Мусулмонлар Рамазон ойини яна аввалгидек нусрат ва фатҳлар ойига айлантиришлари лозим 

بِسْمِ اللهِ الرَّحْمٰنِ الرَّحِيم

Ислом тарихида мусулмонлар Рамазон ойини бошқа ойлардан кўра қадрлироқ ва муҳимроқ ой сифатида қабул қилганлар. Чунки ушбу ойда қилинган ҳар бир яхши амал учун Аллоҳ Таоло бошқа вақтдагидан кўра бир неча баробар кўпроқ ажру савоб беришни ваъда қилган. Мана шу фурсатни қўлдан бор бермаслик мақсадида мусулмонлар ибодат ва эҳсонни кўпайтирганлар, яхши амал қилиш имкониятини қўлдан бой бермасликка ҳаракат қилганлар. Лекин фақат шулар билангина чекланмаганлар. Чунки улар Рамазон ойини фақат ифторликлару таровеҳдан иборат, деб тушунмаганлар. Балки бошқа халқларга Ислом даъватини етказиш учун бел боғлаб, Халифалик байроғи остида кўплаб ҳарбий юришларни амалга оширганлар, кўплаб халқларни уларнинг устида турган золим ҳукмдорлар қўлидан озод қилиб, уларга Исломни татбиқ қилганлар. У халқлар ҳам Исломнинг ҳақ ва адолат дини эканини кўриб, тўп-тўп бўлиб кириб келганлар. Тарихда Рамазон ойида Аллоҳ Таоло тарафидан тортиқ қилинган ана шундай фатҳлар билан сиз азизларни таништиришда давом этамиз.

Рамазоннинг 12-кунида қуйидаги муҳим воқеалар содир бўлган:

Ҳижрий 13 йил – Бувайбадаги жанг. Халифалик қўшини форсларнинг кўп сонли қўшинини мағлубиятга учратиб, Форс империясини тугатишга эришдилар;

Ҳижрий 666 йил – Зохир Бейбарс етакчилигидаги мусулмонлар қўшини Антакяни салибчилардан тўла озод қилди.

Рамазоннинг 13-куни:

Ҳижрий 15 йил – Исломий қўшиннинг Шом диёри учун бўлган шафқатсиз жангларидан сўнг Умар ибн Хаттоб Шомга Қуддуси Шариф калитини ўша вақтдаги Қуддус патриархи Сафронийдан шахсан қабул қилиб олиш учун келади. Натижада “Умар келишуви” номи билан машҳур бўлган хавфсизлик шартномаси тузилади.

Рамазоннинг 14-куни:

Ҳижрий 264 йил – мусулмонлар Сицилиядаги Сиракузи шаҳрини фатҳ қилдилар.

Рамазоннинг 15-куни:

Ҳижрий 584 йил – тамплиерлар Цфат қалъасини Салоҳиддин Айюбийга топширдилар;

Ҳижрий 1224 йил – Татарицада Усмонийлар русларни мағлубиятга учратдилар.

Рамазоннинг 16-куни:

Ҳижрий 409 йил – Кашмир амир Маҳмуд Ғазнавийга (Ҳиндистон субконтинентининг шимолий қисми фотиҳи) ҳеч қандай қаршиликсиз таслим бўлади. Кашмир ҳукмдори ва аҳолиси Исломни қабул қилади ва улар биргаликда Рамазоннинг қолган кунларини рўза тутиб ўтказадилар.

Рамазоннинг 17-куни:

Ҳижрий 2 йил – Исломдаги биринчи жанг ва мусулмонлар эришган биринчи ғалаба бўлган буюк Бадр жанги бўлди;

Ҳижрий 223 йил – Аморий учун жангда халифа Мўътасим бошчилигидаги қўшин Византия империяси устидан ғалаба қозонди.

Рамазоннинг 18-куни:

Ҳижрий 1210 йил – АҚШ Усмоний Халифаликдан Атлантика океани ва Ўртаер денгизидан сузиб ўтиш учун шартнома тузишни илтимос қилади. Бунинг учун у Усмоний Халифаликка йилига 12000 усмоний олтин лираси миқдорида солиқ тўлашга рози бўлади.

Рамазоннинг 19-куни:

Ҳижрий 92 йил – Пиреней яриморолини фатҳ қилишнинг дастлабки босқичида Ториқ ибн Зиёд (Гибралтар бўғози аслида унинг номидан олинган, яъни Жабал ат-Ториқ) Испаниянинг шимолини забт этади.

Ҳизб ут-Таҳрирнинг Ўзбекистондаги матбуот бўлими аъзоси Фаррух

08.05.2021й