Матбуот баёноти

Ҳизб ут-Таҳрир мусулмон юртларини мустамлакадан озод этишга даъват қилмоқда

Покистондаги нуфузли доираларда Ҳизб ут-Таҳрир муҳокама мавзусига айланди. Бу муҳокама Покистон дуч келаётган бир неча кризислардан қутулиш учун муаммоларнинг муолажаси сифатида Ҳизб ут-Таҳрир томонидан таклиф қилинаётган ечимларни татбиқ қилиш керакми ёки йўқми деган мавзуда бўлди. Айни пайтда Ҳизб ут-Таҳрирнинг тақиқланиши ҳамда унга нисбатан олиб борилган зулмкор сиёсатлар, тазйиқ ва қамоқ жазолари ҳам кун тартибида. Соғлом ва конструктив муҳокама ўтказиш учун барча нуфузли доиралар, хусусан, сиёсатчилар, журналистлар, ҳуқуқшунослар ва ҳуқуқни ҳимоя қилувчи ташкилотлар томонидан қуйидаги масалалар кўриб чиқилиши жуда муҳим:

Биринчи: Ҳизб ут-Таҳрир мусулмон юртларини озод этишга чақирмоқда. Таҳрир (التحرير) сўзи араб тилида озод қилиш, қулликдан қутқариш маъносини англатади. Яъни Ҳизб ут-Таҳрир исломий юртларни мустамлакачилик фикрлари, тузум ва қонунларидан озод қилишга, мустамлакачи давлатларнинг ҳукмронлиги ва нуфузидан қутқаришга даъват қилмоқда.

Ҳизб ут-Таҳрирнинг фаолияти Ислом Уммати орасида Ислом фикрлари ва тушунчаларини вужудга келтириш орқали уни фикрий жиҳатдан уйғотиб, озод этишдан иборат. Шу нуқтаи назардан, Ҳизб ут-Таҳрир сиёсий ҳизб бўлиб, мабдаи Исломдир. Ҳизб Аллоҳ Таолонинг

﴿وَلۡتَكُن مِّنكُمۡ أُمَّةٞ يَدۡعُونَ إِلَى ٱلۡخَيۡرِ وَيَأۡمُرُونَ بِٱلۡمَعۡرُوفِ وَيَنۡهَوۡنَ عَنِ ٱلۡمُنكَرِۚ وَأُوْلَٰٓئِكَ هُمُ ٱلۡمُفۡلِحُونَ﴾

«(Эй мўминлар), сизлардан яхшиликка (Исломга) даъват қиладиган, маъруфга буюриб, мункардан қайтарадиган бир гуруҳ бўлсин. Ана ўшалар нажот топгувчилардир»                  [Оли Имрон 104]

деган каломини қабул қилган ҳолда таъсис этилди. Шундай экан, нега Ҳизб ут-Таҳрирнинг мусулмонлар юртларини мустамлакадан озод этиш учун бўлган даъватига рухсат берилмаяпти?!

Иккинчи: Ҳизб ут-Таҳрир мусулмон юртларининг иқтисодий жиҳатдан мустамлака қилинишини рад этади. Молиялаш учун ажнабий кредит олишни ҳар қандай юрт учун хатарли эканини, уларни узиб бўлмаслигини таъкидлайди. Илгари кредитлар ҳар қандай юртни бевосита мустамлака қилиш воситаси эди. Бугунги кунда эса мамлакатлар устидан нуфуз ва ҳукмронликни ўрнатишнинг энг муҳим усулларидан биридир. Бу кредитлар фоизли кредитлар бўлиб, мамлакатларни тубсиз қарз тузоғига туширади. Шундан сўнг мустамлакачиларнинг Халқаро Валюта Фонди каби молиявий муассасалари иқтисодий вазиятни ёмонлаштирадиган шартларни қўяди. Яъни вазиятни янада мураккаблаштирувчи бу шартлар ажнабий компанияларнинг хом ашёларимизни ташиб кетишларига ва маҳаллий бозорларимизни қиммат нархдаги товарлар билан тўлдиришларига рухсат беради. Бундан ташқари, бу шартлар, маҳаллий саноатнинг ташқи бозорлар учун арзон товарлар ишлаб чиқаришини чеклайди. Шунингдек, нефть ва электр энергияси каби жамоат мулкларининг хусусийлаштирилишига мажбур қилиб, давлат ғазнасини даромаддан маҳрум қилади.

