Махалла посбони ёки халқ тили билан айтганда “Қулоқ”
بِسْمِ اللهِ الرَّحْمنِ الرَّحِيمِ
Махалла посбони ёки халқ тили билан айтганда “Қулоқ”
Озодлик сайтининг хабар қилишича, шу кунда Ўзбекистонда 9 минг 756 та маҳалла қўмитаси фаолият кўрсатмоқда. Ҳар бир маҳалла қўмитасида икки нафардан посбон бўлса, Ўзбекистонда шу кунда 20 минг чоғли маҳалла посбони жойларда тартиб сақлаш учун ҳуқуқ-тартибот идораларига кўмаклашаётгани маълум бўлади.
“Маҳалла посбони” жамоатчилик тузилмаси тўғрисидаги низом, қайд этилишича, “Фуқароларнинг ўз-ўзини бошқариш органлари тўғрисидаги” қонунга мувофиқ равишда ишлаб чиқилган. Аслида маҳалла посбонлари тўғрисида Ўзбекистон Вазирлар маҳкамаси 1999 йил апрелида низом қабул қилганди. Ахамиятли томони ўша йили феврал ойида Тошкент шахрида террорчилик амалиётлари амалга оширилган. Ажойиб кетма-кетлик, худди давлат бу низомни қабул қилишлик учун террорчилар ўзининг жиноятини амалга оширишларини кутаётгандек ёки давлат бу низомни қабул қилишлик учун шу жиноятни ўзи амалга оширгандек. Нима бўлганда ҳам бу низомни қабул қилишлик давлат таъкидлаганидек тинчликни сақлаш учун эмас, балки мусулмонларни тинчлгини бузиш учун эди. Чунки шу йили мусулмонларга давлат томонидан зулм бошланиб, хозирги кунгача давом этиб келмоқда.
Халқнинг тилида бундай касб эгалари “Қулоқ” дейилади. Буларнинг иши асосан МХХ ва ИИВ ходимларига улар учун зарур бўлган маълумотларни етказиб бериб туришдир. Кимни уйига ким келаяпти, ким қаерда юрибди, ким рўмол ўраб юрибди, ким диний дарслар олаяпти, сиёсат хақида ким кандай фикрда, ким бундай сиёсатдан норози ва хоказо. Арзимас маош учун имонини сотиб шундай хунук ишлар билан шуғулланишиб, кошки хўжайинлари бўлмиш МХХ ва ИИВ ходимларидан миннатдорчиликлар олишса. Лекин унинг ўрнига посбонлар мабодо маълумот етказишда хайяллашса, хўжайинларидан куракда турмайдиган сўзлар билан сўкинишларни қабул қилиб олишади. Хатто инсон учун азиз бўлган оналари хақида ҳам фахш сўзлар ишлатишиб, хорликларини энг чўққиларини тоттиришади. Хаёти давомида иззат ва шараф, ор-номус нима эканлигини билмайдиган инсонларнинг қисмати шундай-да. Шунинг учун бу касбни эгаллаб турган аксар инсонларни хаётига назар ташласангиз: асосан қаланғи-қасанғилардан таркиб топган ушбу тоифа инсонларнинг: насл-насабида шундай бузуқилар борлиги аниқланади, бирини келини бузуқ бўлиб кетган, бирини хеч кими йўқ, бир сўз билан айтганда хаётда иши юришмаган инсон эканликларига гувохи бўласиз.
