بِسْمِ اللهِ الرَّحْمٰنِ الرَّحِيم

Роя газетаси:

Ҳизб ут-Таҳрир-Кения кампания бошлади

Ҳизб ут-Таҳрир – Кения «Турмуш харажатларининг ортиши: Ислом ягона ечимдир» номли махсус кампания бошлади. Кампания 2019 йил 13 январ якшанба кундан бошланиб, 2019 йил 5 апрел жума кунига қадар уч ой давом этади.

Кампания мустамлакачи капитализмнинг иқтисодий муаммоларнинг мураккаблашишидаги ролини кўрсатиб беришга қаратилган. Зеро, давлатнинг 5.7 триллион шиллинга етган улкан қарзи ҳамда одамлар бошдан кечираётган қашшоқ ҳаёт ҳамон Кения аҳолисини ўз домига тортаётган шу муаммолар жумласидандир. Шунингдек, ушбу кампаниядан кўзланган мақсадлардан бири, Исломнинг бутун инсоният юз тутаётган барча муаммоларни ҳал этишга қодир кенгқамровли мабда бўлгани эътиборидан, иқтисодий муаммоларга қарши курашдаги исломий ечимни кўрсатиб бериш ҳамдир.

Кампания чоғида Ҳизб ут-Таҳрир-Кения кўплаб тадбирлар ўтказади. Жумладан, жойларда маърузалар қилиш, олимларни, шу жумладан, Уммат орасидаги иқтисодчи олимларни зиёрат қилиш каби тадбирлар.

Роя газетасининг 2019 йил 16 январ чоршанба кунги 217-сонидан