Ҳа, эй муфтий, Дин Раббоний уламолардан олинади!
بسم الله الرحمن الرحيم
Хабар ва изоҳ
Ҳа, эй муфтий, Дин Раббоний уламолардан олинади!
Хабар: KUN.UZ 25 ноябр 2022 йилда “Динингизни кимдан олаётганингизга қаранг” деган сарлавҳа остида қуйидаги хабарни тарқатди: Ўзбекистон мусулмонлари идораси раиси, муфтий Нуриддин Холиқназаров мусулмонларга мурожаат қилиб, интернет ва ижтимоий тармоқлардан тўғри фойдаланиш, вақтни беҳуда сарфламасликка чақирди.
Муфтий ўз мурожаатида жумладан бундай деди: “Ҳозирда ижтимоий тармоқларда турли шахслар диний мазмундаги дарслар, савол-жавоблар қилиш орқали жамиятимизда турли ақидавий ва фиқҳий ихтилофлар келиб чиқишига сабаб бўлишмоқда. Уларнинг асли ким, илмий салоҳияти, мазҳаби ва ақидаси қандай экани кўпчилик ёшларимизга маълум эмас! Бу каби ҳолатлар фақат бизнинг замонда бўлаётгани йўқ …”
Муфтий ўз сўзини Муҳаммад ибн Сирин роҳимаҳуллоҳнинг: “Шаръий илм бу – дин демакдир! Уни кимдан олаётганингизга эътибор беринг!” деган сўзлари ва Имом Молик роҳимаҳуллоҳнинг: “Ушбу илм – диндир. Динингизни кимдан олаётганингизга қаранг!… ” деган сўзлари билан қувватлар экан: “Интернет ва ижтимоий тармоқлар орқали диндан, шариатдан гапираётган, лекин аслида кимлиги номаълум, келиб чиқиши ҳам номаълум кимсалардан дин олинмайди, уларга қулоқ солинмайди…” деди.
Изоҳ: Маълумки, ҳозирда мусулмонларнинг, айниқса ёшларнинг Ислом асосида уйғонишга интилишлари тобора кучайиб бормоқда. Улар ўз ҳаётий муаммолари ечимлари Исломда эканини тушуниб етмоқдалар. Аҳлини асло алдамайдиган Ҳизб ут-Таҳрир бу борада кунни тунга улаб фаолият олиб бормоқда. Бундан эса Америка бошчилигидаги мустамлакачи кофир ғарбнинг, мустамлакачи Россиянинг ва бошқа мустамлакачиларнинг, уларга малай тоғут ҳукуматларнинг албатта ташвишга тушиши табиий. Бу ҳукуматлар ўз расмий уламоларига ҳақ даъват йўлига тўсиқ қўйишни, ҳақ даъватни етказаётган кишиларни қора бўёқларда, хунук кўрсатишни буюрмоқда. Ўзбекистон ҳукумати ҳам бундан мустасно эмас. Зеро, бу ҳукумат ҳам мусулмонларнинг Ислом асосида ҳаёт кечиришларига йўл қўймаслик сиёсатини юргизмоқда. Ўзбекистон муфтийсининг бу мурожаатига шу сиёсат доирасидаги иш, деб баҳо бермоқ лозим.
Муфтийнинг бу мурожаатида асосан Ҳизб ут-Таҳрир нишонга олингани аниқ, гарчи бошқа даъват сайтлари ҳам кўзда тутилган бўлса ҳам. Чунки фақат Ҳизб ут-Таҳрир Исломнинг мабдаъ ва ҳаёт низоми эканини Аллоҳ ёрдами ила Умматга уқтириб, уни шу мабда асосида уйғота олди. Бундан ташвишга тушган тоғут ҳукуматлар, жумладан Ўзбекистон ҳукумати ҳам Ҳизб фаолиятига чек қўйиш учун қамоқ, қатл, қўрқитиш, алдаш … услублари билан бир қаторда расмий уламоларини ҳам ишга солди ва ҳамон ишга солиб келмоқда.
