Мирзиёев нега қўлига тасбеҳ олиб ифтор вақтига риоя қилиб қолди?
Мирзиёев нега қўлига тасбеҳ олиб ифтор вақтига риоя қилиб қолди?
بِسْمِ اللهِ الرَّحْمٰنِ الرَّحِيم
Шавкат Мирзиёв Олмазор туманига қилган ташрифининг сўнгги манзили бўлган 102-сонли мактаб-интернатида “Ифторлик вақти келяпти, ҳозир кўп муҳокама қилсак чўзилиб кетади”, дея йиғилишни қисқа қилди. Мирзиёевнинг бу тарзда одатига хилоф иш қилишига ижтимоий тармоқларда тарқаган хабар сабаб бўлгани айтилмоқда. Унда мазмунан шундай дейилади: президент 30 000 киши иштирок этган видеоселекторни соат 16:00да бошлаб 21:00да тугатган. Мажлисда қатнашганлар рўзадор эди, Мирзиёевнинг ўзи эса орада тез-тез чой хўплаб мажлисни олиб борган. Бундан аввал президентнинг қўлида тасбеҳ билан кўриниш бергани халқ тарафидан илиқ қаршиланган эди. Аксар одамлар Мирзиёевдаги бундай ўзгаришларни Ражаб Тоййиб Эрдўғоннинг ташрифи билан боғлаган.
Маълумки, давлатчилиги демократияга асосланган юртларда ҳокимият учун курашадиган гуруҳлар ёки шахслар халқ дардини байроқ қилишади. Улар хоҳ чет давлат кўмагида иқтидорга келишсин, хоҳ ҳарбий тўнтариш орқали ҳокимиятни эгаллашсин, бу ишларини халқ номидан, унинг манфаатлари учун амалга оширганини айтишади. Чунки халқ денгиздир, агар у бирлашса енгиб бўлмас кучдир. Ана шу кучни жиловини қўлда тутиш учун ҳукумат халқ билан ҳисоблашишга мажбурдир. Шунинг учун ҳам ҳукумат ўзининг зўравон сиёсатини халқ устида юргизишига тўсқинлик қилиб, оммани бу сиёсатдан огоҳ бўлишга чақирган қанчадан-қанча пок ва тиниқ фикр эгалари қурбон қилинди, қанчаси зиндонларга ташланди. Ҳатто Қуръондаги қатъий оятларни ўзгача изоҳлашгача журъат қилинди. Мирзиёевнинг бир неча кун аввал Рамазон ойига ва рўзадорларга қилган беҳурмат муомаласини ўзгартириб, шошганча ишларини ифтор вақтига тартиблаб қолгани ҳам ўзини худдики Уммат билан бирга эканлигини кўрсатиш учундир. Ваҳоланки, бу ҳукумат Ғарб ва Россиянинг захарли пуллари ва Ислом ҳақидаги ваҳималари турткиси билан ҳамда ўзининг сиёсий зеҳниятидан келиб чиқиб доим Ислом ва мусулмонларни душман санаган, уларни таҳқирлаб устидан кулиб келган. Аммо Мирзиёев ҳукумати жамоат жойида ҳижобда юришга ва ёшларнинг масжидларга киришига қўйилган қонуний тўсиқларни олиб ташлаган эди. Бироқ бу йилги Рамазон ойида мактаб ўқувчиларини масжиддан ҳайдалаётгани, муслималарнинг рўмоллари ечтирилаётгани бу “ислоҳотлар” самимий бўлмаганини, балки халқни кўзини бўяш учун қилинган юзаки ишлар эканлигини кўрсатяпти. Демак, ҳукуматни диндорлар масаласида қисман ён беришига ўша пайтдаги “сиёсий ислоҳотлар” талаби мажбур қилган. Зотан, кофирга малай бўлган ҳукумат Ўзбекистондаги мусулмон халқни куфр қонунлари билан бошқара олиши учун ё халқ диндан чиқиши керак ёки динни ҳукумат сиёсатига мослаштириш керак бўлади. Мусулмонлар эътиқодидан воз кечмади, бироқ босқичма-босқич Исломдан совутадиган ва ҳукумат сиёсатига бирлаштирадиган диний таълимотлар таъсири остида қоляптики, бугунги сиёсий кўрлик ҳам шуларнинг натижасидир.
