بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Марин Ле Пеннинг муфтиёт томонидан кутиб олиниши навбатдаги шармандалик ва хорликдир

Кеча Ислом ва унинг аҳлига нисбатан ичи адоватга тўлиб тошган сўлчи экстремист Марин Ле Пин хонимнинг муфтиёт томонидан кутиб олинишини қоралаб, унинг «ўзи мўътадил бўлмаган ҳолда «мўътадиллик»ка чақириш билан қулоқларимизни том битирган аёл» эканини айтгандик, «фиқҳий «жасорат» шуми ёки бу «янгиланиш ва янгилаш»ми?!», деган эдик. Шунингдек, «наҳотки, ҳукумат раёсати ва муфтиёт Франция президентлигига номзодлар учун миниладиган тайёр уловга айланиб қолган бўлсалар, ўзларини мусулмонлар вакили, дея даъво қилаётганлар душманга итоат қилишдан бошқа нарсани ҳам биладиларми, ўзи?!!», деган сўзларни айтгандик. Лекин

فَإِنَّهَا لَا تَعْمَى الْأَبْصَارُ وَلَـٰكِن تَعْمَى الْقُلُوبُ الَّتِي فِي الصُّدُورِ

«Кўзлар кўр бўлмас, балки кўкракларидаги кўнгиллар кўр бўлур»          [Ҳаж 46]

Биринчи шармандалик бундай бўлди: Ле Пин хоним муфтий шайх Абдуллатиф Дарён қабулига киришдан воз кечди, чунки ундан кириш олдидан ҳижоб кийиш талаб қилинган эди, кийишдан бош тортди… Муфтиёт матбуот бўлими эса ўз баёнотида бундай деди: «… Матбуот бўлими муфтий жаноблари билан учрашув пайтида бошида рўмол бўлиши кераклиги ва бу муфтиёт протоколида қайд этилгани ҳақида президентликка номзод хонимга ёрдамчиларидан бири орқали етказган эди, бироқ номзод хоним муфтиётга келганда у ердагилар ҳайрон қолдилар. Чунки аёлнинг протоколга риоя қилишдан бош тортишини кутмаган эдилар…», «… Кейин у ердагилар умид билан хонимга бошига ташлаб олиши учун рўмол тутқазишганди, хоним яна бош тортиб, муфтиётдан чиқиб кетди ва аввалдан келишилган учрашувни адо этмади».

Иккинчи шармандалик Ле Пиннинг «Азҳар шайхи олдига киришда ҳижоб кийган эмасман, ҳозир ҳам асло киймайман», дея иккиланмай, юзсизларча айтган сўзлари бўлди.

Учинчи шармандаликни муфтиёт баёнотидаги «муфтиёт бундай учрашувларда мана шундай қилмишлар бўлганидан таассуфда», деган сўзларда кўриш мумкин.

Биз уларга бундай деймиз, ҳатто юзларига қарата очиқ саволлар берамиз:

Наҳотки сиздаги муаммо, шу аёлнинг ҳатто сочларини ҳам ўраб турмайдиган ҳолда рўмолни бошига ташлашидан иборат бўлса?!!! Муаммоингиз Ислом ва мусулмонларга нисбатан ичи тўла ғараз-адоват бўлган, буни сўзларида ҳам, амалларида ҳам исботлаган бир аёлни кутиб олмасликдан иборат эмасми, ахир, бунга ўзингиз ҳам тирик гувоҳ бўлдингизку?!!! Ҳатто бу гинакор аёл ўз эътиқодини ҳурмат қилиб сизга орқасини ўгирди ва бу билан сизнинг эътиқодингизни таҳқирлади, бундан ортиқча расво бўлиш мумкинми?!!!

Сизнинг муаммоингиз уни Исломга даъват қилиш учун кутиб олишдан иборат эмасмиди, ахир, бу сиз учун фарз эдику, мана шундай олтин фурсатни ўтказиб юборганингиздан афсусланмайсизми?!!! Учрашув агар бўлиб ўтган тақдирда ҳам, ундан нима маъно-мазмун бўлган бўларди, «терроризм»га қаршилигингизни, «мўътадил» эканингизни, «янгиланиш ва янгилаш» тарафдорлари эканингизни изҳор қилардингиз, шундайми?!!! Бунга ўхшаш истилоҳлар фақат Ғарбга мансуб, Исломга заррача алоқаси йўқ. Ле Пин сизга даъват қилиш имконини ҳам бермади, аксинча, ўзингизни хорлади, яъни, мазкур баёнотида айтганидек, сенларнинг каттароғинг учун ҳам бошимга рўмол солмаганман-у, сенлар учун соламанми, деб кетди!!!

Майли, фаразан, уни қабул қилишингизни тўғри, деб ҳисоблайлик, аммо бунга нисбатан талаб қилинган реакцияни-афсусланишни билдирдингизми? Ёки, шу ғаразгўй аёлга, унинг ортидаги давлатдагиларга ва улкан ҳажмдаги ерингизни эгаллаб турган элчихонасидагиларга қарши, ҳеч бўлмаганда, битта баёнот чиқариб қўйдингизми?!! Доим Ливандаги аксар мусулмон аҳолисининг вакиллари эканингизни даъво қилиб келасиз, бас, шунга лойиқ позицияни эгалладингизми, аслида шундай қилиш керак эдику, ёки бу сиз учун жуда-жуда оғир ишми?!!! Шунинг учун афсусланишингиз ва аввало, умид қилишингиз керак эди!!

Эй Ливан мусулмонлари!

Бу кимсалар сизнинг вакилингизми?! Сиз шунчалар таҳқирланишга розимисиз?! Кеча шу душман аёлни кутиб олган бош вазир сизни тамсил этадими?! Биз учун динимизга нусрат-ёрдам бериш ва мусулмонлик шахсиятимизни ҳимоя қилган ҳолда, анавилар, уларнинг гумаштаю ҳамкорларига қарши чиқиш билан Аллоҳ Субҳанаҳуни рози қиладиган позицияда туриш вақти келмадими?!!

Ҳизб ут-Таҳрирнинг

Ливандаги матбуот бўлими

Телефон: 009613155103

Факс: 06-424695

Электрон почта: ht@tahrir.info

Ҳизб ут-Таҳрирнинг матбуот бўлими сайти: www.hizb-ut-tahrir.info