بسم الله الرحمن الرحيم

Ким уни покласа, батаҳқиқ нажот топибди!

Жаннатга шавқ ва яхши амаллар қилишга шошилиш

Жаннатнинг ҳақ эканига, унинг мўъминлар учун тайёрланиб қўйилган бўлиб, кофирларнинг ундан тоабад маҳрум эканига иймон келтирмоқ Охират кунига бўлган иймоннинг бир қисмидир. Аллоҳ Субҳанаҳу айтади:

وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ

– "Ва Парвардигорингиз томонидан бўлғуси мағфиратга ҳамда эни осмонлар ва ер баробарида бўлган жаннатга шошилингиз! У (жаннат) тақводор зотлар учун тайёрлаб қўйилгандир".        (Имрон:133)

وَنَادَى أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنْ الْمَاءِ أَوْ مِمَّا رَزَقَكُمْ اللَّهُ قَالُوا إِنَّ اللَّهَ حَرَّمَهُمَا عَلَى الْكَافِرِينَ

– "Дўзах эгалари жаннат эгаларига: "Бизларга ҳам сувдан ё Аллоҳ сизларни баҳраманд қилган нарсалардан тўкинглар", деб нидо қилганларида, улар: "Аллоҳ бу неъматларини динларини ҳазил-мазах қилиб олган ва ҳаёти дунёга алданиб қолган кофирларга ҳаром қилгандир", дедилар".    (Аъроф:50)

Кимки жаннатни инкор қилса, у кофирдир. Бунга субут жиҳатидан ҳам, далолат жиҳатидан ҳам қатъий бўлган далиллар ворид бўлган. Жаннат улар учун тайёрлаб қўйилган кишилар бир неча тоифалардир:

Набийлар, сиддиқлар, шаҳидлар, солиҳлар:

 Аллоҳ Таъоло айтади:

وَمَنْ يُطِعْ اللَّهَ وَالرَّسُولَ فَأُوْلَئِكَ مَعَ الَّذِينَ أَنْعَمَ اللَّهُ عَلَيْهِمْ مِنْ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ وَحَسُنَ أُوْلَئِكَ رَفِيقًا

– "Кимда-ким Аллоҳ ва Пайғамбарга итоат этса, ана ўшалар Аллоҳ инъомларига сазовор бўлган зотлар – пайғамбарлар, сиддиқлар (ҳақ-рост иймон эгалари), шаҳидлар ва солиҳлар (фақат яхши амаллар билан ўтган кишилар) билан бирга бўлурлар. Ана ўшалар энг яхши ҳамроҳлардир".         (Нисо:69)

Яхшилар:

Аллоҳ Таъоло айтади:

إِنَّ الآبْرَارَ لَفِي نَعِيم

– "Шак-шубҳасиз, яхшилар (яъни, мўъминлар жаннат) неъматларидадирлар",   (Мутаффифун:22)

إِنَّ الآبْرَارَ يَشْرَبُونَ مِنْ كَأْسٍ كَانَ مِزَاجُهَا كَافُورًا + عَيْنًا يَشْرَبُ بِهَا عِبَادُ اللَّهِ يُفَجِّرُونَهَا تَفْجِيرًا   يُوفُونَ بِالنَّذْرِ وَيَخَافُونَ يَوْمًا كَانَ شَرُّهُ مُسْتَطِيرًا   وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا   إِنَّمَا نُطْعِمُكُمْ لِوَجْهِ اللَّهِ لاَ نُرِيدُ مِنْكُمْ جَزَاءً وَلاَ شُكُورًا   إِنَّا نَخَافُ مِنْ رَبِّنَا يَوْمًا عَبُوسًا قَمْطَرِيرًا   فَوَقَاهُمْ اللَّهُ شَرَّ ذَلِكَ الْيَوْمِ وَلَقَّاهُمْ نَضْرَةً وَسُرُورًا   وَجَزَاهُمْ بِمَا صَبَرُوا جَنَّةً وَحَرِيرًا