Халқаро Валюта Фонди каби молиявий муассасалар йирик давлатлар қўлидаги воситадир. Асосан, Америка улар орқали ўз манфаатларини амалга оширишда фойдаланади. Бу муассасалар, шубҳасиз, мустамлакачи давлатлар учун мусулмонлар ва уларнинг юртлари устидан назорат ўрнатишнинг воситасидир. Бу эса Ислом шариатида рухсат берилмаган бўлиб, «Ҳаромга олиб борувчи восита ҳам ҳаромдир» қоидасига кўра ҳаром амалдир. Ҳизб ут-Таҳрир иқтисодий мустамлакага якун ясаш йўлида иқтисодиётга оид шаръий аҳкомларни татбиқ қилишга даъват қилмоқда. Шундай экан, нега Ҳизб ут-Таҳрирнинг мусулмонлар юртларидаги иқтисодий мустамлакага чек қўйишга бўлган даъватига рухсат берилмаяпти?!

Учинчи: Ҳизб ут-Таҳрир мусулмон юртларининг ҳарбий жиҳатдан мустамлака қилинишини рад этади. Ҳизб мусулмонларнинг мустамлакачи давлатлар билан ҳарбий шартномалар имзолашларини жоиз эмас, дейди. Масалан, улар билан мудофаа ҳамкорлиги шартномалари ва хавфсизлик ҳамкорлиги шартномаларини тузиш, уларга ҳарбий ваколатлар бериш, базалар, аэропортлар ва портларни ижарага бериш каби. Шунингдек, кофир давлатлар ва уларнинг армияларидан ёрдам сўраш, кредит олиш ёки ушбу мустамлакачи давлатлардан ёрдамлар олиш ножоиздир.

Ҳизб ут-Таҳрир ҳарбий мустамлакачиликка Ислом тамойиллари асосида сиёсий жиҳатдан қарши чиқмоқда. Имом Аҳмад ривоят қилишича, Росулуллоҳ ﷺ

«لاَ تَسْتَضِيئُوا بِنَارِ الْمُشْرِكِينَ»

«Мушрикларнинг олови ёрдамида ёритманг», деган ҳадислари орқали мушрикларнинг олови ёрдамида ёритишдан қайтарар эканлар, мусулмонларни кофир давлатлардан ёрдам сўрашдан қайтарганлар. Бу ерда оловдан мурод уруш бўлиб, Росулуллоҳ ﷺ

«فَإِنَّا لاَ نَسْتَعِينُ بِمُشْرِكٍ»

«Биз мушриклардан ёрдам сўрамаймиз», деганлар. (Саҳиҳи Ибн Ҳиббон). Шундай экан, нега Ҳизб ут-Таҳрирнинг мусулмонлар юртларидаги ҳарбий мустамлакачиликни тўхтатиш учун бўлган даъватига рухсат берилмаяпти?!

Тўртинчи: Ҳизб ут-Таҳрир мусулмонлар юртларининг сиёсий жиҳатдан мустамлака қилинишини рад этади. Мустамлакачи кучлар томонидан Халифалик ағдарилгандан сўнг исломий юртлар «бўлиб ташла, ҳукмрон бўласан» сиёсатининг бир қисми сифатида элликдан зиёд майда давлатларга бўлиб ташланди. Ҳизб ут-Таҳрир шуни таъкидлайдики, мусулмонлар бошқа инсонлардан ажралиб турадиган ягона уммат бўлиб, битта давлат ва битта вужуд сояси остида бирлашган ҳолда бўлишлари лозим. Шунингдек, барча мусулмон юртларини битта давлат, яъни Халифалик давлати остида бирлаштириш учун ҳаракат қилиш ҳам фарздир.

