоҳ ﷺ Қуддуснинг яҳудийлардан озод этилиши ҳақида қилган башорат ҳам рўёбга чиқади. Халифалик кофир Ғарб қўрғонларини вайрон қилиб, олдин Константинополни қандай фатҳ қилган бўлса Росулуллоҳ ﷺ башоратларининг тасдиқи сифатида Римни ҳам фатҳ қилади. Ўша кунда Европа халқлари якка тартибда эмас, балки тўп-тўп бўлиб Исломга кирадилар. Бутун башарият бахтсизликдан ва илмонийлик зулматларидан Ислом нурига, икки дунё бахт-саодатига олиб чиқилади.

Роя газетасининг 2020 йил 15 январ чоршанба кунги 269-сонидан