2020 йилнинг 7 декабрида АҚШ Давлат котиби Майк Помпео Ўзбекистонни диний эркинлик соҳасида “алоҳида назоратдаги” мамлакатлар рўйхатидан чиқарилганлиги тўғрисидаги қарорини эълон қилди. Орадан икки ой ўтмай Майк Помпео Ўзбекистонга келди. Мана шу ташрифдан кейин давлат томонидан “маърифий Ислом”ни тарғиб қилиш, диний (ғайриисломий) ташкилотларнинг фаолият олиб боришини енгиллаштириш каби масалаларга чуқур аҳамият қаратилди. Натижада «Махсус кузатувдаги давлатлар рўйхати»га ўтказилган Ўзбекистон мазкур рўйхатдан тўлиқ чиқарилди. Ҳукуматнинг “маърифий Ислом” таълимоти динни ибодат, Қуръонни тиловат, Шариатни никоҳ ва талоққа чеклаган ҳолда Ислом дини ҳақида ўзига хос тасаввурни беради. “Раҳбарларимиз ҳақида яхши гумонда бўлайлик, ҳозирги нотинч замонда давлатни бошқариш, тинчлик осойишталикни таъминлаш осон иш эмас”, “Шукр қилинг, Аллоҳ зиёда қилади”, “Аҳволни кўриб турибмиз, бизни қўлимиздан фақат дуо қилиш келади” деган захарловчи фикрлар “маърифий Ислом”нинг сиёсий фикрларидир. Мазкур таълимотдан таъсирланган ақлиялар учун Эрдўғон Ислом Умматининг етакчиси, Мирзиёев эса, Исломга мойил бўлаётган янги раҳбардир. Қуръонда келган очиқ оятга кўра, қараш ҳаром ҳисобланган ярим яланғоч аёлларнинг қўшиқ айтиб ўйинга тушаётганини томоша қилган Эрдўғоннинг яҳудий Каримов қабри ёнида Қуръон ўқигани, Мирзиёев эса, қабр зиёратининг одобига риоя қилмай, Қуръон тиловатидан заррача таъсирланмай, Эрдўғонга ялтоқлик қилиб кулиб ўтиргани уларни Исломдан фақат сиёсий мақсадда фойдаланишларини очиқ кўрсатди. Бундай ҳушомадгўйликка жавобан Эрдўғон ҳам сиёсат йўлида диндан фойдаланиб туришни Мирзиёевга маслаҳат бергани эҳтимолдан ҳоли эмас.
Агар воқега Ислом нуқтаи назаридан қаралса, Ражаб Тоййиб Эрдўғон ва Шавкат Мирзиёев ҳукуматлари “Ислом билан яшайлик” деганларни қамоққа олаётгани ва фоизли муомилани иқтисодининг ажралмас қисмига айлантиргани билан Аллоҳга қарши уруш эълон қилганлиги маълум бўлади. Бундан ташқари, дискотека-барлар, фоҳишахоналар, қиморхоналар ва шайтонни амали бўлган оғир гуноҳлар содир этиладиган жойларни кеча-ю кундуз ишлашига қонунчилик ва хавфсизлик кучлари билан дастаклаб турган бу “лидерлар” жаннатга эмас, жаҳаннамга етаклайдиган раҳбарлар эканлиги аён бўлади. Бу президентларнинг сиёсий танглик вазиятида диндан фойдаланиш ҳаракатлари қачонки оммада Ислом ҳақида тўғри тушунчалар шакллансагина тўхташи мумкин. Акс ҳолда ўзини мусулмонлардан қилиб кўрсатадиган кофир малайлари ифторларда қатнашиш ва бир-икки марта ҳайит намозини биринчи сафда ўқиш билан сарой уламолари тарафидан “улул амр” деб эълон қилиниши ҳам ҳеч гап эмас. Динимизга ҳар тарафдан уюштирилаётган бундай ҳужумлар вазиятида, онгли мусулмонлар Исломни қиёматгача сақлаши ва унга амал қилганларни ғолиб қилиши ҳақидаги Аллоҳнинг ҳақ ваъдасини унутмасликлари керак. Натижа ва ҳолатлар қандай бўлишидан қатъий назар, Росулуллоҳ ﷺ қўллаган фаолият усулига амал қилиб, мусулмонлар жамоаси билан биргаликда фаолият қилишлари ёки ўшандай жамоани дастаклашлари керак. Бундай жамоа мавжуд муҳитни ўзгартириш учун инсонларни Исломий фикрлар билан, жамиятни эса, сиёсий ишлар билан Аллоҳнинг динига даъват қилади. Чин мўминларнинг соф Исломга бу тарзда уюшиб даъват қилишлари Ислом фикрлари, туйғулари ва ҳукмларини жамиятда ҳукмрон қилади ҳамда оммада Исломнинг мукаммал тузум эканлиги ҳақида мустаҳкам тасаввурни пайдо қилади. Ана шунда мусулмонлар онгли равишда Исломга тўлиқ амал қилиш ҳаётнинг мазмуни эканлигини, усиз Уммат учун икки дунёда ҳам рўшнолик бўлмаслигини тушуниб етади. Аллоҳ Таоло айтади:
يَا أَيُّهَا الَّذِينَ آمَنُواْ ادْخُلُواْ فِي السِّلْمِ كَآفَّةً وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ
– “Эй иймон келтирганлар! Исломга тўлиғича киринг. Ва шайтоннинг изидан эргашманг. Албатта, у сизга очиқ душмандир”. (Бақара:208)
Ҳизб ут-Таҳрирнинг Ўзбекистондаги матбуот бўлими аъзоси Абдураҳмон
23.04.2022й