Шу йилнинг 4-март куни мамлакатдаги барча фуқаролар йиғинлари таркибида “Маҳалла посбони” жамоатчилик тузилмаларини тузиш ҳақида Ўзбекистон ҳукуматининг қарори тасдиқланди. Бу низом 15 йил олдин, яъни 1999 йил апрель ойида қабул бўлган низомни бекор қилди. Мазкур низом Ўзбекистонда бошқарув мансабдорлари россияпараст ва америкапарастлар гуруҳларига бўлиниб хукумат учун кураш олиб бораётган бир пайтда ва 2015 йилда кутилаётган сайловлар олдидан қабул қилинмоқда. Бундан олдин Президент томонидан бир неча мансабларни эгаллаб турган амалдорларни четга чиқиш тартиби тўғрисидаги қарори қабул қилинган эди. Шунингдек дунёда содир бўлаётган воқеалар хусусан Украинадаги холатлар албатта Ўзбекистон хукуматини ташвишга солганлиги табиий. Бу ерда икки хил тахлил қилишимиз мумкин. Сайтимизда бунга оид маълумотни тўлиқ тахлили чиққанлиги сабабли қисқа эслатиб ўтамиз:
1) Америкапараст бўлган Каримов жонини сақлаш мақсадида ғарбпараст бўлган кейинги малайга, Американи унга химоя бериш эвазига, тинч шароитни қилаётгани ёки ўзи кейинги муддатга қолиш учун харакат қилаётгани бўлиши мумкин
2) Россияпарастларга ҳам беэътибор бўлмаслик керак. Агар бу вазиятга улар томонидан туриб қарайдиган бўлсак Президент томонидан қабул қилинаётган қарорлар (махалла посбони тўғрисида, мансабдорларга четга чиқишини тақиқлашга оид) норозиликни кайфиятини келтириб чиқарувчи қарорлардир. Бу холат россияпараст бўлган МХХ раиси Иноятов учун халқни Каримовдан безиллатиш учун қулай имкониятдир. Агар шуларни инобатга олсак бу қарорлар россияпарастлар таъсири остида чиқаётгандек гўё.
Биз мусулмонлар хар бир вазиятни динимизга фойдаси бор йуқлиги жихатидан ўрганамиз. Юқоридаги холатларни бизга шуниси аниқки, Ўзбекистонга ким рахбар бўлишидан қатъий назар у ё Америка ёки Россия малайи бўлишлиги ва халқ манфаати учун эмас, балки уларнинг манфаатига хизмат қилади. Яъни халқни уларга қул қилиб беради. Албатта сиёсий вазиятни озгина юмшатиши мумкин, лекин бу итга ювиндини ўрнига суяк беришдек гап. Чунки ўзгариш шахсда бўлади, тузумда эмас. Тузум эса куфр демократик (капитализм) тузумидир. Бу тузум динни хаётдан ажратиш ақидаси асосига қурилган бўлиб мусулмон учун хар қандай холатда қабул қилиш харом хисобланади. Бу тузум, динни инкор қилмаслиги, кўпчилик мусулмонларни алдаб қўйган десак муболаға бўлмайди. Лекин эътиборли жихати шундаки бу тузум динни шахсий суратда бўлишлигига рухсат беради: намоз, рўза, хаж, нафл ибодатлар ва х. каби. Ислом эса инсоннинг ўз Яратувчиси, ўзи ва бошқа инсонлар билан қиладиган алоқаларини тартибга солиш учун Аллоҳ саййидимиз Муҳаммад солаллоху алайхи васалламга нозил қилган диндир. Инсоннинг ўз Яратувчиси билан бўладиган алоқаси ақидалар ва ибодатларни, унинг ўзига бўлган алоқаси ахлоқ, емак-ичмак ва либосларни, бошқа инсонлар билан бўладиган алоқаси эса муомала ва жазо чораларини ўз ичига олади. Демократик тузум инсон билан инсон ўртасидаги муносабатларни дин асосида бўлишлигига йўл қўймайди. Бугунги кунда Ўзбекистон қамоқхоналари Исломий хаётни қайта бошлашга интилган мусулмонлар билан тўлиб тошганлиги, Сурияда Халифаликка чақирувчи холис мусулмонларни террорчиларга чиқаришлик бунга яққол мисоллардир. Шунинг учун бу куфр тузумидаги дин эркинлиги Ўзбекистон мусулмонларини алдаб қўймаслиги керак
Аллох Таъоло каломида шундай дейди:
فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا
“Йўқ, Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича ва кейин сиз чиқарган ҳукмдан дилларида ҳеч қандай танглик топмай, тўла таслим бўлмагунларича-бўйинсунмагунларича зинҳор мўмин бўла олмайдилар” [Нисо-65]
Ҳизб ут-Таҳрирнинг Ўзбекистондаги медиа офиси Умар
13.03.2014й.
