بِسْمِ اللهِ الرَّحْمنِ الرَّحِيمِ

Каримов режими зиндонларидан яна бир “Роббим Аллоҳ” дегани учун қамалганнинг шаҳид жасади чиқди

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُمْ مَنْ قَضَىٰ نَحْبَهُ وَمِنْهُمْ مَنْ يَنْتَظِرُ ۖ وَمَا بَدَّلُوا تَبْدِيلًا

 “Мўъминлар орасида ўзлари Аллоҳга берган аҳду паймонларига содиқ бўлган кишилар бордир. Бас улардан (айрим) кишилар ўз аҳдига вафо қилди (яъни шаҳид бўлди), улардан (айрим) кишилар эса (шаҳид бўлишга) интизор бўлиб турибдилар. Улар (мунофиқларга ўхшаб Аллоҳга берган аҳду паймонларини) ўзгартирганлари йўқ”.                                                                                                      (Ахзоб. 23)

20 йилдан ортиқ вақтдан буён давомли тарзда ўз зиндонларини мусулмонлар қони билан тўлдириб келаётган золим Каримов режимининг зулми яна бир “Роббим Аллоҳ” дегани учун умрбод қамоққа ташланган мусулмонга етди.

“Озодлик” радиоси тарқатган хабарга кўра, Навоий вилоятининг Зарафшон шаҳридаги 64/48 сонли қамоқхона маъмурияти 11 февраль куни маҳкум 44 яшар Достон Абдураҳмоновнинг вафот этгани ҳақида унинг яқинларига хабар қилди.

Достон Абдурахмонов “Ҳизб ут-Таҳрир” исломий сиёсий партиясига аъзоликда айбланиб, 9 йилга озодликдан маҳрум этилган эди. Шаҳид Достон Абдурахмоновнинг 9 йиллик жазо муддати 17 йилга чўздирилган.

Эй Ўзбекистон мусулмонлари! Эй Ислом уммати!

Ҳақиқий адолатли бошқарувни ҳаётингизга олиб келсангиз устингздаги ҳорликлар кетишини сизларга айтгани учун, иймон келтирган ақидангизга мувофиқ яшанг дегани учун, “Роббим Аллоҳ” дегани учун золим, куфрий бошқарувнинг зиндонларида хорланаётган ва ўлдирилаётган мусулмон ўғлонларингизни ва муслима қизларингизни мана шундай хорликда қолишига қачонгача томошабин бўлиб турасиз?!

Биз Ҳизб ут – Таҳрир Ўзбекистон медиа офиси ходимлари жамоамиз аъзолари номидан ушбу марҳум шаҳид биродаримиз Достон Абдурахмоновнинг оила аъзолари ва яқинларига чуқур таъзия изҳор қиламиз ва Аллоҳдан чиройли сабр сўраб қоламиз.

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَٰئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ ۖ وَأُولَٰئِكَ هُمُ الْمُهْتَدُونَ

 “Ва албатта сизларни хавфу хатар, очлик, молу жон ва мева-чеваларни камайтириш каби нарсалар билан имтиҳон қиламиз. Бирор мусибат келганда: «Албатта биз Аллоҳнинг (бандаларимиз) ва албатта биз у зотга қайтгувчилармиз», дейдиган сабрлиларга хушхабар беринг (эй Муҳаммад). Ана ўшаларга Парвардигорлари томонидан саловот (мағфират) ва раҳмат бордур. Ана ўшалар ҳақ йўлни топгувчилардир”.                                       (Бақара. 155- 157)

Ҳизб ут-Таҳрирнинг Ўзбекистондаги медиа офиси Муслим

15.02.2016й.