Аллоҳ Субҳанаҳу ва Таоло Қуръони Каримда айтади:

﴿وَٱعۡتَصِمُواْ بِحَبۡلِ ٱللَّهِ جَمِيعٗا وَلَا تَفَرَّقُواْ﴾

«(Эй мўминлар) барчангиз Аллоҳнинг арқонини маҳкам ушланг ва бўлинманг!»      [Оли Имрон 103]

Росулуллоҳ ﷺ марҳамат қилганлар:

«أَيُّها النَّاسُ أَلا إِنَّ رَبَّكُمْ وَاحِدٌ، وَإِنَّ أَباكُمْ وَاحِدٌ، أَلا لا فَضْلَ لِعَرَبِيٍّ على عَجَمِيٍّ، وَلا لِعَجَمِيٍّ عَلَى عَرَبِيٍّ، وَلَا أَحْمَرَ عَلَى أَسْوَدَ، ولا أَسْوَدَ على أَحْمَرَ، إِلَّا بِالتَّقْوَى»

«Эй мўминлар! Сўзимни тингланг ва яхши тушуниб олинг. Батаҳқиқ Роббингиз бирдир. Оталарингиз ҳам биттадир. Огоҳ бўлингизким, арабнинг ажамдан, ажамнинг эса арабдан, оқ танлининг қора танлидан, қора танлининг оқ танлидан ҳеч қандай афзаллиги йўқдир. Афзаллик ёлғиз тақводадир». (Имом Аҳмад ривояти). Шундай экан, нега Ҳизб ут-Таҳрирнинг мусулмонлар юртларини Ислом асосида бирлаштириш учун бўлган даъватига рухсат берилмаяпти?!

Бешинчи: Ҳизб ут-Таҳрир мусулмон юртларининг сақофий жиҳатдан мустамлака қилинишини рад этади. Халифалик ағдарилгандан кейин мустамлакачилар мусулмонлар учун таълим дастурлари ва ўқув дастурларини капитализм нуқтаи назари асосида ишлаб чиқишди. Капитализм динни ҳаётдан ва давлатдан бутунлай ажратишни мақсад қилган ҳамда «Подшоҳникини подшоҳга бер, Худоникини Худога» деган тушунча асосида ҳаракат қиладиган мафкурадир.

Ҳизбнинг мусулмон юртларининг сақофий жиҳатдан мустамлака қилинишини рад этиши Ислом нуқтаи назаридан келиб чиққан. Исломда қонун тузувчи ёлғиз Аллоҳ Субҳанаҳу ва Таолодир. Одамлар учун тузумни Аллоҳ Таоло белгилайди. Давлат ҳам Ислом аҳкомларининг бир қисми бўлиб, мусулмон киши ўзининг барча амалларини шариат қоидаларига мувофиқ бажариши вожибдир. Аллоҳ Субҳанаҳу ва Таоло Қуръони каримда айтади:

﴿فَلَا وَرَبِّكَ لَا يُؤۡمِنُونَ حَتَّىٰ يُحَكِّمُوكَ فِيمَا شَجَرَ بَيۡنَهُمۡ﴾

«Йўқ, Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича зинҳор мўмин бўла олмайдилар»                                                [Нисо 65]

Шундай экан, нега Ҳизб ут-Таҳрирнинг мусулмонлар юртларидаги сақофий мустамлакачиликка барҳам бериш учун бўлган даъватига рухсат берилмаяпти?!

Хулоса: Ҳизб ут-Таҳрир сиёсий ҳизб бўлиб, мабдаи Исломдир. У ўз фаолиятини, Росулуллоҳ ﷺнинг Маккада даъватни етказиш тариқатларига амал қилган ҳолда, фикрий ва сиёсий курашга чеклади. Ҳизбнинг ҳар бир сиёсий ва фикрий позицияси Исломдан келиб чиқади. У мусулмон юртларидаги мустамлакачиликнинг барча турини йўқ қилишга ҳаракат қилади. Шу билан бирга, барча исломий юртларни исломий бошқарув-Халифалик тузуми остига бирлаштириш учун фаолият қилади. Ҳизб ут-Таҳрир – Покистон вилояти матбуот бўлими Ҳизб ҳақида кўпроқ маълумотга эга бўлишни истаган ҳар бир кишини холис ва самарали мулоқотга таклиф қилади.

Ҳизб ут-Таҳрирнинг Покистондаги матбуот бўлими