Нажас Дугиннинг сўзлари Путин режимининг мусулмонларга чуқур адоватининг ёрқин ифодасидир

بِسْمِ اللهِ الرَّحْمٰنِ الرَّحِيمِ

Яқинда россиялик чўчқасифат кофир Александр Дугин деган кимса мусулмон меҳнат муҳожирларига нисбатан бир чақириқ билан чиқди. Унинг фикрига кўра, Россияда яшаш учун икки йўл бор: ё православликни қабул қилиб рус бўлиш ёки эркаклар Украина урушига кетиши, аёллар эса ўз ҳижобларига “Z” белгисини қўйиши керак. Дугинга кўра, Россиядаги тожик, ўзбек ёки озарбайжонликлар православликни қабул қилса ва Украина урушида Россия тарафини қўллаб-қувватласа, улар мигрант эмас, рус сифатида ҳисобланади.

63 ёшли Александр Дугин – ўта ўнг сиёсий қарашлари билан танилган шахс. У Россия империализмини тарғиб қилади, Ғарб либерализмини кескин танқид қилади. Кўп ҳолларда уни “Путиннинг мияси” ёки “Путиннинг Распутини” деб аташади.

Кибри осмонга ўрлаётган ўрисларнинг ифлос оғзини ёпиб қўядиган мард топилмаётгани сабабли улар босар-тусарини билмай қолди. Оғзига келган сўзлар билан Марказий Осиё ва Кавказлик мусулмонларни таҳқирлаш ва обрўсини топташ улар учун одатий ҳолга айланиб қолди. Қаёқдаги пасткаш кимсалар ҳам бемалол, очиқдан-очиқ мусулмонларга нафратини сочяпти. Анави ғаламис Дугиннинг сўзлари эса ҳаммасидан ошиб тушди. Бироқ ўрислар қанчалик ҳаддидан ошса, минтақа етакчилигини даъво қилаётган ўзбек режими шунчалик пастроққа эгиляпти. У бундай таҳдидларга жавобан нари борса нота жўнатиб қўйиш билан ўзини гўё вазифасини бажараётгандек қилиб кўрсатяпти. Аслида, мана шу ожизона нота юбориш ҳам халқимиз норозилиги кучайгандан сўнггина, мажбурликдан қилиняпти. Бўлмаса бу режим ўзини кар-соқовга солиб тураверади. Дугиннинг юқоридаги сўзларига ҳам Ўзбекистон ҳукумати лом-мим демади, ифлос оғзини ёпиб қўйишга журъати етмади. Албатта, бунга ҳайрон бўлмаймиз, чунки ўзбек режими ўзини мусулмон санаса-да, мусулмон халқимизда кечаётган Исломий уйғонишга қарши аёвсиз курашяпти. Шундай бўлгач, бир кофир ўриснинг Ислом ва мусулмонларга қарши сўзларига эътибор берармиди.

Бироқ муфтий Холиқназаров бошлиқ диний идора ва имом-домлаларни нима жин урдики, динимизга қарши душманлик кайфиятини очиқ билдиришса ҳам худди ўликдек сукут сақлашяпти?! Мудом шайтон сукутини давом эттирар экансизлар, сизларга қуйидагиларни айтамиз:

Эй Ўзбекистон муфтийси ва диний идорадаги имом-домлалар!

Тўй-маъракаларда савлат тўкиб ўтиришни биласиз, мусулмонларга панд-насиҳат қилишда сўзамолсиз. Кези келганда уларнинг хато-камчиликларини кавлаштириб юриб топиб, маломат қилишни ҳам канда қилмайсиз. Бироқ анави Дугинга ўхшаган мараз кимсаларга бир оғиз сўз қотишга-да ярамайсиз. Сизларга нима бўлган ўзи?! Тирикмисиз ё ўликмисиз?! Наҳот, сизлар ғаюрлик, динни қизғониш каби мусулмонда бўлиши шарт бўлган сифатлардан мосуво бўлгансиз?! Билиб қўйингки, Дугиннинг сўзлари тўғридан-тўғри сизнинг “томорқангиз”га отилган тошдир! У муслим ва муслималардан Исломдан юз ўгириб муртад бўлиш ва ўрисга қуллик қилишни очиқ талаб қиляпти. Бу ниҳоятда жиддий таҳдид, бу айни эътиқодимизга қарши ҳужумдир! Шунингдек, бу фақат Дугиннинг гапи эмас, балки Путин бошлиқ шовинистик режимнинг Ислом ва мусулмонларга нисбатан қалбидаги нафратининг ёрқин ифодасидир. Бу Аллоҳ таолонинг мана бу сўзларини айни исботидир:

قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ

  – “Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир”.     (Оли Имрон:118)

Наҳот, шу нарсаларни англашга ақлингиз ожизлик қилаётган бўлса?! Ёки ўзбек режими ва у хизмат қилаётган кофир ўрисдан қўрқувингиз шу қадар чуқурлашиб кетганмики, ҳатто мусулмонларнинг эътиқодига зарба берилса ҳам индамай ҳазм қилиб кетяпсиз?!

Яна сизнинг “диний бағрикенглик”, “динлараро мулоқот” каби сафсаталарингизни ҳам миси чиқди. Кофир қавмлар Ислом Умматига итдек ириллаб, тиш-тирноғини кўрсатаётган, очиқчасига таҳдид қилаётган бир вақтда, сиз мусулмонларга бағрикенг бўлиш, тинчликка шукр қилиш, бошқа динларни ҳам ҳурмат қилиш ҳақида ваъз ўқияпсиз. Бу билан уларни қўйдек ювош қилиб, анави йиртқичларга тортиқ қиляпсиз… 

Минг афсуслар бўлсинки, мусулмонларнинг куни мана шундай ҳамиятсиз ва қўрқоқ ҳокимлару, динини арзимас дунё матосига сотиб юборган “дин пешволари”га қолди. Пайғамбаримиз ﷺнинг шу икки тоифа: амирлар ва олимлар бузилса, одамлар ҳам бузилади, деган сўзлари бугун қайта-қайта исботини топяпти. Шунинг учун ҳам Исломий бошқарувни ҳокимият тепасига олиб келмас эканмиз, ўрис ва бошқа кофир қавмларнинг ҳужумларига муносиб жавоб бериб, тилларини тийиб қўядиган мардлар чиқмайди. Аслида, улар мана шундай кескин ва муросасиз жавоб олмаётганлари ҳамда жазосиз қолаётганлари сабабли ҳаддан ошишяпти.

Росулуллоҳ ﷺ: “Имом (Халифа) қалқондир, унинг ортида туриб жанг қилинади ва у билан ҳимояланилади”, – деган сўзларида жуда кенг маъно бор. Хусусан, кофирларни Ислом ва мусулмонларни таҳқирлаш тугул, буни ҳатто ўйлашга ҳам қўрқадиган қилиб қўядиган ягона одам – мана шу ХАЛИФАдир!

Форуқ

10.09.2025й