بِسْمِ اللهِ الرَّحْمنِ الرَّحِيمِ

Канададаги муслималар ҳужум остида ҳам Аллоҳ Субҳанаҳу ва Таъоло арқонини маҳкам тутмоқдалар

Ўтган яқин ойлар ичида Исломга, хусусан муслима аёлларга қарши ҳужумлар кескин ошганига гувоҳ бўлдик. Ҳақоратлаш, ҳижобни тортиб ечиб олиш, ўлдириш билан таҳдид қилиш ва ҳатто жисмоний шикаст етказиш каби ишлар бутун мамлакат бўйлаб муслима опа-сингилларимизга қарши қилинаётган жиноятларнинг бир томчиси, холос. Ўлкани қамраб бораётган Исломдан қўрқиб телбаланиш шароитида бу опа-сингилларимиз ана шу жиноятларга нишон бўлмоқдалар. Бу ишлар опа-сингилларимизнинг ҳижоб кийиб ўз динлари Исломга қаттиқ амал қилаётганлари учунгина юз бермоқда. Мисол тариқасида айтадиган бўлсак? Макмастер университетида таҳсил олувчи олти опа-сингилларимиз ўз уйлари деворига санчилган пичоқни топганларидан кейин яшаш жойларини ўзгартиришга мажбур бўлдилар. Бу Канадада туғилган бир муслима синглимизга – у ўз болаларини мактабдан олиб келаётган чоғида – икки эркак киши ҳужум қилганидан кейин юз берди. Бу икки эркак аёлнинг қорни ва юзига қайта-қайта аёвсиз тепкилашган ҳамда «сен террорчи аёлсан, қаердан келган бўлсанг ўша ёққа қайтиб кет» деган мазмундаги иборалар билан ҳақорат қилишган.

Харпер бошқаруви йиллари давомида мусулмонларга қарши душманлик руҳидаги мурожаатлар изчил тарзда ошиб борди. Харпер ва консерваторлар Канададаги 2015 йил федерал сайловлар чоғида канадалик ирқчилар овозини олиш мақсадида муслималар либосини бир сиёсий «футбол коптоки» қилиб олишди. Мусулмонларга қарши душманлик ташвиқотларига тўла ана шу йилларга қарамай канадаликлар Стивен Харпер ва унинг консерваторлар партиясини ҳокимиятдан ташқарига улоқтириш орқали кенг қамровли, тоқатли ижтимоий қадриятлар тарафдори эканликларини кўрсатдилар. Чунки канадаликлар сиёсий ҳокимият тепасига келиш учун зиддиятли сиёсатдан фойдаланишга кескин «йўқ» деб жавоб беришди.

Лекин шунга қарамай Исломга қарши яқин ўтган йиллар давомида туғилган адоват йўқолиб кетмади. Чунки ахборот воситалари Исломни салбий тасвирлашни давом эттирмоқда. Бу ахборот воситалари ҳатто бунинг ўзи ҳам бир муаммо эканини тушуниб етолмади. Бунда Канада ва Қўшма Штатлардаги сайловчилар Исломга қарши душманлик руҳидаги мурожаатларни қанчалик ижобий қабул қилишаётганини назарда тутмоқдамиз. Бу ижобий қабул қилиш Харпер учун овоз берган 32 % сайловчиларда бўляптими ёки Дональд Трампни қўллаб-қувватлаётган сайловчиларда бўляптими, бунинг фарқи йўқ. Чунки бу заҳарли мурожаатни ютоқиб ямламай ютаётган бу сайловчилар фақат ана шу шахслар учун овоз бериш билангина кифояланиб қолмай, балки улар опа-сингилларимизга оғзаки ва жисмоний тажовуз қилишга ҳам тайёр туришибди!

Ғарбда яшаётган биз мусулмонларни жим туришга ёки ундан ҳам ёмонроқ ишни қилишга, яъни динимиздан воз кечишга мажбур қилишолмайди. Биз динимизга қаттиқ амал қилишни тарк этмаслигимиз вожиб. Иш жойларида намозни адо этиш бўладими ёки ҳижоб кийиш бўладими, бунинг фарқи йўқ. Чунки ҳижоб Аллоҳ Субҳанаҳу ва Таъоло муслима аёл учун бир шаръий ҳукм қилиб нозил қилган либосдир. Бу ҳаммага маълум:

وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖوَلْيَضْرِبْنَ بِخُمُرِهِنَّ عَلَىٰ جُيُوبِهِنَّ

«Мўминаларга ҳам айтинг, кўзларини (номаҳрам эркакларга тикишдан) тўссинлар ва авратларини (ҳаромдан) сақласинлар! Ҳамда кўриниб тургандан бошқа зеб-зийнатларини (яъни устларидаги либосларидан бошқа зеб-зийнатларини номаҳрамларга) кўрсатмасинлар ва кўкракларини рўмоллари билан тўссинлар!» [Нур 31]

Биз Исломий эътиқодларимизда маҳкам туришни давом эттираверишимиз ва зиммамизга Ислом фарз қилган вожиб вазифаларимиз доирасидан асло чиқмаслигимиз вожибдир. Набий САВ, у кишининг асҳоби ва Маккаи Мукаррамадаги илк мусулмонлар Қурайш кофирлари томонидан қилинган қаттиқ тазйиқ ва таъқибларга қарамай ўз динларида маҳкам турганлари каби биз ҳам тамоман шундай қилишимиз вожиб. Мусулмонлар ва муслима аёллар Исломдаги биринчи шаҳид Сумайя РА тутган позицияни доимо ёдда тутишлари лозим. Сумайя РА ўз Исломи сабабли тоқат қилиб бўлмас қийноққа дучор қилинди, лекин у Исломидан асло воз кечмади. Аксинча ўз исломий ақидасига нуқсон етишидан кўра ўлимни афзал билди. Шунинг учун биз ҳозирги мана шу оғир шароитда шижоат билан зийнатланишимиз лозим. Зеро Аллоҳ Субҳанаҳу ва Таъоло ушбу оятни нозил қилган:

إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِن كُنتُم مُّؤْمِنِينَ

«Албатта ўша (сизларни васвасага солмоқчи бўлган) шайтоннинг ўзидир. У сизларни ўзининг дўстларидан (кофирлардан) қўрқитмоқчи бўлади. Бас, агар мўмин бўлсангизлар, улардан қўрқмангиз, Мендан қўрқингиз!» [Оли Имрон 175]

Шунингдек биз бир маълум режалар билан ҳаракатга келтирилаётган ахборот воситаларининг омма халққа Ислом нима эканини белгилаб беришига индамай йўл қўйиб туравермаслигимиз ҳам лозим. Аксинча канадалик қўшниларимиз, ҳамкасбларимиз ва талабалар билан Ислом ҳақида суҳбатга киришишимиз лозим. Бу ерда аёлларни зўравонлик билан нишонга олишни номақбул эканини тан оладиган кўп канадаликлар бор. Бунинг натижасида опа-сингилларимиз (биродарларимиздан кўра кўпроқ) ана шу одамлар билан суҳбатга киришиб уларга Ислом ҳақида тушунча беришга осон йўл топишлари мумкин. Бунга қўшимча ўлароқ исломий либосни фахр билан киядиган опа-сингиллармиз салбий тасаввурларни кучли, таъсирли тарзда тарқатиб, йўқ қилиб юборишлари мумкин. Бу эса ўзларининг бу либосни кийишлари Аллоҳ Субҳанаҳу ва Таоло амрларига қаттиқ амал қилиш ҳисобланишини ёритиб бериш билан бўлади. Оддий қилиб айтганда суҳбатга киришиш ва ишонч уйғотиш орқали Ислом ва муслима аёл ҳақидаги салбий қолипдаги кўп тасаввурларни тарқатиб йўқ қилиб юборилади. Кўпчилик одамлар ахборот воситаларидан ўзлари эшитаётган гап-сўзлардан ҳайратда қолишмоқда. Чунки улар Исломга қарши олиб борилаётган ташвиқотни ўзлари яхши таниган ва жамоатчилик жойларида Ислом амрларига қаттиқ амал қилаётган биродарларимиз опа-сингилларимиз воқесига мос келтириш қийин эканини кўришмоқда. Биз бериладиган саволлар оғир ва туйғуларга тўйинган бўлишини кутишимиз керак бўлади. Аслида биз очиқ-ошкор, ўзаро ҳурмат акс этиб турадиган суҳбатларни ўтказишнинг бу фурсатини олқишлашимиз лозим. Биз дин билан ва маҳаллий майдонда бўлаётган ишлар билан янада кўпроқ танишишимиз орқали ўзимизни тайёрлаб боришга муҳтожмиз. Омма саволларига таъсирли жавобларни беришимиз учун ва Исломнинг таъсир ўтказувчи элчилари бўлишимиз учун шунга муҳтожмиз. Бу эса қуйидаги йўл билан амалга ошади:

•    Ислом ҳақида жамиятга кенгроқ доирада мурожаат қилиш: ахборот воситалари Исломга ҳужум қилган пайтда биз ўзимиз танийдиган ғайримусулмонлар билан муносабатга киришишга ва улар билан Ислом ҳақида баҳс қилишга тайёр бўлишимиз лозим. Лекин буни кутиб ўтирмай олдинроқ ташаббус кўрсатиб ўзимиз таниган одамлар билан Ислом ҳақида баҳсга киришишимиз афзалдир.

•    Одамларнинг Исломга оид тушунчаларини тўғрилаш: гап зўравонлик ҳақида борганида биз уларга бегуноҳ тинч фуқароларни ўлдириш ҳаром эканини ёритиб беришимиз лозим. Аёл масалаларини баҳс қилишга ҳам тайёр туришимиз керак. Масалан уларга муслима аёллар ҳижоб кийишар экан буни эркаклар учун эмас, балки фақат Холиқ Субҳанаҳуга итоат этиш учунгина қилишларини аниқ тушунтиришимиз лозим. Одамлар билан Ислом эркак билан аёл ўртасидаги алоқани оилага ўзаро тинч-тотувликни сингдирадиган йўл билан қандай тартибга солишини ҳам баҳс қилишимиз лозим.

Канадада ва умуман Ғарбда опа-сингилларимиз бошдан кечираётган вазиятлар уларнинг ҳомийси йўқлигининг муқаррар натижасидир. Зеро айниқса муслима аёллар халифа Мўътасимга ўхшаган битта халифага жуда муҳтождирлар. Халифа Мўътасим рум аскарлари тажовуз қилган муслима аёлларнинг тинчлиги ва мукаррамлигини таъминлаш учун бутун бошли қўшинни сафарбар қилган эди. Демак фақат халифа бўлсагина мусулмон эркаклар ва муслима аёллар ишлари энг афзал шаклда бошқарилади. Аллоҳ Субҳанаҳу ва Таолодан Умматимизни озор-азиятдан сақлаб, ҳимоя қиладиган бу қалқонни Умматга тезроқ келтиришини сўраб қоламиз.

«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِه»

«Имом бамисоли ортида туриб жанг қилинадиган ва ҳимояланиладиган бир қалқондир».

Ҳизб ут-Таҳрир                                                         15 робиул-аввал 1437ҳ

Канада                                                                         26 декабр 2015м