بِسْمِ اللهِ الرَّحْمنِ الرَّحِيمِ

Кучли мусулмон ҳукмдор гарчи мушриклар истамасаларда Ислом билан ҳукм юритувчи рошид халифадир

Эй Покистондаги мусулмонлар!

Росулуллоҳ САВ бизни

«لاَ يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»

«Мўмин битта тешикка икки марта чақтирмайди», дея огоҳлантирдилар (Имом Муслим ривояти). Шунга қарамай, биз Покистондаги мусулмонлар юртни бошқараётган ҳукмдорларга ўзимизни бир неча марта чақтирдик. Улар узоқ йиллардан бери бизга ўзларини Ислом ва мусулмонлар дўсти бўлган кучли ҳукмдорлар эканликларини даъво қилиб келишди. Ҳар сафар уларни қўллаб-қувватлаш билан кучимизни бекорга сарфладик. Улар доим тараққиёт ҳақидаги умидларимизни пучга чиқариб келишди, «раҳбариятимизда бўшлиқ мавжуд, бизда холис раҳбарлар етишмайди», деган гапларни такрорлайверишди…

Устимиздаги бу «кучли киши»ни сайлаш машаққатлари давом этаверади. Чунки улар хоҳ адлия ҳокимиятидан, хоҳ сиёсий доирадан ва хоҳ қуролли кучлар сафидан бўлсин, ҳамма-ҳаммаси умидларимизни пучга чиқарадиган кимсалардандир. Айюбий Хон, Зулфиқор Али Буту, Зиёулҳақ, Парвез Мушарраф, Ифтихор Чурдий, Ашфақ Киёний… каби бундай раҳбарларимиз рўйхати узундун-узун. Ҳар доим номзодлар пайдо бўладида, умидларни пучга чиқарувчи бу рўйхатга Имрон Хон ва Раҳил Шариф каби янги раҳбарлар номлари киритилаверади.

Эй Покистондаги мусулмонлар!

Ўзларини кучли ва дўст дея даъво қилувчи бу ҳукмдорлардан яхшилик кутиш билан уларга тинимсиз чақтириб келдик. Алҳол, улар Аллоҳ Субҳанаҳу ва Таоло нозил қилган аҳкомлар билан бошқармайдиган ҳукмдорлардир. Аслида доно кучли мусулмон ҳукмдор Аллоҳ Субҳанаҳу ва Таолога итоат қилиб, охират илинжида амал қилувчи ҳукмдордир. Заиф ожиз ҳукмдор эса жаннатга киришни умид қила туриб, ўз нафс-ҳавосига эргашувчи ҳукмдордир. Шунинг учун Росулуллоҳ САВ бундай деганлар:

«الْكَيِّسُ مَنْ دَانَ نَفْسَهُ وَعَمِلَ لِمَا بَعْدَ الْمَوْتِ، وَالْعَاجِزُ مَنْ أَتْبَعَ نَفْسَهُ هَوَاهَا وَتَمَنَّى عَلَى اللهِ عَزَّ وَجَلَّ»

«Ақлли киши ўзини ҳисоб-китоб қилган ва ўлимдан кейини учун амал қилган кишидир. Ожиз эса, нафс-ҳавосига эргашиб, Аллоҳ Азза ва Жалладан умидвор бўлган кимсадир» (Термизий ва Ибн Можа ривояти). Бизга етишмаётган кучли ҳукмдор, Умар Форуқ РА сингари Ислом билан бошқарувчи ва Аллоҳ Субҳанаҳу ва Таолога итоат қилувчи кишидир, Абу Жаҳл сингари осий ва кофир кимсалар эмас!

Бу омадсиз раҳбарларнинг ҳаммаси ўзларини демократиянинг дўстлари эканликларини ўз оғизлари билан айтишди. Бу шундай режимки, унда қонунлар Аллоҳ Субҳанаҳу ва Таоло билан Росули САВнинг амру фармонларига эргашиб эмас, инсон нафс-ҳавосига эргашган ҳолда ишлаб чиқилади. Шундай бўлгач, демократияга чақираётганлардан қандай яхшилик кутиш мумкин, ахир, Аллоҳ Субҳанаҳу ва Таоло бундай демоқдаку?!:

وَأَنِ احْكُم بَيْنَهُم بِمَا أَنزَلَ اللّهُ وَلاَ تَتَّبِعْ أَهْوَاءهُمْ وَاحْذَرْهُمْ أَن يَفْتِنُوكَ عَن بَعْضِ مَا أَنزَلَ اللّهُ إِلَيْكَ

