Ислом иқтисодий тузуми — қарамликдан озод бўлишдир, дунёдан узилиб қолиш эмас

Ўз лойиҳаларини молиялаштиришда рибога (сутхўрликка/фоизларга) суянадиган давлатлар — бутунлай барбод бўлган давлатлар бўлиб, улар берк айлана ичида яшайдилар; зеро улар аввалги қарзларини узиш учун яна қарз оладилар, фоизни тўлаш учун ўз фуқароларига  солиқлар соладилар ҳамда қарз берувчиларни рози қилиш учун хизматларни (ижтимоий таъминотни) қисқартирадилар! Ва мана шундай қилиб, иқтисодиёт халқларга ғамхўрлик қилиш ўрнига, уларни қашшоқлаштириш воситасига айланади.

Исломда эса, давлат ўз харажатларини ҳақиқий манбалардан молиялаштиради, бойликни пок шариат ҳукмларига мувофиқ қайта тақсимлайди, монополияни таъқиқлайди ҳамда бозорларни тартибсизликка йўл қўймаган ҳолда назорат қилади.

Иқтисодий тузум Ислом тушунчасида дунёдан узилиб қолиш эмас, балки қарамликдан ва тобеликдан озод бўлишдир. Ислом давлати тижорат қилади, битимлар имзолайди, импорт ва экспорт қилади, лекин у ўзига қонунчилиги ёки сиёсатини ўзгартиришни мажбурлаб ўтказадиган молиявий гегемонликка  асло бўйин эгмайди. Зеро, иқтисодий қарорлар халқаро ташкилотлар экспертларининг тавсиялари асосида эмас, балки исломий ақидадан келиб чиққан ҳолда ва шариат белгилаб бергандек умматнинг мафаатларини ҳимоя қилиш мақсадида қабул қилинади.

Роя газетасининг 2026 йил 24 июн, чоршанба кунги 605-сонидан