بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Кувайт амири янги ҳукумат ташкил қилиш тўғрисида фармон чиқарди

Кувайт амири шайх Сабоҳ Аҳмад Жобир шанба куни эрталаб собиқ бош вазир шайх Жобир Муборак Ҳамд Сабоҳ бошчилигидаги янги ҳукумат ташкил қилиш тўғрисида фармон чиқарди.

Кўплаб кувайтликлар ўнлаб йиллардан бери ўзлари фойдаланиб келаётган бепул даволаниш ва таълим олиш, асосий маҳсулотлар, ерлар ва турар-жойларнинг давлат томонидан қўллаб-қувватланиши каби имкониятларни ушбу ҳукумат чеклаб қўйиши мумкин, дея хавфсирашмоқда. Чунки, бу имкониятлар бепул таъминланар ҳамда Кувайт аҳлининг кўпчилигига процентсиз кредитлар берилар эди.

Кувайт парламенти қабул қилинган қонунларни кучга киритиш ҳамда вазирларни сўроққа тутиш ҳуқуқига эга. Аммо сиёсий ишларда сўнгги сўзни амир айтади.

Кувайт дастури амирга сайлов натижаларига қарамасдан бош вазир таъйин қилиш ҳуқуқини берган. (Ахбори Кўрфаз).

Роя газетаси шарҳи:

«Кувайтда маълум вақт ичида Уммат Кенгаши сайловлари бўлиб ўтди. Сайловлар натижасида депутатлар таркибида катта ўзгариш бўлди. Кўпчилик – депутатларни мухолафат депутатлари ва сиёсий ислоҳотчи депутатлар, деб ўйлади. Бироқ бундан сал олдинроққа қайтилса, шу нарса фош бўладики, парламент ва парламент қонунлари остидан майдонларга чиққан ушбу Кувайтдек кичик бир давлатдаги сиёсий ҳаракатлар бош вазирни ағдаришга муваффақ бўлди. Бу араб баҳори дейилаётган юртлар пойтахтларида турли шаклдаги ҳодисалар манзарасида бўлди. Ушбу қўзғолон юртларида халқлар бошқарув тизгинини қўлга олишга қарор қилиб, фақат ўз қонунларига мувофиқ ҳаракат қилди ҳукумат қонунларига, дастурларига, мавжуд истак ва тузумларига мувофиқ ҳаракат қилмади. Натижада, бўлиб ўтган воқеалар рўй берди… Бироқ бу юртлардаги сиёсий доиралар, ҳеч қанча вақт ўтмай, яна ўзларини режим қўйнига отишди ва масхарабозлик кенгашига – худди ҳалок бўлишини билмай ўзини ўтга урувчи ҳашоратлар каби – ўзларини уришди… Шубҳасиз, бундай сиёсий ҳаракат жуда бепушт-самарасиз ишдир, қуруқ доира ичида бекорга айланаверади, сайловлар, кенгашлар, баҳсли жанжаллар, ҳукуматларни бўшатишлару вазирларни сўроққа тутишлар… ҳамма-ҳаммаси заррача самара бермайди! Аслида, бундай боши берк кўчада юраверишга чек қўймоқ лозим. Бунинг учун эса, албатта сиёсий режимдаги асл муаммони онгли тарзда тушуниш билан ҳамда Исломни бошқарув, ички ва ташқи сиёсат, иқтисод, ижтимо… каби ҳаёт тузуми балқиб чиқадиган ақида сифатида англаб етиш билан бўлади. Яна шу нарсани англаб етмоқ лозимки, сайлов қутилари, мухолафат, партияга содиқлик, қонунлар, дастур ва бошқа нарсалардаги тортишувлар ҳақиқий давлатлардагина бўлиши мумкин, мустамлакачи кофир Ғарб ясаган майиб-мажруҳ давлатларда бўлмайди. Чунки Ғарб томонидан ясалган давлатлар каттаю кичик барча масалада шу Ғарбга қарам давлатлардир! Халқлари ҳаётда бир муайян нуқтаи назарга ва асосий фикрларга ишониб уларни ўз давлатлари, дастур ва низомлари асоси қилиб олган ва ана шундан кейин тафсилотлар ва сиёсатлар тўғрисида ихтилоф қилган ҳақиқий давлатларда бу ихтилоф сайлов қутилари ва уларнинг натижалари орқали ҳал қилиниши мумкин. Аммо халқлар муайян ишончларга эга бўлиб, тепасидаги режимнинг ишончи бошқача бўлса ёки агар давлатлар мазмуни ҳам, лойиҳаси ҳам сохта-қуруқ бўлса ёки худди жоҳилиятда араблар хурмодан бут ясаб, унга сиғиниб, кейин қоринлари очганда, уни еб қўйишганидек дастурлар хурмодан ясалган каби бўлса, бундай ҳолатда, сайлов қутилари ахлатни қайта ишловчи қутига ўхшаб қолади! Ҳа, шунинг учун ҳам ягона тўғри давлат қонунчиликда Аллоҳ калимасини олий қилувчи давлат эканини англаб етиш орқали бундай боши берк кўчадан чиқмоқ лозим. Дарҳақиқат бу давлат ҳокимни танлашни Умматга берган бўлиб, у – Пайғамбарлик минҳожи асосидаги рошид Халифалик давлатидир.

Роя газетасининг 2016 йил 14 декабр чоршанба кунги 108-сонидан