بسم الله الرحمن الرحيم

Ватанни, юртни, сотиш кандай бўлади?

Ижтимоий тармоқларда кўплаб даъватни кўтариб чиқаётганлар ва оддий фойдаланувчилар ўртасидаги баҳс ва мунозараларни кузатар эканмиз, кўпинча, ҳақни кўтариб чиқаётганларни ватангадоликда, юртбошига хиёнат қилишда, юртни сотишда, хоинликда айбланаётганликларини гувоҳи бўламиз. Тинчликка раҳна солувчи, уруш келиб чиқишини хоҳловчи, манқурт (зомби) бўлиб қолганлар дея айбланаётганларига дуч келамиз. Қачондан бери ҳақни гапириш, ҳақ сўзни кўтариб чиқиш – ватанни сотиш, юртфурушлик, юртга хиёнат, ношукрлик ёки ватангадолик бўлиб қолди? Янги ўлчовлар жорий қилиндими, агар жорий қилинган бўлса ким томонидан жорий қилинди?

Бизларга маълумки, турмуш шароитини сунъий оғирлаштириш ва қийинлаштириш оқибатида миллионлаган эркаклар бир бурда нон, ҳалол ризқ илинжида, энг оғир ишларда, асосан Россия ва Қозоғистон юртларига бориб, аксарияти қулдек камситилиб хорланмоқдалар. Камига эса, уларга  жирканиладиган “дангасалар” дея таъриф берилди. Аёлларимиз эса, хатто бошқа давлатлар фоҳишахоналарини тўлдирдилар.

100 минглаган майда савдогарларни озгина тирикчилик қилиб топаётган даромадларига сунъий тўсиқлар қўйилиб, бутун Хитой маҳсулотлари кириб келиши монополия (эҳтикор) қилиб олинди. Ҳалқнинг бойлиги бўлган нефть, газ, олтинларни ва бошқа қазилма бойликларни бир ховуч амалдорлар томонидан ўзлаштирилди. Ва яна кўплаб қабиҳ ишлар қилиндики, булар тўғрисида кўп гапириш мумкин. Мана шу каби кўз юмиб бўлмас хақиқатларни гапирганларни ватанфуруш, юртга хиёнатда, ношукрликда айблаш одатий холга айланди.

Оддий мисол келтирамиз, тасаввур қилинг сиз кўп фарзандли оилада яшайсиз. Отангиз капиталист, унинг ўлчови манфаатдан иборат. Ака – укаларингизни уйда қорни тўймай, қўшниларингизнинг уйига кириб, мардикорчилик қилиб тирикчилик киладилар. Опа – сингилларингиз эса, бойроқ қўшнилар томон бориб, "енгил" иш қилиб (Аллоҳ сақласин, лекин Ўзбекистондаги холатни тушунган инсон тўғри англайди) пул топиб юрадилар. Уйда эса отангизнинг парвои фалак, қолганлар билан иши йўк, уйдаги ҳамма нарсаларни ўзиники қилиб, хоҳласа сотиб, топган бойлигини сизларга бермай бир ўзи фойдаланади. Хатто, хонангизга борган газ, светгача хисоблаб, керак бўлса, узиб куйган. Рўмол ўраган, авратини беркитган опа – сингилларингизни эса, рўмолини ечтирган, ечмаса жазолаган. Энди айтингчи, шу холатга розимисиз? Бу ота оилани яхши бошқара олаётган хисобланадими? Оталик вазифасини тўғри бажаряптими? Ёки шунга сиз  оиламиз тинчку, бир биримиз билан урушганимиз йўқку, деб рози бўласизми? Энди масалани муҳим жойи, сиз ана шундай оила бошлиғига "Сиз нотўғри иш қиляпсиз, бу ишингиз хато, аслида мана бу  тўғриси" – десангиз, унга хиёнат қилган бўласизми? Ёки оилангизни сотган бўласизми? Ёки оилангизни нотинчлик, уруш гирдобига тортган, ғаразгўй, оилангиз тинчлигини кўра олмаётган ношукр бўлиб қоласизми?

Аслида бизлар Аллоҳнинг қонунларидан, динидан, шариатидан узоқлашиб, Аллоҳга ва Росули С.А.Вга ҳиёнат қилмадикми? Яратувчининг қонунларини ҳаётга татбиқ қилинишини истамаслик энг катта ношукрлик, аслида энг катта ҳиёнат эмасми? Жамики муаммоларимизга энг покиза ечимлар турганда, уни қабул қилмаслик, уни истамасликни нима деб аташ мумкин? Энг катта хоинлик шу эмасми? Ёки ўша покиза ечимларни ҳаётга олиб келишга ҳаракат қилиб юрганларни ёқтирмаслик, хар хил лақаблар, номлар билан номлашни нима дейиш мумкин?

Албатта ҳар бир ўзини мусулмон ҳисобловчилар бу муаммоларга бефарқ қарамаслиги лозим. Пайғамбаримиз соллалоҳу алайҳи вассаламдан, золим бошлиқ ҳузурида хақни гапирган ва шу ҳақни гапиргани учун ўша бошлиқ томонидан қатл қилинган инсон шаҳидларнинг саййиди эканлигини тўғрисида хадис келган.

عن النبي صلى الله عليه وسلم قال : " سيد الشهداء حمزة بن عبد المطلب ، ورجل قال إلى إمام جائر فأمره ونهاه فقتله

Пайғамбар соллаллоҳу алайҳи ва саллам дедилар: “Шаҳидларнинг саййиди Хамзадир ва золим хокимни хаққа чақириб, мункардан қайтарганида ўлдирилган кишидир”. Хоким “Мустадрак”да ривоят қилган.

Хорликларимизга асосий сабаб Исломдан узоқлашиб кетганимиз эмасми?! Муаммоларимизга энг тўғри ечимлар фақат Исломда эканини ҳар доим, ҳар қандай ҳолатда сабот билан таъкидлаймиз. Биз золимлар зулми, маломатчилар маломатига қарамай ўз фаолиятимизни давом эттирамиз. Мақсад ва ғояларимизга инша Аллоҳ  Аллоҳнинг нусрати орқали эришамиз. Фақат Халифаликкина юртларимизда ботил система туфайли авж олган бузуқлик, зулм, адолатсизлик ва бошқа салбий иллатларга барҳам беради.

Мухлисингиз Абдумалик

02.11.2015й.