Миср кризисдан қандай чиқа олади?!
بِسْمِ اللهِ الرَّحْمٰنِ الرَّحِيمِ
Миср кризисдан қандай чиқа олади?!
Ихвонул Муслимин ҳаракати ўзининг расмий сайтида 2019 йил 29 июнда нашр қилган баёнотида доктор Мурсий роҳимаҳуллоҳ вафотидан сўнгги қарашларини билдирди. Уларнинг ҳисоблашича, Мурсий демократик тажриба намунаси бўлиб, унинг ўлими кураш шакли ва табиатида янги манзара яратган, курашнинг бу табиати Мисрдаги қўзғолон кун тартибидаги ишларни қайта кўриб чиқиш вазифасини юклайди.
Таъкидлаш лозимки, Ҳизб ут-Таҳрир – Миср вилояти матбуот бўлими Ихвонул Муслимин ҳаракатининг айни баёнотига муносабат билдириб, уларнинг Мурсий вафоти ортидан билдирган фикрларини уч нуқтадан танқид қилди ҳамда уларга Аллоҳ Таолонинг ризоси учун холис насиҳат йўллади:
«Доктор Мурсий роҳимаҳуллоҳнинг ўлими Мисрдаги золим режим қўлида ўлган барча мазлумлар ўлимидан фарқ қилмайди. Бутун ҳаётни қамоқларда ўтказиш, қийноқларга гирифтор бўлиш ва дорларга осилиш, буларнинг барчаси режимнинг қатор жиноятлари рўйхатига қўшилиб бормоқда… Ундан айни жиноятлар учун на халқаро ташкилотлар ҳисоб талаб қиляпти ва на йирик давлатлар. Аксинча, уларнинг ҳаммаси Умматга қарши жиноятларда бир-бирига шерик бўлиб, ер юзидаги уларнинг барчаси бизнинг қотилларимиз, барчасининг қўли бизнинг қонимизга ботган… Уларга орқа қилаётганлар ва ёлғон баёнотларини тасдиқлаётганлар сиёсатни заррача билмайдиганлардир!».
Ҳизб баёнотида яна бундай дейилди:
«Сиз Ихвонул Муслимин аъзоларининг қарашларингиз қачонгача Ғарб қўйган икки вариант доирасига, ё ҳарбий ёки миллий фуқаролик давлати доирасига чекланиб қолаверади?! Ахир, иккиси ҳам куфр билан ҳукм юритади, фақат ҳукмдорлари соқолли ва ҳофизи Қуръон бўлишади, холос! Нега сизнинг альтернативингиз Ғарбнинг қўзғолонларни жиловлаш ва юртларимиздаги манфаатларини ҳимоя қилишга хизмат қилиш бўлиб қолаверади, масалан, Эрдоган шундай бўлиб қолаётгани каби?! Нега альтернативингиз Уммат манфаати ва унинг ақидасидан балқиб чиққан мабдаига хизмат қиладиган альтернатив бўлиш томон ўзгармайди?! Ғарб қўйнига ўзингизни отиб, унинг мафкурасини олаверасиз, шиор қилиб кўтариб чиқаётганингиз ва Умматга кўрсатаётганингиз Ислом мафкурасини нега етказмайсиз?! Ахир, шу Уммат сизни елкасида кўтариб, ҳокимиятга олиб келди, чунки у сизнинг эътиқодингизга ишонган, Ислом билан ҳукм юритади, деб йўлаган! Сиз ҳақиқатда ҳам шундай қилганингизда эди, ер юзидаги ҳеч бир давлат ҳам сиздан бу салтанатни тортиб ололмаган бўлар эди!».
Мисрни кризисдан қутқариш ҳақида эса, баёнотда бундай дейилди:
«Юрт бошдан кечираётган кризисдан қутулишга келсак, бунинг учун кучли мафкура ва онгли сиёсий етакчиликдан балқиб чиққан ҳақиқий лойиҳа керак. Бу етакчилик айни лойиҳани батафсил англаб етган бўлиши, уни қандай ҳокимиятга олиб чиқиб, қандай татбиқ қилиб, муаммоларни у асосида қандай амалий ва тўғри ечишни билиши лозим. Бунга ҳақиқатдан яроқли бирдан-бир лойиҳа эса, Ислом лойиҳаси, яъни Пайғамбарлик минҳожи асосидаги рошид Халифалик лойиҳасидир. Мана, ушбу лойиҳани Ҳизб ут-Таҳрир сизга ва Умматга бутун тафсилоти билан бермоқда… Ҳизб уни зудлик билан татбиқ қилишга қодир ва тайёр. Шундай экан, ё Ҳизб билан биргаликда фаолият қилинг ёки лойиҳани қўлингизга олиб, ундаги айтилганларни табанний қилинг ва Умматга – ҳокимиятга етишингиз биланоқ зудлик билан уни татбиқ қилишга мустаҳкам ваъда беринг. Чиндан ҳам юртимизни кризисдан чиқаришни истаётган кишилар учун мана шунинг ўзи кифоя, Ғарбни юртларимиздаги кризисидан қутқаришни истаётган кимсалар учун эмас».
Баёнот қуйидаги насиҳат билан сўзини тамомлади:
«Ўзгартиришнинг ягона тариқати мана шу, биз бутун Уммат фарзандлари, хусусан, Исломни шиор қилиб кўтараётганлар табанний қилмоғимиз керак бўлган лойиҳа ҳам шу. Сиз эса, ушбу лойиҳани қўлингизга олиб, унга ёрдам бериш учун лойиҳа атрофига инсонларни бирлаштиришга ҳаммадан кўра лойиқроқсиз. Зотан, инсонлар шу лойиҳа учун сизни елкаларида кўтарган эдилар. Шундай экан, уларни ёрдамсиз қолдирманг, Аллоҳ сиздан истаётгандек бўлинг, Ғарб сиздан истаётгандек бўлманг! Бизни ҳам, сизни ҳам Аллоҳ афв этсин, турли ёмон фитналардан асрасин. Бизнинг бу сўзларни эртага албатта эслайсиз, биз бу ишимизни Аллоҳга юклаймиз, У Ўз бандаларини кўриб тургувчидир.
﴿يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ﴾
«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилар экан, уни қабул қилинг» [Анфол 24]
Роя газетасининг 2019 йил 10 июл чоршанба кунги 242-сонидан
