بِسْمِ اللهِ الرَّحْمٰنِ الرَّحِيم

ИСЛОМИЙ ДАЪВАТНИ ЁЙИШ

ВАЗИФАЛАР ВА СИФАТЛАР

(34-бўлак)

(Ҳақиқатни ушлаган гуруҳ тўғрисидаги ҳужжат ва шарҳларнинг давоми)

Ниҳоят «улар Шом шаҳрида ва Байтил Мақдис ва унинг атрофларида» деган сўзлари мана бу ҳизб, яъни Ҳизб ут-Таҳрирнинг келиб чиқиш жойига далолат қилади. Чунки Ҳизб ут-Таҳрирдан бошқа мана бундай сифатларга эга бўлган бирор ҳизб Қуддус шаҳрида пайдо бўлгани маълум эмасдир. Мана булар тоифа ёки ҳизбнинг сифатлари ва унинг келиб чиқиш жойлари ҳақида. Бу сифатларнинг барчаси ҳеч истисносиз Ҳизб ут-Таҳрирга тўғри келади.

Аммо имоми Аҳмаднинг «улар (уммат ичидаги тоифа ё ҳизб) аҳли ҳадис бўлмаса, ким бўлиши мумкин, билмайман» деган гапи, Бухорийнинг «улар аҳли илмлар» деган гапи, Қозий Иёзнинг «улар аҳлу-с-сунна ва-л-жамоа», Али ибн Мадинийнинг «улар араблар» деган сўзлари очиқдан очиқ хатодир. Зеро, ҳадис илми ва ривояти билан шуғулланувчи аҳли ҳадис ҳамда аҳли илм фақат Байтил Мақдисда ёки атрофларида яшаган, деб ҳеч ким даъво қила олмайди, бунга қўшимча, қолган сифатлар уларга тўғри ҳам келмайди. Аҳли сунна вал жамоа ҳам фақат Шомда яшамаганлиги маълумдир, бундан ташқари, улар ҳадисларда келганидек тоифа ҳам, гуруҳ ҳам эмаслар. Аммо «улар араблар» деган гап ҳам хато, бу кундек аниқ. Мазкур ҳадисларни шарҳлаганлар ушбу ҳадислар манотини, яъни Ҳизб ут-Таҳрирни билмай яшаганлар, деб узр айтиш мумкин. Акс ҳолда улар бошқа фикрда бўларди. Ушбу ҳизбни, унинг сифатларини, келиб чиқиш жойини била туриб, ўзидан олдингиларнинг фикрида қолганларни эса, оқлаш мумкин эмас.

Пайғамбар А. муборак сўзлари билан шу сифатларни айтиб ўтишгагина чекланмадилар. Балки ушбу ҳизбнинг қўл остида ислом давлатининг барпо бўлишига далолат қиладиган бошқа сифатларни ҳам айтиб ўтдилар:

1. Муслим, Абу Довуд, ибн Можа ва Аҳмад Жобирдан ривоят қиладилар: Расулуллоҳ с.а.в дедилар: «Умматимдан бир тоифаси қиёматгача ҳақиқатни ушлаб курашда давом этади. Сўнг Исо ибн Марям тушади, шунда у тоифанинг амири «келинг намозга ўтиб беринг», дейди. «Йўқ» – дейди Исо, Аллоҳ бу умматни ҳурмат қилгани туфайли баъзиларинг баъзиларингизга амирсиз»

2. Муслим Уқба ибн Омирдан ривоят қилади. Расулуллоҳ с.а.в. дедилар: «Умматимнинг бир гуруҳи доимо Аллоҳнинг амри юзасидан уруш қилади ва душманларига қаҳр қилади. Қаршилик қилганлар уларга зарар етказа олмайдилар, ҳатто уларнинг шу ҳолатида қиёмат қоим бўлур».

3. Аҳмад Салама ибн Нуфайлдан ривоят қилади, Расулуллоҳ с.а.в. дедилар: «Уруш келди. Умматимдан бир гуруҳ доимо одамлардан устун келади. Аллоҳ қавмлар кўнглини кўтаради. Улар билан урушадилар. Аллоҳ уларга улардан ризқ беради. Ваниҳоят, шу ҳолда Аллоҳнинг амри келади. Билингки, мўминлар ҳовлиси Шом. Қиёматга қадар отлар пешонасига яхшилик бириктирилган». Расулуллоҳ с.а.в. нинг «ҳақиқат устида ва Аллоҳнинг амри юзасидан уруш қиладилар», «уруш келди…, улар билан урушадилар, Аллоҳ уларни ризқлантиради» деган сўзлари шунга далолат қиладики, бу тоифанинг давлати мавжуд бўлиб, у жиҳод ва уруш эълон қилади ҳамда душманлар устидан ғалаба қозонади. «Ҳизб ут-Таҳрир» пайдо бўлган кундан бошлаб айни шу мақсадда, яъни тўғри Халифаликни қайта тиклаш учун ҳаракат қилиб келмоқда.