Москвадаги автоҳалокатда ҳалок бўлган меҳнат муҳожирлари оила аъзолари ва яқинларига таъзия

بِسْمِ اللهِ الرَّحْمنِ الرَّحِيمِ

 “Озодлик” радиоси тарқатган хабарга кўра, 2017 йилнинг 1 февралида Янги Москва туманидаги Варшавский шоссесида содир бўлган аварияда 9 киши халок бўлди, 3 киши оғир жароҳатлар билан шифохонага ётқизилди.

Мазкур ҳодиса юзасидан жиноий иш очилди. Терговчилар дастлабки тахминларига кўра, соат 15:30 ларда Қирғизистон давлат рақамларига эга Toyota автомобили йўлнинг қарама-қарши томонига чиқиб, келаётган УАЗ микроавтобуси билан юзма-юз тўқнашиб кетган. Полиция расмий хабарига кўра, ҳодиса жойига иккита вертолёт чақиртирилган.

Озодлик ўз манбаларидан ҳодисада 3 ўзбекистонлик меҳнат муҳожири нобуд бўлгани, яна иккиси реанимацияда эканини аниқлади.

Ўлганлар орасида:

1. Акбаров Шавкатжон, 1995 й.т., Ўзбекистон.

2. Сагизов Бахтиёр, 1987 й.т., Тожикистон.

3. Қўзиев Абдуазиз, 1984 й.т., Ўзбекистон.

4. Ҳайтматов Жамшид, 1997 й.т., Ўзбекистон.

5. Сергеев Борис, 1956 й.т., Россия Федерацияси, Чувашия.

Турли жароҳатлар билан шифохонага ётқизилганлар:

1. Маҳамадиев Сарвар, 1986 й.т., Ўзбекистон.

2. Қиличбек Уулу, 1994 й.т., Қирғизистон.

3. Алимқулов Йўлдош, 1988 й.т., Ўзбекистон.

 Шу ўринда биз Ҳизб ут – Таҳрирнинг Ўзбекистондаги медиа офиси ходимлари ўзимиз ва жамоамиз номидан мусофирликда вафот топган муҳожирларнинг оила аъзолари ва яқинларига таъзия изҳор қиламиз, шифохонага ётқизилганларга эса, Аллоҳ шифо беришини сўраб қоламиз.

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ

 “Бирор мусибат келганда: “Албатта биз Аллоҳнинг (бандаларимиз) ва албатта биз у зотга қайтгувчилармиз”, дейдиган сабрлиларга ҳушхабар беринг”. (Бақара. 156)

Ҳизб ут-Таҳрирнинг Ўзбекистондаги медиа офиси. Муслим

05.02.2017й.