بِسْمِ اللهِ الرَّحْمٰنِ الرَّحِيم

Ливанда президентликдан сўнг… америкапараст ҳукумат

2016 йил 28 декабр чоршанба куни бош вазир Саъд Ҳаририй ҳукумати парламент кенгаши ишончига сазовор бўлди. Бу ишончга вазирлик баённомасини муҳокама қилишга оид махсус парламент йиғилишининг иккинчи кунида 92 нафар овоз берувчиларнинг аксар 87 нафари овоз берди, 4 нафари тўхталди, 1 нафари ишонч билдиришдан бош тортди. (Арабийя нет 2016 йил 28 декабр).

Шу билан Ливан ичкарисида Американинг чангали янада мустаҳкамланади. Бу Эрон Ҳизби иттифоқчиси Мишель Ауннинг 2016 йил 31 октябрда республика президенти сифатида қудратга келганидан сўнг ҳамда айни ҳукуматга АҚШнинг Саудия ва Эрон каби регионал тобелари раҳнамолигида ишонч билдирилиши ортидан амалга ошди.

Ҳукумат ташкил қилинишини диққат билан кузатган киши шунга гувоҳ бўладики, АҚШ одамлари Ливан вазирлигидаги мудофаа вазири, ташқи ишлар вазири, ички ишлар вазири, адлия вазири ва молия вазири каби нозик мансабларни эгаллашди. Вазирликдаги қолган майда-чуйда мансаблар эса ички талашиб-тортишувга қўйиб берилди. Оқибатда сиёсатчи либосини кийган анъанавий жангарилар етакчилари ўзаро кураш бошлаб, вазирликдаги қолган-қутган маблағларни талон-тарож қилишга ва сайловни кўзлашга киришишди. Ҳатто улардан бири уялмасдан «бу вазирлик жамғармаси қуп-қуруқ-ку, бу қабул қилиб бўлмас ҳол», дейишгача борди… Бу гапдан кўриниб турибдики, Ливандаги ўзини сиёсатчи, дея даъво қилаётганларнинг асл башараси, аслида, жангариликка етакчилик қилишдан иборат. Сиёсат билан улар фақат шахсий манфаатлари учун шуғулланишади, инсонлар масалалари ва ташвишлари, манфаатлари улар учун сариқ чақалик аҳамият касб этмайди.

Минтақада Ливаннинг қандай вазифа бажаришини фақат АҚШ белгилайди, Ливан масаласида у билан нуфуз талашувчи ҳеч қандай давлат йўқ. АҚШнинг бу юртга нисбатан кўз қараши ўтган беш йил ичида, яъни араб давлатлари, хусусан, Сурия қўзғолони бошлангандан сўнг яққол намоён бўлди. Бу кўзқараш қуйидагиларда намоён бўлади:

Биринчи: Ливанни Эрон Ҳизбининг пинҳоний ҳарбий базаси, дейиш мумкин. Эрон Ҳизби эса мустамлакачилик қуролига айланишга рози бўлган ҳизб. У Американинг ундан тобеи Эрон орқали минтақада, асосан, Яман ва Ироқда ўзи истагандек фойдаланишига, кейин эса Сурияда асосий рол ўйнаб, қонлар тўкишга рози бўлган ҳизб. Хусусан, Ҳалаб шаҳрининг «таслим» этилишида Эрон Ҳизби фаол рол ўйнади, қирғин қилиш, таҳқирлаш, Ҳалаб аҳли ва қўзғолончиларини Ҳалабдан кўчириш ишларида на Аллоҳу Росулидан ҳаё қилди ва на мусулмонлардан. Бу иттифоқни Ислом ва мусулмонлар душмани билан очиқчасига яширмай ҳамда АҚШ етакчилиги остида бўлганини ҳам беркитмай ошкор амалга оширди! «Қаршилик (меҳвари) ўқи» ҳимоясидаги тинч фронтдан фойдаланаётган яҳудийлар давлати бу ишлардан кўз юмди!!

Иккинчи: Ливан режимининг «терроризм», деган нарсани тайёр дастак қилиб, юртдаги мусулмонларни ўз теварак-атрофларидан бўлиб қўйди, шу орқали Шомдаги биродарларига ёрдам беришларига йўл қўймади ҳамда «алоқа қилганлик ҳужжатлари», деган нарсани дастак қилиб, асоссиз қамоққа олди. Бу режим ҳамон шундай дастак билан мусулмон ёшларни қамоққа олишда давом этмоқда.

Американинг Ливанга нисбатан мана шу икки қараши сабабли вазирлик баёнотида шу нарса аён бўлиб турибдики, Эрон Ҳизби Суриядаги фашист режимни қўллаб-қувватлади ва Ливандаги суриялик қўзғолончиларга ёрдам беришни истаган мусулмонларни бостириш сиёсатига ёрдам берди. Бу эса ўз навбатида, айни сиёсат АҚШ сиёсати ва унинг Ливандаги, минтақадаги малайлари сиёсати бўйича боришига далолат қилмоқда.

Эй Ливан аҳли!

