Матбуот баёноти

Либерал демократияда муслима аёлнинг шарафи ҳалол саналади

«CBS News»нинг жорий 3 октябрдаги хабарида Филадельфия полициясининг бир муслимани ҳибсга олиб, ҳижобини ечиб ташлагани, йигирма соат ҳибсда ушлаб турган вақтда уни ҳижобсиз-очиқ қолдиргани ва кийимларини алмаштиришига рухсат бермагани айтилди. Ҳозирда муслима АҚШ исломий муносабатлар кенгашининг ҳуқуқий маслаҳатчиси Киирдан ёрдам сўради ва ўзига нисбатан ёмон муносабат кўрсатилгани сабабли адолат талаб қилмоқда. Синглимиз ўтган сентябр ойида Темпл университетида Ғазодаги мусулмонларни репрессия қилинишига нисбатан норозилик намойишида қатнашиши ортидан ҳибсга олинган эди. Синглимиз зобитлардан бири унинг ҳижоби ва рўмолини ечиб ташлаганини айтди. АҚШнинг Филадельфиядаги исломий алоқалар кенгашининг юридик директори Одам Атия ушбу ҳодисани «муслиманинг динга эътиқоди ва амалини таҳқирлаш», дея баҳолаб бундай деди: «Биз келажакда муслима аёллар бундай нарсага дуч келмасликлари учун айни сиёсатнинг ўзгартирилиши устида ишлаяпмиз. Биз сўзимизни тинглашга тайёр бўлган агентлик, полиция ва университет билан ҳамкорлик қилишга ва ишлашга тайёрмиз. Чунки бу ҳодиса бизнинг диний эътиқодимизни қўпол равишда бузмоқда».

Филадельфия полиция департаменти бундай баёнот берди: «Биз диний урф-одатларни ҳурмат қилиш ва уларни яхшироқ ўрганиш учун сиёсатимиз ривожланиши кераклигини тушунамиз. Филадельфия полиция департаменти – хавфсизлик протоколларимиз ёки хавфсизлигимизни бузмаслик шарти билан – шахсни ҳибсга олиш ва ҳибсда ушлаб туриш жараёнида ҳижоб кийишга рухсат бериш сиёсатимизни янгилаш устида фаол ишламоқда». Бу ҳодисалардан шуни тушунмоғимиз керакки, муслима аёлларга нисбатан таъқиб ва зўравонлик глобал ва маҳаллий миқёсда маълум идоралар томонидан содир этилаётгани одатий ҳолдир. Ҳолбуки, улар хотин-қизларга шароит яратишни ва хотин-қизлар ҳуқуқини ҳимоя қилишни даъво қилувчи идораларнинг ўзидир. Қарама-қаршилик бундан ҳам очиқ-кескин бўлиши мумкин эмас эди. Шунга қарамай, либерал демократия ютқазишга маҳкум эканини ҳалигача тўлиқ тушунмайдиган мусулмон вакиллар бор».

Ғазодаги уруш бошқа ҳудудларга қадар кенгайиб борар экан, янада кенг кўламда оловли бомбалар ёғдирилиб, қирғин қилинмоқда. Бу Умматнинг аёллари ва болалари замонавий тарихда мисли кўрилмаган зулмга дучор бўлмоқда. Биз ушбу Уммат аёлларининг ҳаёти ва шаъни мусулмон юртларидаги анави ҳукмдорлар ва режимлар наздида сариқ чақалик қадри йўқлигини, улар қонимизни ҳокимият ва коррупция бозорида энг катта пул берганга сотиб-пуллашаётганини кўриб турибмиз. Исломий юртлар ҳукмдорларидан бирортасида ҳам Уммат манфаатига хизмат қилиш нияти йўқ ва бу ҳақиқатни барча ғайриисломий кучлар жуда яхши билишади. Шундай қилиб, бу Умматнинг бойликлари ва фарзандлари тўпланиб, жаҳон бозорида намойиш қилинадиган очиқ ов ва нишонга айланди.

Биз айни бузғунчиликни адолат билан тузатиш учун Пайғамбарлик минҳожи асосидаги Халифалик соясидаги исломий бошқарувга жуда муҳтожмиз. Мавжуд ташкилотлар аёлларга Аллоҳ буюрган қадр-қимматни берадиган туб ўзгаришларни тақдим қила олмайди. Аксинча, бунинг ўрнига сиёсий ўзгаришлар учун юзаки талаблар қўйишдан нарига ўтмайди. Аллоҳ Субҳанаҳу ва Таоло айтади:

﴿أَنِّي لَآ أُضِيعُ عَمَلَ عَٰمِلٖ مِّنكُم مِّن ذَكَرٍ أَوۡ أُنثَىٰۖ بَعۡضُكُم مِّنۢ بَعۡضٖ﴾

«Албатта Мен сизлардан бирон амал қилгувчи эркак ё аёлнинг амалини зое қилмагайман. Зеро, бировингиз бировингиздандирсиз»                                                                     [Оли Имрон 195]

Ислом муслима аёлнинг шарафини ҳимоя қилиш учун белгилаган олий даражани, шубҳасиз, ҳабибимиз Муҳаммад ﷺнинг хатти-ҳаракатларида, яъни битта муслиманинг шарафи учун Бану Қайнуқо яҳудийларини Мадинадан сургун қилганликларида кўрамиз. Ўшанда Бану Қайнуқо яҳудийлари муслиманинг исломий либосини топташ билан таҳқирлашган эди. Бироқ бугунги кунда дунёнинг турли бурчагида муслима аёллар ҳурмати топталмоқда-ю, уларнинг шарафини ҳимоя қилувчи давлат йўқ. Биз муслима аёлларнинг ҳаёти ва шаънини тартибга солиш учун тўғри қадамлар ташлашда жуда кеч қолдик. Бизга етишмаётган нарса мусулмонларнинг сони ҳам, моли ҳам, хайрия тадбирлари ҳам эмас, балки Қуръон ва Суннатдан олинган тўғри фикрга асосланган раҳбарлик-Халифаликдир. Биз Ислом Уммати ушбу ҳақиқатни қанчалик тез англаб етсак, аҳволимиз шунчалик тез ўзгаради, ақлимиз иккиламчи ечимлар билан банд бўлмайди.

Ҳизб ут-Таҳрирнинг марказий матбуот бўлими аёллар қаноти