– "Албатта (ҳаёти дунёдан Аллоҳ Таъолонинг амру фармонларига итоат қилиб ўтган) яхшилар (жаннатда) мизожи-аралашмаси кофувр – Аллоҳнинг (яхши) бандалари ичадиган (жаннатий) чашма – бўлган майкосалардан (май) ичурлар. Улар у (чашмани ўзлари хоҳлаган жойдан) чиқариб-оқизиб олурлар. Улар (ҳаёти дунёда ўз зиммаларига олган) назрларини тўла адо қилурлар ва ёмонлик даҳшатлари кенг ёйилгувчи бўлган (Қиёмат) Кунидан қўрқурлар. Ва таомни суйиб-хоҳлаб турсалар-да, (ўзлари емасдан) мискин, етим ва есирларни таомлантирурлар. (Улар айтурлар): "Бизлар сизларни Ёлғиз Аллоҳнинг юзидан таомлантирурмиз. Сизлардан (бу ишимиз учун) бирон мукофот ва миннатдорчилик истамасмиз-кутмасмиз. Албатта, бизлар Парвардигоримиз томонидан бўладиган, (даҳшатли азобдан юзлар) тиришиб, буришиб қолгувчи бир Кундан қўрқурмиз". Бас, Аллоҳ уларни ўша Куннинг ёмонлигидан сақлади ва улар(нинг юзлари)га жилва-нур, (дилларига) сурур бахш этди. Ва уларни сабр-қаноатлари сабабли жаннат ва (жаннатда эгниларида бўладиган) ипак (либослар) билан мукофотлади".   (Инсон:5-12)

Пешқадам собиқлар:

وَالسَّابِقُونَ السَّابِقُونَ   أُوْلَئِكَ الْمُقَرَّبُونَ   فِي جَنَّاتِ النَّعِيم

– "(Учинчи тоифа бўлмиш барча яхши амалларга) пешқадам бўлгувчи зотлар (жаннат неъматларига эришишда ҳам) пешқадам бўлувчи зотлардир. Ана ўшалар нози-неъмат боғларида (Аллоҳ Таъолога) яқин қилингувчилардир".         (Воқеа:10-12)

Ўнг томон эгалари:

وَأَصْحَابُ الْيَمِينِ مَا أَصْحَابُ الْيَمِينِ   فِي سِدْرٍ مَخْضُودٍ   وَطَلْحٍ مَنْضُودٍ  وَظِلٍّ مَمْدُودٍ وَمَاءٍ مَسْكُوبٍ   وَفَاكِهَةٍ كَثِيرَةٍ لاَ مَقْطُوعَةٍ وَلاَ مَمْنُوعَةٍ   وَفُرُشٍ مَرْفُوعَةٍ   إِنَّا أَنشَأْنَاهُنَّ إِنشَاءً  فَجَعَلْنَاهُنَّ أَبْكَارًا   عُرُبًا أَتْرَابًا   لِأَصْحَابِ الْيَمِينِ

– "Ўнг томон эгалари… Ўнг томон эгалари (бўлмоқ) не (саодат)дир! (Улар) тикансиз бутазорларда, тизилган бананзорларда, ёйилган соя (ости)да, оқизиб қўйилган сув (усти)да, тугаб қолмайдиган ва ман этилмайдиган кўпдан-кўп (турли-туман) мева-чева (ости)да, баланд кўтарилган кўрпачалар (усти)дадирлар. Дарвоқе, Биз уларни (оҳу кўз ҳурларни) дафъатан пайдо қилдик (яъни, улар онадан туғилмадилар, балки Аллоҳнинг қудрати билан дафъатан пайдо бўлдилар). Сўнг уларни ўнг томон эгалари учун (ёшда ҳам, ҳусну жамол ва қадду қоматда ҳам) бири-бирига тенг, эҳтиросли, бокира қизлар қилиб қўйдик".  (Воқеа:27-38)

