Матбуот баёноти

Коррупциячи режим туғдираётган кризисларни айнан ўша режимнинг ўзи орқали ҳал этиб бўлмайди

Ироқ 2003 йилда АҚШ томонидан ишғол қилинганидан буён, йигирма икки йил давомида молиявий кризис, қашшоқлик ва муҳтожлик гирдобида яшаб келмоқда. Юзлаб миллиард долларлик йиллик нефть даромадларига эга бўлаётганига қарамай, мавжуд режимнинг сиёсий арбоблари ва иқтисодий мутахассислари ҳар йили қаршимизга чиқиб, молиявий кризис хавф-хатарлари, ҳатто давлат ходимларининг маошини тўлаш имконияти қолмагани ҳақида огоҳлантиришмоқда.

2025 йил 19 август, сешанба куни ироқлик иқтисодчи Набил Марсумий ўзининг Facebook саҳифасида қуйидагиларни ёзди: «Молия вазирлиги томонидан 2025 йилнинг биринчи ярми бўйича эълон қилинган расмий ҳисоботларга кўра, маошлар ва турли тўловларнинг умумий миқдори тахминан 44,9 триллион динорни ташкил этган. Шу давр мобайнида хом нефть экспортидан тушган даромад эса 45,2 триллион динорга етган. Бу эса нефть даромадларининг маошларни қоплаш даражаси 99,2 фоизга етганини англатади».

Бу кўрсаткичлар нафақат хавотирли, балки давлат томонидан амалга оширилаётган иқтисодий низомнинг коррупцияга асосланганини яққол намоён этмоқда. Маош ва тўловларга кетмоқда, деб айтилаётган бу катта маблағнинг асосий қисми аслида учта раёсат ва уларнинг бўлинмаларидаги коррупциячи мансабдорларнинг чўнтагидан жой олмоқда. Бу маблағлар улкан маошлар, қоғозда мавжуд, амалда йўқ «ҳаводаги мулозимлар», «Рафҳа» имтиёзлари ва турли алдов-фириб схемалари орқали ўзлаштирилмоқда. Шу сабабдан мансабдорлар лавозим учун жон-жаҳд билан курашиб, бир-бирларига қарши энг разил услублар билан макр қилаётганлари кузатилмоқда. Бу ҳолат ҳар бир сайлов жараёнида янада яққол кўзга ташланади.

Эй мусулмонлар, эй Ироқ аҳли!

Ироқ ва бошқа мусулмон диёрларидаги асосий муаммо, аввало, мавжуд режимлар муаммосидир. Чунки кофир кучлар давлатингизни қулатиб, ҳокимиятни йўқ қилганидан сўнг, бўйнингизга хиёнатчи ва коррупцияга ботган ҳукмдорларни миндириб қўйди. Шу боис бу муаммоларни ўзларини иқтисодчи мутахассис деб атаётган шахсларнинг қисман ямаб, таъмирлаш чоралари орқали ҳал қилиш мутлақо мумкин эмас. Иқтисодчи Аҳмад Тамимийнинг қуйидаги сўзлари ҳам бунга яққол далилдир: «Келгуси бюджетга оид дастлабки тахминлар турли омиллар сабабли молиявий танқисликнинг давом этишини кўрсатмоқда. Бу омиллар ичида энг асосийси жаҳон бозорида нефть нархларининг пасайишидир. Чунки давлат умумий даромадининг 90 фоиздан ортиғини нефть ташкил қилади». Аҳмад Тамимий ўз сўзларини давом эттириб шундай деди: «Амалиётдаги харажатлар, айниқса маош моддаси бўйича, узлуксиз ўсиш ҳолати кузатилмоқда. Шу билан бирга, нефтдан ташқари даромад манбаларини диверсификация қилишда ҳам молиявий танқислик яққол кўзга ташланмоқда». У қўшимча қилиб, яна бундай деди: «Бу танқисликни бартараф этиш эса амалий чораларни талаб қилади. Энг аввало, солиқ тизимини ислоҳ қилиш, солиқ базасини кенгайтириш ҳамда норасмий сектордан солиқ йиғишни таъминлашдан бошланиши зарур. Шунингдек, давлат даромадларини ошириш мақсадида чегара постларини самарали бошқариш орқали контрабанда ва коррупцияга қарши қатъий кураш олиб борилиши лозим. Бундан ташқари, давлат хизматлари, жумладан электр энергияси, сув ва коммунал хизматлар бўйича йиғимларни адолатли ва тизимли равишда амалга ошириш талаб этилади».

Мана, улар таклиф этаётган «ечим»! Аслида эса бу айни шу режимнинг ўзидан чиққан бузуқ менталитетдан бошқа нарса эмас. Ҳақиқий ва самарали муолажа эса коррупция ботқоғига ботган мазкур режимни унинг коррупциячилари билан бирга илдизидан қўпориб ташлаш ҳамда инсоният учун Роббул оламин рози бўлган одил ва раббоний Ислом тузумини барпо этишдан иборатдир. Бу тузумни адолатли кишилар татбиқ қиладилар. Улар Аллоҳ таолодан қўрқиб, Росулуллоҳ ﷺнинг сўзларини доимо кўз олдларида тутадилар:

«كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ، فَالْأَمِيرُ الَّذِي عَلَى النَّاسِ رَاعٍ وَهُوَ مَسْئُولٌ عَنْ رَعِيَّتِهِ…»

«Ҳар бирингиз масъулсиз ва ҳар бирингиз ўз қўл остидагилардан жавобгардир. Одамлар устидан масъул бўлган амир масъулдир ва ўз қўл остидагилардан жавобгардир».

Ушбу иззат ва шарафли ҳаётга сизни ўз қавмини ҳеч қачон алдамайдиган Ҳизб ут-Таҳрир даъват қилмоқда. Бас, Аллоҳ таолонинг амрига жавоб беринглар ва Унинг ваъдасини, Росулуллоҳ ﷺнинг башоратларини амалга ошириш учун жиддий ҳаракат қилинглар.

﴿وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنٗاۚ يَعۡبُدُونَنِي لَا يُشۡرِكُونَ بِي شَيۡ‍ٔٗاۚ وَمَن كَفَرَ بَعۡدَ ذَٰلِكَ فَأُوْلَٰٓئِكَ هُمُ ٱلۡفَٰسِقُونَ﴾

«Аллоҳ сизлардан иймон келтирган ва яхши амаллар қилган зотларга худди илгари ўтган (иймон-эътиқодли) зотларни халифа қилганидек, уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавф-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар итоатсиз кимсалардир»                                                          [Нур 55]

«ثُمَّ تَكُونُ مُلْكًا جَبْرِيَّةً، فَتَكُونُ مَا شَاءَ اللهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا. ثُمَّ تَكُونُ خِلاَفَةً عَلَى مِنْهَاجِ النُّبُوَّةِ. ثُمَّ سَكَتَ»

«Сўнг золим-зўравон подшоҳлик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосидаги Халифалик бўлади. Кейин Пайғамбар ﷺ сукутга чўмдилар».

Ҳизб ут-Таҳрирнинг Ироқ вилоятидаги матбуот бўлими