بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ҳизб ут-Таҳрир-Туркия вилояти Чингиз Қорақушнинг вафот этгани ҳақида хабар қилади

إِنَّا لِلَّـهِ وَإِنَّا إِلَيْهِ رَاجِعُونَ

«Албатта биз Аллоҳнинг бандаларимиз ва албатта Ўзига қайтажакмиз»

Чингиз Қорақуш Ҳизб ут-Таҳрирнинг Пайғамбарлик минҳожи асосидаги Халифаликни барпо этиш орқали исломий ҳаётни қайта бошлаш учун шижоат билан жиддий фаолият қилувчи сара йигитларидан бири эди. Чингиз Ҳизб сафига 25 йил муқаддам кирди ва ўша вақтдан буён Ҳизб сафида фаолият қилиб келди. У жуда шижоатли эди ва бу сифат уни тоғутлар олдида ҳақни қўрқмай айтадиган инсонга айлантирди. Роббига берган ваъдасини сақлади, охирги нафасига қадар Исломга дўст бўлиб яшади. Исломга даъват қилгани сабабли етти марта ҳибсга олинди ва бир неча йиллик қамоққа ҳукм қилинди. Ҳизб ут-Таҳрирга аъзолиги сабабли суд қилинганда судларга ҳаргиз бўйин эгмади ва доим собит туриб, ҳақ сўзни айтди.

Биродаримиз Чингиз ўзи яшаган Эрзурум вилоятида фаолият қилиб, одамлар билан капиталистик тузум ифлослигидан озод бўлиш борасида суҳбатлашарди. Қўни-қўшниларини, қариндошларини, барча мусулмонларни эзгулик ва ҳаққа даъват қиларди. Ҳамма уни Ҳизб ут-Таҳрир аъзоси сифатида танирди. Олти фарзанднинг отаси бўлган биродаримиз Чингизни унинг ҳақ сўзига тоқат қилолмаган хасис сармоядор кишилар ўлдиришди.

Биз Ҳизб ут-Таҳрир-Туркия вилояти аъзолари Аллоҳ Таолодан биродаримиз Чингизни Ўзининг кенг раҳматига буркашини ҳамда Аллоҳ Азза ва Жалладан аҳли оиласига сабри жамил беришини сўраймиз.

Қадрли биродар! Роҳим Роббимиз сизни раҳмат қилсин, жаннати мевалари билан, унинг тагида оқувчи зилол дарёлари билан ризқлантирсин. Дарҳақиқат Росулуллоҳ САВ

«مَنْ مَاتَ وَلَيْسَ فِي عُنُقِهِ بَيْعَةٌ مَاتَ مِيتَةً جَاهِلِيَّةً»

«Ким елкасида байъат бўлмаган ҳолда вафот этса, жоҳилият ўлимини топибди», дея марҳамат қилганлар. Бироқ сиз халифага байъат қилолмаган бўлсангиз-да, Аллоҳдан байъат қилиш учун халифа барпо этиш йўлида олиб борган даъватларингизни қабул айлашини сўраймиз. Биз Исломга даъват этиш ҳамда Пайғамбарлик минҳожи асосидаги рошид Халифалик давлатини барпо этиш йўлидаги шижоатли фаолиятларингиз ва фидокорлигингизга гувоҳ бўлганмиз. Инша Аллоҳ, Аллоҳ мана шу фаолиятларингиз, фидокорлигингиз эвазига қиёматда сизни зафар топган ва башорат қилинган зотлардан қилажак.

مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّـهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا

«Мўминлар орасида Аллоҳга берган аҳду паймонларига содиқ турган кишилар бор, улардан айримлари ўз аҳдига вафо қилди, (яъни шаҳид бўлди), айримлари эса интизордир, (улар аҳду паймонларини) ўзгартирганлари йўқ»    [Аҳзоб 23]

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org

E-Mail: Этот адрес электронной почты защищен от спам-ботов. У вас должен быть включен JavaScript для просмотра.">bilgi@hizb-turkiye.org