بسم الله الرحمن الرحيم

Мусулмонлар фикрлаш борасида қолоқлашиб кетишганига асосий сабаб…

Мусулмонларнинг яшаш тарзларига эътибор берар эканмиз, оддий хаётларида юз берадиган ходисаларга фикр билдиришлари юзасидан ортда қолиб кетганликларига гувоҳ бўламиз. Умматнинг фикрлари саёзлашиб кетди, бирор фикр борасида тушуниш даражаси пасайди, хаёт хақидаги тасаввурлари хиралашди. Хатто шу даражага бориб етдики, ўзларининг луғатидаги баъзи сўзларнинг маъноларини англай олмайдиган, кимнингдир тушунтириб беришига мухтож бўладиган холатга келди. Албатта бу фикрларимиз айблов учун эмас, балки асл воқеликдан воқиф қилиш мақсадида билдирилмоқда.

Мусулмонларни фикрлаш, идрок қилиш борасида дангаса бўлиб кетишлари кофирларнинг манфаатига хизмат қилди. Мусулмонларнинг зехнлари (тушуниш даражаси, хотирада сақлай олиш қобилияти) хаётдаги бирламчи нарсалардан бошқа нарсаларга бурилиб кетди. Мисол қорин тўйдириш ташвиши, оилавий муаммолар, яна енгил елпи фикрларни кўтариб чиқадиган кинолар, қўшиқлар ёки артистлар, актёрлар хаётига хавас шунга ўхшаш нарсалар билан чалғиб асосий бўлган дунё хаёти, яшаш тарзи ва хатто хаётдаги амаллар ўлчовини унуттиришди.

Бу холатларда мусулмонларнинг ўзлари ҳам бепарволик қилишди, чунки улар ўзларининг Ислом ақидалари бўйича яшаш, ҳаракат қилиш кераклигини тўғри тасаввур қила олмай қолишди, яъни тушуна олмай қолишди. Бунинг натижасида мусулмонлар хаётда асосий нарсалар тўғрисида саёз фикрлайдиган бўлишиб, яшаш тарзларидаги асосий фикрлар улар учун мураккаб ва хатто керак бўлмаган фикрлардек туюлиб қолди. Фикрлашга ҳаракат қилганларида ҳам у фикрлар мужмалдек кўринди, чунки аниқ тасаввур қила олишмади. Бора – бора мусулмонлар оддий нарсалар устида фикрлашдан ҳам ожиз бўлиб қолишди, бу уларнинг фикрлаш бобида тубанликка юз тутганларидан дарак эди.

Бугунги кунда ҳам биз ана шу мураккабдек туюлган фикрларни тушунишда қийналябмиз ва натижада хаётдаги муаммолар борасида фикр юритиш биз учун мумкин бўлмаган холатдек туюлиб қолди. Аслида эса Ислом гуллаган даврларда ал Хоразмий, ал Фаробий, ибн Сино, Беруний, ал Фарғоний каби бутун дунёда кўзга кўринган мутафаккирлар, олимлар чиққан эди ва хатто улар қилган илмий ишлари, ҳамда тажрибаларига таяниб билдирган фикрлари бугунги кунда ҳам бутун Ғарбнинг илмий тараққиётида асос бўлиб келмоқда.

Мусулмонлар хаёт тарзларидаги фикрларга пойдевор бўлган ўз асосларидан адаштилар, чалғидилар. Бу асос бўйича яшаган халқлар азиз бўлишиб, юксалиб кетаверишганини кўрган ва бу нарсаларни англаб етган кофирлар – агар мусулмонлар ана шу Исломий асослари билан яшар эканлар уларни хеч ким ортда қолдира олмайди ва енгиб бўлмайди – деган хулосага келишди. Шунинг учун мусулмонларни улар Исломий асосга таяниб фикрлашдан буришга ҳаракатни кучайтиришди. Мана бугун ўша асосдан бурилиб адашиб кетган мусулмонлар аслида қолоқ ва нотўғри асосга эга бўлган кофирлардан ортда қолиб уларга мустамлака бўлиб яшашмоқда. Уларнинг давлатлари ҳам кофирларнинг қўлига қараб турадиган бирор нарса ташлармикан ташласа мен оламан деб яшайдиган давлатчаларга бўлиниб хор бўлиб яшашмоқда. Хатто ўша кофир ташлаган нарсани бугунги мусулмон давлатлар бир бири билан талашиб урушишга ҳам тайёр. Аслида эса кофирга худди мана шу керак эди. 

Аллоҳга хамдлар бўлсинки буларни англаган мусулмонлар бугун ўзларининг Исломий давлатини тиклашга ҳаракат қилишмоқда, Аллоҳга чин муҳаббатли Пайғамбаримиз С.А.В ни севиб эргашадиганлар, Умматга ачиниб молу жонидан воз кечиб хар қандай синовлар, мусибатларга бардош бериб фаолият олиб бормоқдалар. Албатта бу ҳаракатларнинг натижаси кўринишни бошлади ва хатто бу Уммат ин ша Аллоҳ, тез кунда бутун дунёга таъсир этадиган улкан натижага эришиш арафасида турибди. Бугунги кунда кофирларнинг чалғитувчи фикрларига алданган баъзи мусулмонлар бизларнинг юқоридаги фикрларимизга қўшилмаслар, лекин кутилаётган “Улкан натижага” эришилганидан сўнг қуёшнинг нури сингари адолат ва хақиқат хар тарафга ёйилганида бизнинг фикрлар тўғри эканлигини англаб етадилар ва иқрор бўладилар, ин ша Аллоҳ.

Ҳизб ут-Таҳрирнинг Ўзбекистондаги медиа офиси Абдуллоҳ

05.08.2015й.

0

0