Саҳобалар ҳаётидан лавҳалар

بسم الله الرحمن الرحيم

Туркумимизнинг бугунги сонида Умар розияллоҳу анҳунинг қайси йилда Исломга киргани ҳақида тўхталамиз.

Исломга қайси йили ва нечанчилардан бўлиб киргани ҳақида.

Зайд ибн Аслам отасидан, отаси эса Зайднинг бобосидан (яъни отасидан), бобоси Умар розияллоҳу анҳудан: Умар розияллоҳу анҳунинг айтишича, у киши нубувватнинг олтинчи йили, зул-ҳижжа ойида, йигирма олти ёшида Исломга кирган.

Довуд ибн Хусойн Зуҳрийдан ривоят қилишича, Умар розияллоҳу анҳу қирқта ёки қирқтага яқин эркак ва аёллар мусулмон бўлганидан кейин Исломга кирган эди.

Абдуллоҳ ибн Саълабадан қилинган ривоятга кўра, Умар розияллоҳу анҳу қирқ бешта эркак ва ўн битта аёл Исломга кирганидан кейин мусулмон бўлган.

Баъзи ривоятларда Умар розияллоҳу анҳу қирқинчи бўлиб Исломга киргани айтилади.

Само аҳлининг Умарнинг Исломга кириши ҳақида қилган башоратлари.

Довуд ибн Хусойн Зуҳрийдан ривоят қилади, Умар Исломга кирганда Жаброил алайҳиссалом тушди ва “Эй Муҳаммад, само аҳли Умарнинг Исломга киришидан башорат бермоқда” деди.

Умарнинг Исломга кириши билан Исломга даъват очиқ кўринишга ўтиши.

Ибн Аббос розияллоҳу анҳудан, Умар Исломга кирганида ховлидагилар “Аллоҳу акбар” деган ҳайқириқларни шунчалик баланд овозда айтишдики, бу овозларни масжидда (Каъбада) эшитиш мумкин эди. Умар Росулуллоҳ соллаллоҳу алайҳи ва салламдан “Эй Росулаллоҳ, биз ҳақдамизми?” деб сўради. “Ҳа” деб жавоб бердилар. Умар “Ҳақда бўладиган бўлсак, унда яшириниш нимага керак?!” деди. Росулуллоҳ соллаллоҳу алайҳи ва саллам шу билан очиқ даъват қилишга чиқдилар.

Суҳайб ибн Синон розияллоҳу анҳудан, Умар розияллоҳу анҳу Исломга кирганида Исломга кирганини ошкор қилди ва унга даъватни (Исломга даъватни) ҳам очиқ қилишни бошлади.

Қайс ибн Абу Хозим айтади: Абдуллоҳ ибн Масъудни шундай деганини эшитганман: “Умар Исломга кирганидан кейин азиятлардан чиқиб, азизликда бўлишда бардавом бўлдик”.

“Форуқ” деб номланиши.

Ибн Аббос розияллоҳу анху айтади: “Умардан нима учун “Форуқ” деб номлангани сабабини сўрадим. У қандай бўлиб мусулмон бўлгани тарихини гапириб берди ва охирида “Сўнг икки сафни ичида қўлларимизни бир биримизнинг қўлларимизга киргазган ҳолда Росулуллоҳ соллаллоҳу алайҳи ва салламни олиб чиқдик. Шундан кейин Росулуллоҳ соллаллоҳу алайҳи ва саллам мени “Форуқ” деб номладилар””.

Мазкур ривоятлардан Умар розияллоҳу анҳунинг мартабаси, улуғлиги қай даражада буюк бўлганини тушунишимиз мумкин.

Ҳизб ут-Таҳрирнинг Ўзбекистондаги медиа офиси. Муслим

31.10.2018й