بسم الله الرحمن الرحيم

Роя газетаси:

Ҳизб ут-Таҳрир аъзолари Баттирда Халифалик қулатилишининг 97 йиллигини хотирлашмоқда

2018 йил 13 апрел жума куни Байтлаҳмдаги Баттир қишлоғида Оли Ҳамод майдонида шом намозидан сўнг Ҳизб аъзолари «Халифалик Умматнинг куч-қудратини, Қуддуснинг мақомини тиклайди» шиори остида тадбирлар ўтказди. Ҳизб ут-Таҳрир томонидан Халифалик қулатилишининг 97 йиллиги хотиралари муносабати билан бошлаган халқаро кампания доирасида ўтказилган айни тадбирда кўплаб қишлоқ аҳли ва асосан тадбирдан манфаатдор бўлган ёшлар қатнашди.

Тадбир чоғида форум уюштирилди ва унда қилинган маъруза иштирокчиларда катта таассурот қолдирди. Унда Умматнинг бугунги аҳволи ҳақида ҳамда мусулмонлар хорлик ва заифликдан куч-қудрат ва азизликка фақат Исломни татбиқ этувчи ва юртларни фатҳ қилувчи давлат барпо этилгандан сўнггина кўтарилганликлари ҳақида гапирилди. Қуддусни фатҳ этган ҳам, кейин салибчилардан уни озод этган ҳам Халифалик давлати бўлгани, уни озод этиш Салоҳиддин Айюбийдан алоҳида тартибда фаолият талаб қилгани, бу саркарда бўлиниб кетган исломий юртларни бирлаштириб, барчасини Аббосий Халифалик соясига қайта киритгани, бу ишда уламоларни жалб қилиш ва Умматнинг фикрий савиясини кўтариш устида ишлагани айтилди. Маърузачи йигит ўз сўзини бугунги кунда Қуддуси Шарифни қайта озод этиш Пайғамбарлик минҳожи асосидаги рошид Халифалик давлатисиз ҳаргиз амалга ошмаслигини таъкидлаш билан якунлади. Форум сўнггида навқирон ёшдаги бир йигит маъруза қилиб, ўз тенгқурларига ва уларнинг ота-оналарига мурожаат қилди. У ўз Мурожаатида Исломга ёрдам бериш ва унинг давлатини барпо этишда ёшлар роли алоҳида аҳамият касб этишини таъкидлади ҳамда Ғарб ташкилотлари билан Фаластин режими ёшлар қалбидан Ислом ақидасини ўчиришга, дарсдан ташқари тадбирлар, деган бузғунчи нарсалар билан уларнинг хулқ-атворларини бузишга уринаётганини баён қилди. Сўнг йиғин қатнашчилари дуога қўл очиб, Аллоҳ Субҳанаҳу ва Таолодан ушбу Умматни нусрат ва ғолиблик билан сийлашини сўрадилар.

Роя газетасининг 2018 йил 25 апрел чоршанба кунги 179-сонидан