بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Йўл харитаси ва иддио қилинган тинчлик…

Наҳотки, яна Суданда машъум Найваша манзараси такрорланса?!

Судан Нидоси кучлари 2016 йил 8 август душанба куни Эфиопия пойтахти Аддис-Абебада йўл харитасига имзо чекди. Имзо чекиш ортиданоқ айни кучлар матбуот баёноти чиқариб, унда бардавом тинчлик ва кенг кўламли конституцион миллий диалог амалиёти йўлида теран ақллар ва очиқ қалблар билан қадам ташлашга тайёрлигини билдирди. Ўз навбатида, президент Башир ҳам 2016 йил 6 август шанба куни Миллий диалог бош ассамблеяси олдида қилган нутқида Судан Нидоси кучлари коалициясининг йўл харитасига имзо чекишга розилик билдирганини олқишлаб, унинг ҳукумати барча миллий диалог натижаларини ижро этишга тайёрлигини билдирди. Судан масаласини кузатиб бораётган ҳар бир киши учун йўл харитаси ортида ким турганини, то унга имзо чекилиши учун ким унга қонунийлик тусини берганини, ким босим ўтказиб, ўз назоратида ушлаб турганини билиш мушкул эмас. Хуллас, АҚШ ўз вакили Дональд Бут орқали Судан Нидоси кучларини йўл харитасига имзо чекишга мойил қила олди. Бу кимса Хартум-Аддис-Абеба-Париж ўртасида бўзчининг моккисидек қатнаши натижасида, ниҳоят, Америка лойиҳаси (миллий диалог) фойдасига очко олишга муваффақ бўлди. Зеро, Найваша битимини уюштириб, Суданни бўлиб ташлаган ҳам шу АҚШ албатта. Мана, бугун биз ўша найваши офатини, аччиқ мевасини тотмоқдамиз.

Биз Ҳизб ут-Таҳрир-Судан вилояти аъзолари шу пайтга қадар бир дафъа ҳам ғайратимизни пасайтирганимиз йўқ. Ҳозир ҳам холис насиҳат қилиб, шуни фош этиб, изоҳламоқчимизки, диалог мафкураси ва харитасининг муаллифи ҳам АҚШдир, у шу харита орқали барча қуролли ҳаракатларни, сиёсий кучларни ўзига мойил қилишни истаяпти, очиқдан-очиқ илмоний конституция ишлаб чиқишга, юрт бирлигини бузишга ҳаракат қиляпти, юртга федераллик ва автономия бошқаруви таҳдид соляпти. Бундай бошқарувни Судан республикаси президентининг собиқ ўринбосари, ҳозирда Миллий конгресснинг мафкура ва маърифат сектори раиси Одам ҳожи ҳам таъкидлади. У 2016 йил 10 август куни «Сойҳа» газетаси билан ўтказган мулоқотда «Миллий диалог Суданни қандай бошқариш тўғрисида мубоҳаса қилди ва бошқарув дастури ишлаб чиқишга маваффақ бўлинди», деди. Энди, йўл харитаси Дарфур, Жанубий Кордофан, Кўк Нилдаги уруш ва жанжалларни тўхтатади, деган гапларга келсак, бу содда одамларни лақиллатишдан ўзга нарса эмас, ҳақиқатга ҳам зид. Чунки Найваша битимига имзо чекилаётганда ҳам худди шундай дейилган эди, ҳолбуки, бу битим юрт маркази ва атрофларида, Судан жанубида урушлар келтириб чиқарди, Судан жануби қабилачиликка асосланган зўравонликларга дуч келиб, минглаб қурбонлар берилди. Зотан, Жануб, агар АҚШнинг қисти-бастига олинмаганда, ажралиб чиқишга тайёр эмасди. Найваша битимини ҳозир барча инсонлар лаънатламоқдалар, ҳатто унга имзо чекканлар ҳам чеккан имзоларига афсус-надоматлар чекишмоқда. Бунга президент Баширнинг «CNBC»га берган интервьюсидаги «Биз Судан бирлигини бой бердик, юртимиз иккига бўлиниб кетди, асосий мақсадимиз тинчликка эришиш эди, лекин афсуски бугун бирлигимизни ҳам, тинчлигимизни ҳам йўқотдик», деган сўзлари ҳам тасдиқлаб турибди.

Шубҳасиз, юрт ва фуқаро муаммоси, то ҳуқуқ ва вазифаларни белгилайдиган ва ҳар бир ҳақдорга ҳаққини етказадиган сиёсий мафкурага мувофиқ ҳал қилишга ўтилмас экан, ҳаргиз ҳал бўлмайди. Ислом ҳаёт учун ўхшаши йўқ намуна сифатида инсонлар муаммоларини ҳал қилди, турмуш тарзларини тартибга солди. Ёлғиз Исломгина араблар ҳаётини мукаррам ҳаётга ўзгартирди, ёлғиз шу дингина оқ танлигу қора танли инсонларни битта дошқозонда тоблаб, муаммоларини инсон деган эътиборда қараб ҳал этди. Натижада улар душман ҳолатларидан биродарларга айландилар, демакки, ёлғиз шу Исломгина Суданнинг ҳамма муаммоларининг ечимидир. Бас, тинчликдаги рағбат ҳақиқий рағбат бўлиши керак. Бу эса юртда изғиб юрган АҚШ илигига болта уриш ва бандалар Робби низоми бўлмиш Ислом низомини барпо этишсиз асло амалга ошмайди. Ушбу низомгина зулмни даф қилиб, адолат ўрнатади, бузғунчилик ва қирпичоқликка якун ясайди. Бас, амал қилувчилар шунинг учун амал қилсинлар.

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">spokman_sd@dbzmail.com