Ливан бугун мустамлакачи давлатларга боғланган давлат. Унинг суверенитети ҳам, мустақиллиги ҳам йўқ. Уни, том маънода давлат деб бўлмайди. Балки у хориж буйруқларини ижро қилувчи бир бошқарув фронти ва элчихоналар ҳокимияти бўлиб қолди. Элчихоналар эмас, балки битта элчихона, яъни АҚШ элчихонаси билан унга тобе регионал давлатлар элчихоналари ҳокимиятига айланиб қолди. Сиз Ливан аҳли, бундай ҳукумат воқеини онгли тарзда тушунмоғингиз лозим. Чунки у Американинг минтақадаги мустамлакачилик сиёсатига мос равишда ҳаракат қилиш учун тузилган ҳукуматдир. Шундай экан, бу аҳволнинг бугунги кунингиз ва тарихингиз саҳифаларида қайд этилишига рози бўлманг. Чунки мустамлакачилик, Аллоҳнинг изни ила, албатта завол топади. Аммо сизнинг Шом ва исломий оламга бўлган боғлиқлигингиз асло завол топмайди, боқий қолади. Эртага, кечикмасдан бутун исломий олам битта тузум – Пайғамбарлик минҳожи асосидаги иккинчи рошид Халифалик тузуми остига бирлашади, инша Аллоҳ.

Эй Ливандаги мусулмонлар!

Суннийлар ва шиалар дохил мусулмонлар сифатида сиздан талаб қилинган нарса шуки, қўлларини суриялик биродарларингиз қонига белаган анави кимсалардан пок эканингизни баралла айтинг, орангизда қилинаётган бўлиниш чақириқларига қулоқ тутманг. Эрон Ҳизби кабилар, ўзлари даъво қилаётган мусулмонлар бирлигига фарқли равишда, бўлиниш йўлида кураш олиб бормоқда. Бу ҳизбдагилар Сурияга аралашиш учун ўзларини Росулуллоҳ Aнинг аҳли байтига мансубликларини ёлғондан иддио қилишди ва шу ниқоб остида у ердаги ўз тарафдорларига жирканч мазҳабпарастликни зўрлаб тиқиштиришди. Ваҳоланки, барча мусулмонлар наздидаги ҳақиқий аҳли байт бундай кимсалардан ҳам, уларнинг амалларидан ҳам покдир. Шу боис бугунги кундаги ҳар қандай ҳизб, ҳаракат ва жамоадан бундай кимсаларга бўлган бевосита ва билвосита алоқаларини узиш талаб этилади, чунки улар Суриядаги мусулмонларга нисбатан на аҳдга ва на бурчга боқишади.

Масала жуда жиддий, шу боис сизга Аллоҳ Таолонинг ушбу каломи билан панд-насиҳат қиламиз:

وَمِنَ النَّاسِ مَن يَتَّخِذُ مِن دُونِ اللَّـهِ أَندَادًا يُحِبُّونَهُمْ كَحُبِّ اللَّـهِ ۖ وَالَّذِينَ آمَنُوا أَشَدُّ حُبًّا لِّلَّـهِ ۗ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّـهِ جَمِيعًا وَأَنَّ اللَّـهَ شَدِيدُ الْعَذَابِ* إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ* وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا ۗ كَذَٰلِكَ يُرِيهِمُ اللَّـهُ أَعْمَالَهُمْ حَسَرَاتٍ عَلَيْهِمْ ۖ وَمَا هُم بِخَارِجِينَ مِنَ النَّارِ

«Одамлар орасида шундай кимсалар борки, улар ўзгаларни Аллоҳга тенг билиб, уларни Аллоҳни севгандек севадилар. Мўминларнинг Аллоҳга бўлган муҳаббатлари қаттиқроқдир. Бундай золимлар азобга рўбарў бўладиган замонларида (қиёмат кунида) бутун куч-қудрат Аллоҳники бўлишини ва Аллоҳнинг азоби қаттиқ азоб эканини билсалар эди. У кунда пешволар эргашувчилардан тонадилар ва ҳаммалари азобни (кўзлари билан) кўрадилар. (У кунда уларни боғлаб турадиган) баҳонаю сабаблар узилади. Эргашувчилар: «Қанийди, яна бир карра (яшашнинг) иложи бўлса-ю, улар биздан тонганларидек, биз ҳам улардан тонсак», дейдилар. Шундай қилиб, Аллоҳ Таоло уларнинг қилган амалларини ўзларига ҳасрат-надомат қилиб кўрсатади ва улар жаҳаннамдан чиқувчи бўлмайдилар»                           [Бақара 165-167]

Шундай экан, эй мусулмонлар, бундай даҳшатли кундаги манзарадан ғоят эҳтиёт бўлинг.

إِنَّ هَـٰذِهِ تَذْكِرَةٌ ۖ فَمَن شَاءَ اتَّخَذَ إِلَىٰ رَبِّهِ سَبِيلًا

«Албатта, бу бир панд-насиҳатдир. Бас, ким хоҳласа (бу панд-насиҳатни қабул қилиб), Робби томонга йўл тутур»                                                  [Инсон 29]

Ҳизб ут-Таҳрир                                                                        1 робиус-соний 1438ҳ

Ливан вилояти                                                                         30 декабр 2016м

+1

0

Related posts:

Ливан режими суриялик қочқинларга қарши амалга ошираётган ғайриинсоний ва ғайриахлоқий хатти-ҳаракатлар Солиқхўр ҳукумат талончиликнинг янги сандиғини очмоқда унинг номи янги йўл ҳаракати қонунидир! Ливандаги ҳукумат Мадая аҳлини қамал қилганларни фош қилишдан жавобгар бўла туриб уларни оч қолдиришга шерик бўлди Ливан халқаро сиёсатчилар болғаси билан регионал ва маҳаллий малайлар сандони ўртасида