Биз Ўзбекистон муфтисига шундай деймиз: Ҳа, тўғри, дин Раббоний уламолардан олинади! Дин – золим тоғутларнинг зулмига сабр қилишга, нафақат сабр қилишга, балки шукр қилишга чақирадиган сарой уламоларидан олинмайди! Дин – ўз юртида газ, нефт, кўмир каби бойликлари бўла туриб, қаҳратон қиш совуғида музлаб, азият чекаётган халқни сабрга, балки шукрга чақирадиган сарой уламоларидан олинмайди! Дин – мустамлакачи кофирларга садоқат билан хизмат қилаётган ҳукуматнинг ҳар қандай сиёсатига ва зулмига “адолат тўни”ни кийдириб кўрсатадиган сарой уламоларидан олинмайди! Дин – золимга тик боқиб, золимлигини айтаётган ҳақ даъватчиларини хунук кўрсатишга уринаётган сарой уламоларидан олинмайди! Бир сўз билан айтганда дин – сарой муллаларидан олинмайди!
Дин – Изз ибн Абдус Салом, имом Абу Ҳанифа, Аҳмад ибн Ҳанбал, Абдуллоҳ ибн Муборак, имом Мовардий, Саййид Қутб, Абдул Ҳамид Кишк, Тақиюддин Набаҳоний, Абдул Қадим Заллум, Ато ибн Халил Абу Рашта, андижонлик шаҳид аллома Роҳматуллоҳ каби Раббоний уламолардан олинади!!
Уламолар султони Изз ибн Абдус Салом: “кимки рибо кенг тарқалган бир қишлоққа тушиб, у ерда зино ҳақида хутба қилса, Аллоҳ ва Росулига хиёнат қилибди” деган эди!
Ҳозирда Ўзбекистондаги сарой уламолари ҳам халқни аллалаб, яна ухлатиш пайида. Бунга биргина мисол. Бугун Ўзбекистонга деярли қўшни Шарқий Туркистонда уйғур мусулмонлар мушрик мустамлакачи хитой ҳукумати зулми остида азоб чекмоқдалар. Хитой ҳукуматининг Ўзбекистонни қарз сиртмоғига солганига ҳам анча бўлди. Ўзбекистоннинг биргина Хитойдан қарзи 4 млрд. доллардан ошиб кетди. Лекин Ўзбекистондаги сарой уламолари, жумладан муфтий ҳам бу тўғрида чурқ этмайди. Аксинча улар мусулмонларни диний бағиркенглик, динлараро диалог, демократия каби ботил тушунчалар билан адаштириш, чалғитиш билан оввора.
Тўғри, ҳаёти, оиласи, фарзандлари, мол-мулки таҳлика остида қолишидан қўрқиб, ҳақни айтолмай виждони қийналаётган уламолар ҳам йўқ эмас. Биз ўзимизга тилагандек, Аллоҳдан уларга ҳам кучли иймон, ҳақни етказувчи тил ва тавфиқ тилаб қоламиз.
Муфтий бошчилигида расмий уламолар Ҳизб ут-Таҳрир етаклаётган ҳақ карвони йўлига тўсиқ қўйишга қанчалар уринишмасин, бунга асло муваффақ бўла олишмайди. Зеро, уларнинг бу уриниши ойни этак билан ёпишга уринишга ўхшайди. Ҳақ карвони мустамлакачи кофирлар, уларга малай ҳокимлар ва сарой уламолари хоҳламаса-да, манзилга Аллоҳ ёрдами ила албатта етиб боради. Ўша кунда башарият капитализмнинг бу зулматларидан Ислом Нурига албатта чиқажак. Эртанги кун эса уни кутувчи учун яқиндир!
ويومئذ يفرح المؤمنون بنصر الله ينصر من يشاء وهو العزيز الرحيم
“Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хохлаган кишини ғолиб қилур. У қудрат ва раҳм-шафқат Эгасидир” (Рум: 5).
Ҳизб ут-Таҳрир марказий медиа офиси радиоси учун Ислом Абу Халил — Ўзбекистон
