بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Режим илмонийлик талабларига мослашиб жамоат майдонида очилган исломий китоблар кўргазмасини тақиқлади

Биз Ҳизб ут-Таҳрир-Судан вилояти аъзолари Шимолий Кордофан вилояти маркази Абяз шаҳрида, катта жоме масжиднинг шарқий қисмидаги павильон яқинида исломий китоблар кўргазмаси очиш учун маҳалла оқсоқоли – у хавфсизлик хизмати раиси ҳам – Шийконга талабнома тақдим этдик. Аммо Шийкон у ерни «масжид ҳарамига хос жой бўлгани учун рухсат бермаймиз», деди ва бошқа таклиф қилишимизни талаб қилди. Биз у ҳақда яхши гумон қилиб, кўргазмани янги жой «Ҳуррият» майдонида ўтказиш учун яна талабнома тайёрладик. Бироқ Шийконнинг гапидан тониб, хавфсизлик хизмати бу жойни муносиб кўрмаганини баҳона қилганига ҳайратдан ёқа ушладик.

Шулардан келиб чиққан ҳолда, биз Ҳизб ут-Таҳрир-Судан вилояти аъзолари жамоатчиликка қуйидагиларни билдирамиз:

Биринчидан: Бу Ҳизб ут-Таҳрир-Судан вилоятининг биринчи бор исломий китоблар кўргазмаси эмас. Илгари Суданнинг юзлаб майдонлари биз ўтказган исломий китоблар кўргазмасига гувоҳ бўлган, Биз ўтказган бу кўргазмаларга исломий маърифат олиш учун одамлар оқиб келиб, китоблардан чуқур таъсирот олганларини, уларда жуда яхши фикрлар мужассамлигини изҳор этишган. Ҳатто бунга ўхшаш кўргазмага шу Абяз шаҳри ҳам гувоҳ бўлган. У ерда кўргазмамизни тартиб-интизом билан, илғор тарзда, ҳеч кимнинг тақиқловисиз ўтказган эдик. Балки барча кўргазмаларимиз ҳеч қандай ҳодисасиз ва тақиқловсиз ўтказилган.

Иккинчидан: Китоб кўргазмаси Ислом Умматига сақофат бериш услубларидан ҳамда мусулмонларга фарз қилинган даъватни етказиш тадбирларидан бири ҳисобланади. Бундай тадбирни тақиқлаш, қандай бўлишидан қатъий назар, Аллоҳ Таоло йўлига тўғоноқ бўлиш, Аллоҳ даъватига қарши курашиш ҳамда ҳеч қандай замонга ва маконга чекланмаган исломий даъватни етказишга тўсқинлик қилишдир. Дарҳақиқат, Аллоҳ Ўз даъватидан одамларни тўсаётган кимсаларга жазо борлиги билан таҳдид қилган. Аллоҳ Таоло айтади:

أَلَا لَعْنَةُ اللَّـهِ عَلَى الظَّالِمِينَ* الَّذِينَ يَصُدُّونَ عَن سَبِيلِ اللَّـهِ وَيَبْغُونَهَا عِوَجًا

«Огоҳ бўлингизким, бундай золимларга Аллоҳнинг лаънати бўлур. У золим кимсалар (одамларни) Аллоҳнинг йўлидан тўсиб, уни (Аллоҳнинг йўлини) бузмоқчи бўладилар»  [Ҳуд 18-19]

Учинчидан: Бу тақиқ Американинг юртни илмонийлаштириш учун қилган талабларига мувофиқ амалга оширилгани кундек равшан. Ҳукмдорлар Американи рози қилиш учун Ислом кўринишларини – ҳатто китоблар кўргазмаси бўлса ҳам – тақиқлашлари керак. Агар кўргазмага рухсат беришган бўлса ҳам, америкалик хўжайинларининг норози бўлиб қолишидан қўрқиб, уларга кўрсатмай ими-жимида рухсат беришган. Яқинда, шу хўжайинларига мана шундай ён бериш ва итоатгўйлик доирасида, маърифат ва ҳидоят вазири бозорлар ва жамоат жойларида диний суҳбат ўтказмаслик ҳақида буйруқ чиқарди, бир неча имомларни масжид минбаридан ҳайдади, Исломга алоқадор бўлган ҳар бир нарсани йўқ қилиш учун, масалан, зинокор ва муртадни тошбўрон қилиш каби тадбирларни тақиқлади.

Тўртинчидан: Бугун Судан режими юртдаги жамоатчилик майдонларини ҳаёсиз маишатбозлик, эркак-хотин аралаш концертлар, бемаъни фестиваллар учун ланг очиб қўйди. Аммо исломий ҳаётни қайта бошлаш учун даъватни етказиш тадбирларини тақиқлади. Бу билан бузуқлик тарқатиб, ислоҳ қилмайдиган, адаштириб, тўғри йўлга бошламайдиган бундай раҳбарларнинг татбиқ қилаётган лойиҳалари қандай экани фош бўлди.

Хотима: Биз Ҳизб ут-Таҳрир аъзолари ҳақ аҳлидан бўлишга ва уни баралла айтишга Аллоҳ ва Росулига ваъда берганмиз. Бизни ёрдамсиз қолдирганлар бизга зарар етказолмайди. Биз Аллоҳ шариатини ўрнатиб, ҳукмини ер юзида жорий қилиш учун фаолиятимизни давом эттирамиз. Шубҳасиз, Аллоҳ шариатини ўрнатиб, ҳукмини ер юзида жорий қилишни биз Ислом аҳкомлари асосида ҳамда Аллоҳ Таолонинг фатҳи жуда яқин эканига чуқур ишонган ҳолда, фарзларнинг тожи, динимиз қўриқчиси ва дунёмиз сиёсати бўлган Пайғамбарлик минҳожи асосидаги рошид Халифаликни барпо этиш билан амалга оширамиз. Аллоҳ даъватидан ва ҳақни эшитишдан тўсаётганларга келсак, улар Аллоҳ Таолонинг ушбу каломини тадаббур қилиб олсинлар:

وَلَا تَحْسَبَنَّ اللَّـهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ

«Сиз ҳаргиз: «Аллоҳ золим кимсаларнинг қилаётган амалларидан ғофил», деб ўйламанг, фақат Аллоҳ уларни(нг жазоларини) кўзлар (даҳшатдан) қотиб қоладиган (қўрқинчли қиёмат) кунига қолдирмоқда, холос»           [Иброҳим 42]

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com