بِسْمِ اللَّـهِ الرَّحْمَـٰنِ الرَّحِيمِ

Муборак қурбон ҳайити табриги

Биз Ҳизб ут-Таҳрир-Судан вилояти аъзолари сизни ва бутун Ислом Умматини муборак қурбон ҳайити билан қутлаётганимиздан беҳад мамнунмиз. Буюк Аллоҳдан барчамизнинг тоат-ибодатларимизни, солиҳ амалларимизни қабул айлашини ҳамда келаси йилги ҳайитни бутун Уммат Уқоб байроғи бўлмиш ла илаҳа иллаллоҳу Муҳаммадур Росулуллоҳ роялари остида бирлашган ҳолда тутишимизга насиб-рўзи айлашини сўраймиз.

Шубҳасиз, ҳайит хурсандчилик ва сурур бағишлайди. Бироқ жароҳатлардан ҳолдан тойиб турган бир Умматга хурсандчилик қандай татисин?! Ахир, мустамлакачи кофир Ғарб Шарқу Ғарбдаги мусулмонларни қатли ом қилиб, юртларини вайрон қилмоқда, Сурия, Ироқ, Яман, Ливия, Судан мусулмонлар қонини дарё қилиб оқизмоқда, бошқа исломий юртларда золим ҳукмдорлар орқали зулм қилмоқда. Бу ҳукмдорлар АҚШнинг Исломга қарши урушига бўйсунган ҳолда, мўмин борасида на аҳдга, на бурчга боқиб, Аллоҳ ва Росулига уруш қилишмоқда, Ислом даъватини етказганки ҳар бир мусулмонни тазйиқ остига олишмоқда. Улар Мисрда масжидларни ёпишди, Ислом овози ҳеч бир жойга етиб бормасин учун ҳамма минбарлардаги жума хутбасини бир хил қилишди.

Бизнинг Суданимизни кўринг. Бу ерда ҳам айнан АҚШ режаси бўйича қадам ташланяпти. Яъни «миллий диалог», деган ёлғон номлар билан америкача диалог орқали юртни бўлиб ташлаш, Ислом ва аҳкомларини ҳаётдан узоқлаштиришга ҳаракат қилиняпти. Кўчалар, йўллар, жамоат жойларида Исломга даъват қилишни тақиқлаш билан шу лойиҳа заҳарлари сачрай бошлади, қачон бу лойиҳа тасдиқланса, масжидларга кўчишади, ла ҳавла ва ла қуввата илла биллаҳ!

Эй азиз Ислом Уммати!

Шундай зараркунанда давлатлар остида хору зор бўлиб яшаганингиздан сўнг хорлик чанг-ғуборларини устингиздан қоқиб ташлаш вақти келмадими?! Сиз ҳам Ислом ва унинг аҳли қудратга тўлувчи, куфр ва унинг тўдаси эса хор бўлувчи Пайғамбарлик минҳожи асосидаги рошид Халифалик замонини қайта барпо этишга ҳаракат қилаётганларга қўшилишингиз вақти етмадими?!

  لِمِثْلِ هَـٰذَا فَلْيَعْمَلِ الْعَامِلُونَ

«Бас, амал қилгувчилар мана шундай (мангу бахт саодат) учун амал қилсинлар!» [Соффат 61]

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">spokman_sd@dbzmail.com