Чиройли амал қилгувчилар (муҳсинлар):

لِلَّذِينَ أَحْسَنُوا الْحُسْنَى وَزِيَادَةٌ وَلاَ يَرْهَقُ وُجُوهَهُمْ قَتَرٌ وَلاَ ذِلَّةٌ أُوْلَئِكَ أَصْحَابُ الْجَنَّةِ هُمْ فِيهَا خَالِدُونَ

– "Чиройли амал қилган зотлар учун гўзал оқибат ва зиёда (неъматлар) бордир. Уларнинг юзларини қаролик ҳам нахорлик ҳам қоплай олмас. Ана ўшалар жаннат эгалари бўлиб, у жойда абадий қолурлар". (Юнус:26)

Сабр қилгувчилар:

جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ وَالْمَلاَئِكَةُ يَدْخُلُونَ عَلَيْهِمْ مِنْ كُلِّ بَابٍ   سَلاَمٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّار

– "Охират диёри бордирки, (у диёр) абадий туриладиган жаннатлар бўлиб, улар у жойларга, ота-боболари, жуфти ҳалоллари ва зурриётларидан иборат бўлган солиҳ бандалар билан бирга кирурлар. Сўнг уларнинг ҳузурларига ҳар эшикдан фаришталар кириб (дерлар): "(Аллоҳ Йўлида меҳнат-машаққатларга) сабр-тоқат қилиб ўтганларингиз сабабли (энди бу жаннатларда) сизларга тинчлик-осойишталик бўлгай. Охират диёри нақадар яхши!""     (Ар-Раъд:23,24)

Парвардигори олдида туришдан қўрқадиган киши:

وَلِمَنْ خَافَ مَقَامَ رَبِّهِ جَنَّتَانِ

– "Парвардигори (ҳузурида) туришдан (яъни ўзининг Парвардигор олдида туриб ҳаёти дунёда қилиб ўтган барча амалларига жавоб беришидан) қўрққан киши учун икки жаннат бордир".    (Раҳмон:46)

Тақводорлар:

إِنَّ الْمُتَّقِينَ فِي جَنَّاتٍ وَعُيُونٍ

– "Тақводор-парҳезкор зотлар эса албатта боғлар ва чашмалар устидадирлар",        (Ҳижр:45)

إِنَّ الْمُتَّقِينَ فِي مَقَامٍ أَمِينٍ  فِي جَنَّاتٍ وَعُيُونٍ

– "Албатта тақводор зотлар (у Кунда) осойишта жойда, боғлар ва чашмалар устида бўлурлар", (Духон:51,52)

تِلْكَ الْجَنَّةُ الَّتِي نُورِثُ مِنْ عِبَادِنَا مَنْ كَانَ تَقِيًّا

– "Ушбу жаннат – Биз бандаларимиздан тақводор бўлган кишиларга мерос қилиб берадиган жаннатдир",     (Марям:63)

مَثَلُ الْجَنَّةِ الَّتِي وُعِدَ الْمُتَّقُونَ تَجْرِي مِنْ تَحْتِهَا الآنْهَارُ أُكُلُهَا دَائِمٌ وَظِلُّهَا تِلْكَ عُقْبَى الَّذِينَ اتَّقَوا وَعُقْبَى الْكَافِرِينَ النَّارُ

– "Тақво эгалари учун ваъда қилинган жаннатнинг мисоли (будир): унинг остидан дарёлар оқур, мевалари ва соялари боқийдир. Бу тақво-парҳез билан ўтган зотларнинг оқибати – келажагидир. Кофирларнинг оқибати эса дўзахдир".  (Ар-Раъд:35)

Ҳизб ут-Таҳрирнинг Ўзбекистондаги медиа офиси. Зайниддин

03.02.2018й.