«Улар ўртасида Аллоҳ нозил қилган нарса билан ҳукм қилинг, уларнинг нафс-ҳаволарига эргашманг ва Аллоҳ Сизга нозил қилган ҳукмларнинг айримларидан Сизни (буриб) фитнага солиб қўйишларидан эҳтиёт бўлинг» [ Моида 49]

Аллоҳ Субҳанаҳу ва Таоло

لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ

«Аллоҳ сизларни динларингиз тўғрисида сиз билан урушмаган ва сизни ўз диёрингиздан қувиб чиқармаган кимсалардан – уларга яхшилик қилишингиздан ва уларга адолатли бўлишингиздан қайтармайди, албатта Аллоҳ адолат қилувчиларни севади»   [Мумтаҳина 8]

деган бўлсаю, бизга душман бўлган хўжайинлари билан доим алоқа қилиб, сир-асрорларимизни уларга очиб бераётган, улардан кўрсатмалар олаётган, Ғарбнинг Афғонистон, Яман, Ироқ ва Сурия каби юртларимизга иқтисодий ва ҳарбий жиҳатдан бурун суқишига ёрдам бераётган кимсалардан биз қандай ёрдам кутишимиз мумкин?!

Эй мусулмонлар, биз қандай яхшилик кутишимиз мумкин бу раҳбарлардан, ахир, улар Исломда омма мулки ҳисобланган ресурсларимизни хусусийлаштираётган, ҳаром бўлган ва оғир солиқларни фуқаролар зиммасига юклаётган, манфаат, деган нарсани дастаклаб олиб, хориждан кредитлар олаётган, бу ҳам етмагандек, бойликни одамлардан маҳрум қилиб, бир сиқим бойлар қўлига ўтиб кетишига олиб борувчи турли услублар ўйлаб топаётган бўлишса?! Росулуллоҳ САВ бундай демоқдалар:

«النَّاسُ شُرَكَاءُ فِي ثَلاَثٍ: الْمَاءِ وَالْكَلَإِ وَالنَّارِ»

«Одамлар уч нарсада шерикдирлар: сув, ўт-ўлан ва оловда» (Имом Аҳмад ривояти).

Яна бундай демоқдалар:

«لاَ يَدْخُلُ الْجَنَّةَ صَاحِبُ مَكْسٍ»

«(Ноҳақ) Солиқ солувчи жаннатга кирмайди» (Имом Аҳмад ривояти).

Аллоҳ Субҳанаҳу ва Таоло бундай дейди:

وَأَحَلَّ اللّهُ الْبَيْعَ وَحَرَّمَ الرِّبَا

«Аллоҳ судхўрликни ҳаром қилди ва савдо-сотиқни ҳалол қилди» [Бақара 275]

Яна бундай дейди:

كَيْ لَا يَكُونَ دُولَةً بَيْنَ الْأَغْنِيَاء مِنكُمْ

«Сизлардан бой-бадавлат кишилар ўртасидагина айланиб юраверадиган нарса бўлиб қолмасин учун»   [Ҳашр 7]

Шундай бўлгач, бизни ўз оғзи билан демократияга чақира туриб, бир вақтнинг ўзида, Пайғамбарлик минҳожи асосидаги рошид Халифаликни барпо этишга даъват қилаётган Ҳизб ут-Таҳрир аъзоларини қувғин остига олиб, ҳеч қандай маҳкамасиз қамоққа ташлаётган кимсалардан қандай яхшилик кутишимиз мумкин, ахир?! Бу қамалган биродарлар орасида шифокор, муҳандис, кордиологлар бор, ичакларидан қон кетаётганлари бор. Ахир, эй мусулмонлар, Росулуллоҳ САВ ҳадиси қудсийда

«إِنَّ اللهَ قَالَ مَنْ عَادَى لِي وَلِيًّا فَقَدْ آذَنْتُهُ بِالْحَرْبِ»

«Аллоҳ айтдики, ким Менинг битта дўстимга душманлик қилса, унга уруш эълон қиламан» (Имом Бухорий ривояти), деган бўлсалар-у, қандай қилиб улардан яхшилик кутиб бўлади, қандай қилиб?!

Эй Покистондаги мусулмонлар!

