بِسْمِ اللهِ الرَّحْمٰنِ الرَّحِيمِ

Ҳизб-ут-Таҳрир муборак Фаластин замини Ғазо секторида «Константинопол фатҳи ва Ақсога йўл» номи остида интерфаол лекция уюштирди

Ҳизб-ут-Таҳрир муборак Фаластин замини 2020 йил 11 январ шанба куни Ғазо сектори марказидаги Нахил залида «Константинопол фатҳи ва Ақсога йўл» номи остида интерфаол лекция уюштирди. Бу тадбир Ҳизб бошлаган кенг-кўламли оламшумул кампания доирасида бўлиб ўтди. Бундан мақсад, Константинопол «Истанбул» шаҳри фатҳи билан рўёбга чиққан буюк ғалаба хуш-хабарини бериш ҳамда Умматни жонлантириб, уни бир қатор ютуқ ва башоратларни рўёбга чиқаришга ундашдир. Бундай ютуқ ва башоратлар тоғут ҳукмдорлардан халос бўлиш ва золим жиноятчи режимларни қулатиб, Пайғамбарлик минҳожи асосидаги Халифаликни барпо қилиш билан бошланади. Рум «Италия»нинг ва ундан бошқа дунё пойтахтларининг фатҳ этилиши билан бундай ютуқ ва башоратлар якунига етади.

Устоз Муҳаммад Ҳур ўз нутқида султон Муҳаммад Фотиҳ ҳаётини қуршаб олган шароитларни айтиб ўтар экан, унинг иқтидорига ҳамда Росулуллоҳ ﷺнинг «Константинопол фатҳ қилинади. Унинг амири нақадар яхши амир, унинг қўшини нақадар яхши қўшин» деб айтган ҳадисларига мувофиқ тарбияланишининг таъсирига, шунингдек, мустаҳкам қўрғонланган шаҳарни фатҳ қилиш учун жиддий ҳаракат қилганига тўхталиб ўтди. У киши қилган нутқда айтишича, Муҳаммад Фотиҳнинг ушбу ҳаракати тарих давомида фатҳ шарафига ва Росулуллоҳ ﷺнинг башоратларини рўёбга чиқариш шарафига эришиш учун мусулмонлар сарфлаган бир қатор уринишларга якун ясади.

Устоз Муҳаммад Ҳур бундай хотираларнинг қайта тикланиши сабабларини учта нуқтада тушунтириб ўтди. Бу нуқталар: Мўминларни ўз динлари устида собитқадам қилиш. Қийинчилик ва фитна пайтида сабр бардошли бўлиш. Ислом давлат миқёсида татбиқ қилинган пайтидаги порлоқ суратни намойиш қилиш.

Шунингдек, у умидсизликни, воқеликка ва золимларга бўйсуниб қолишни, ғойбий қадарияга таслим бўлишни, Исломга ёрдам беришга ҳамда Пайғамбарлик минҳожи асосидаги иккинчи Халифалик давлатини барпо қилишга ҳаракат қилмасликни кескин танқид қилди. Зеро, Халифалик Исломни татбиқ этади, Умматни бирлаштиради ҳамда бутун оламга ҳидоят ва нур улашиб, башариятни танг-бахтсиз ҳаётдан ҳамда бугунги дунёни эгаллаб олган мустамлакачи давлатлар зулмидан халос этади.

Кейин, доктор Набил Ҳалабий бугунги кунда дунё халқлари олдида Исломий Уммат зиммасига тушадиган масъулиятлар тафсилотини баён қилди. Шунингдек, у Пайғамбарлик минҳожи асосидаги Халифалик тикланиши, Байтул Мақдиснинг озод этилиши ва Румнинг фатҳ қилиниши каби башоратларга нисбатан эгалланиши керак бўлган позициянинг моҳияти ҳамда бу башоратни рўёбга чиқариш учун таъминланиши керак бўлган талабларни тушунтириб ўтди.

Доктор Ҳалабий ўз нутқида билдиришича, ғалабага эришиш учун икки иш бўлиши лозим. Биринчиси, Аллоҳга бўлган имон ва унинг ваъдасига ишониш, иккинчиси Умматга ва унинг имкониятларига ишониш. Ғалаба йўлида бир неча ҳақиқатлар идрок этилиши лозим. Бу ҳақиқатлар: Умидсизликка тушмаслик ва душманнинг қувватидан қўрқмаслик, ғалаба ва мағлубиятнинг айланиб туриш қонуни, ғалабанинг муқаррарлиги, тарих ҳақиқати ва душманларнинг асл воқеси.

Нутқлар давомида иккита видеолавҳа намойиш қилинди. Ислом давлати йўқ бўлиб турган шу замонда Аё София масжиди билан Ақсо масжидини асир деган эътиборда ушбу видеолавҳаларнинг бири бу икки масжидни бир-бирига боғлади. Иккинчисида эса, Халифалик давлатининг ички ва ташқи ишлари намойиш қилинди. Лекция – мунозаралар, саволлар ва иштирокчиларнинг чиқишлари билан якунига етди.

Роя газетасининг 2020 йил 15 январ чоршанба кунги 269-сонидан

+1

0

Related posts:

Янги усмонийлар ҳақидаги гапларга ишонса бўладими ёки бу адаштиришми?! Ҳизб ут-Таҳрир – Муборак Фаластин замини Ғазо секторида катта юриш ўтказди Ҳизб ут-Таҳрир – Муборак Фаластин замини Ғазо секторида илғор сиёсий тадбирлар уюштирди Фаластин аҳлига ёрдам беришни даъво қилаётган Қатар ҳукмдорлари яҳудий вужуд билан муносабатларни нормаллаштиришмоқда!!!