Шуни билингки, бир одил ҳукмдор бўлажагига бўлган буюк умид асло сўнмас умиддир. Лекин сизлар ушбу одил ҳукмдорни тиклаш учун муносиб бўлган ушбу заминда экансизлар, Исломни татбиқ этишга даъват қилиш орқали охиратлари учун фаолият қилаётган кишиларга бир боқинг. Мана, Ҳизб ут-Таҳрир аъзолари сизни Покистоннинг покиза заминида Пайғамбарлик минҳожи асосидаги Халифаликни барпо этиш учун бирга фаолият қилишга даъват қилмоқдалар. Шунингдек, сизни Ҳизб ут-Таҳрир сақофатини ўқиб ўрганиш орқали халқ учун ва ҳукмдорлар учун ўзингизни машъала зиёси қилиб тайёрлашга ҳам даъват қилмоқда. Зеро, Ҳизб сақофатида Пайғамбарлик минҳожи асосидаги Халифаликни барпо этиш шакли мукаммал тарзда ёритиб берилган. Ушбу сақофатда Ҳизб 191 моддадан иборат Ислом давлати дастури лойиҳасини ишлаб чиққан. Бу сақофатда айни моддалар ишлаб чиқилган Қуръон ва Суннатдан иборат далиллар мавжуд. Шу билан бирга, Ҳизб ут-Таҳрир аъзолари сизни Аллоҳга, Росулига ва мўминларга хиёнат қилган золимларга қарши бир мушт бўлиб курашишга, Аллоҳ йўлида маломатчининг маломатидан асло қўрқмасликка даъват этадилар. Дарҳақиқат, Росулуллоҳ САВ бундай дедилар:

«أَلاَ لاَ يَمْنَعَنَّ أَحَدَكُمْ رَهْبَةُ النَّاسِ أَنْ يَقُولَ بِحَقٍّ إِذَا رَآهُ أَوْ شَهِدَهُ فَإِنَّهُ لاَ يُقَرِّبُ مِنْ أَجَلٍ وَلاَ يُبَاعِدُ مِنْ رِزْقٍ»

«Огоҳ бўлинг, бирортангиз ҳақни кўрса ёки гувоҳи бўлса, одамлардан қўрқиб, уни айтишдан воз кечмасин, чунки бу нарса ажални яқинлаштирмайди ҳам, ризқни узоқлаштирмайди ҳам» (Имом Аҳмад ривояти).

Эй Покистон қуролли кучлари сафидаги зобитлар!

Сизларга «куч ва қудрат аҳлига йўлланган охиргидан олдинги нидо»да Ҳизб ут-Таҳрир амири улуғ олим Ато ибн Халил Абу Роштанинг хитоби етиб келган. Бу хитобда сизлардан Пайғамбарлик минҳожи асосидаги Халифаликни барпо этишга нусрат бериш талаб қилинган. Бу сизларга шу даражада етиб келдики, ҳатто анави хоинлар буни эшитган ёки ўқиган ҳар бир кишига таҳдид қилишга тушишди. Ҳатто тоғутлар ўз қароқчиларига Исломга нусрат бераётганларни ва Пайғамбарлик минҳожи асосидаги Халифаликни барпо этишга даъват қилаётганларни қувғин қилишга яширинча буйруқ беришди. Дарҳақиқат, сизларга ушбу хитоб етиб келган бир вақтда, Халифалик карвони ҳам етиб келиш арафасида турибди. Бас, шундай бўлгач, сизлар ушбу карвонга қўшилиб олганлардан бўласизларми ёки унинг ортидан эргашувчилардан бўласизларми?

لَا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ أُوْلَئِكَ أَعْظَمُ دَرَجَةً مِّنَ الَّذِينَ أَنفَقُوا مِن بَعْدُ وَقَاتَلُوا وَكُلّاً وَعَدَ اللَّهُ الْحُسْنَى وَاللَّهُ بِمَا تَعْمَلُونَ خَبِيرٌ

«Сизлардан фатҳдан илгари инфоқ-эҳсон қилган ва жанг қилган кишилар (ундан кейин инфоқ-эҳсон қилган ва жанг қилганлар билан) баробар бўлмас, улар кейин инфоқ-эҳсон қилган ва урушган кишилардан улуғроқ мартабададирлар, Аллоҳ барчаларига гўзал (оқибат-жаннат) ваъда қилган, Аллоҳ килаётган амалларингиздан хабардордир»   [Ҳадид 10]

Ҳизб ут-Таҳрир                                                                       6 зул-қаъда 1436ҳ

Покистон вилояти                                                                  21 август 2015м