بِسْمِ اللهِ الرَّحْمنِ الرَّحِيمِ

Мусулмонлар ўлдирилса, уларга йиғловчилар топилмайди!!

2015 йил 10 феврал сешанба куни оқшомда Американинг Шимолий Каролина штати Чапел-Хилл шаҳрида террорист жиноятчи бир мусулмон ва икки муслимани бошидан отиб ўлдирди. Баъзилар бу ҳодисани – машиналар қўйиладиган жойни талашиб, одамлар ўртасида учраб турадиган оддий келишмовчилик сабабли келиб чиққан, дея баҳолаш билан аҳамиятсиз қилиб кўрсатишга уринишди. Бироқ бу найранг ҳеч кимга ўтмади. Чунки марҳума қизларнинг отаси «қотил биздан нафратланарди, қиёфамизни ёқтирмасди», деган гапни айтди ва буни қизларидан бири ҳам таъкидлади. Наҳотки, инсон машиналар қўйиладиган жойни талашиб чиққан келишмовчилик сабабли бир киши билан икки аёлни уйига кириб отиб чиқиши мумкин бўлса, ахир!!

Бу ҳодиса қуйидагиларни таъкидлаб турибди:

1 – Ғарб ҳукуматлари мусулмонлар қонига парво қилмайдиган позицияни эгаллашган. Масалан, Оқ уй маъмурияти матбуот воизи айни ишни шаҳар полициясига топшириб қўйди. Мабодо қотил мусулмон бўлганидами, Федерал қидирув кучлари айни иш устида обдан тергов олиб бориш ва кўплаб тил бириктирувчиларни фош этиш учун дарҳол учиб келишган бўларди. Бирор мусулмон ғайримусулмонни ўлдириб қўйса, дунёни остин-устин қилаётган Европа ҳукуматлари қаерда қолди?!!!

2 – Ғарб ахборот воситалари масалага иккиюзламачилик билан ёндашади. Чунки қачон иш мусулмоннинг қарши чиқиши ёки жинояти билан боғлиқ бўлса, улар ҳамма ёққа жар солиб, бутун дунё ахборот воситаларини терроризм, экстремизм, мусулмонлардаги қотилликка мойиллик, каби сўзларни айтишга ундашади. Бугун ғайримусулмон кимса террористик амалиёт содир этганда эса унга одамлар ўртасида учраб турадиган оддий келишмовчилик, дея тус беришяпти.

3 – Кеча Франциядаги намойишларда қатнашган исломий юртлар ҳукмдорлари қаерда қолишди? Нега улар мусулмонларга ёрдам беришга келишмаяпти, ҳеч бўлмаса, бундай қотилликка нисбатан бирорта норозилик намойиши ё юриши бўлса ҳам уюштиришмаяпти? Ёки улар учун Росулуллоҳ САВни таҳқирлаган матбуотчилар қони азизроқми!!!

4 – Бу ҳодиса шуни яна бир бор исботладики, Ислом Уммати кенг қамровли, ягона, ўзаро якдил уммат бўлиб, Ғарбда яшаётган мусулмонлар шу Умматнинг бир қисмидирлар. Зеро, ушбу қурбон бўлганлар Фаластин ва Суриядаги ўз мусулмон биродарлари аламини ҳис этган мусулмон бўлганлари каби, бутун дунё мусулмонлари ҳам уларнинг ҳалокатини ҳис этдилар ва ўз хафаликларини, қайғуларини ифодаладилар.

5 – Ушбу ҳодиса ҳам ҳамда мусулмонлар, уларнинг масжидлари ва мулкларига бўлган бошқа ҳужумлар ҳам мусулмонлар қаддини букмаслиги ёки уларда қўрқув пайдо қилмаслиги керак. Аксинча, бунга ўхшаш адоватлар мусулмонларни барча исломий аҳкомларни янада маҳкам ушлашга ундамоғи, Ислом анъаналари ёки аҳкомларининг заррачасидан бўлса ҳам воз кечишга олиб бормаслиги лозим. Биз Ғарбдаги даъватчи мусулмонлар инсонларни бу дунё торлигидан дунё ва охират кенглигига олиб чиқиш учун бутун олам мусулмонлари билан бирга ҳаракат қилмоқдамиз, бошимизга Аллоҳ пешонамизга ёзиб қўйган ишдан ўзга иш ҳаргиз тушмайди, У бизнинг нақадар яхши дўстимиз ва нақадар яхши суянилувчимиз, деб ишонамиз.

قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ

«Айтинг: «Бизга фақат Аллоҳ биз учун ёзиб қўйган нарсагина етади, У бизнинг ҳожамиздир, бас, мўминлар фақат Аллоҳгагина суянсинлар!»  [Тавба 51]

Ҳизб ут-Таҳрир                                                         24 робиус-соний 1436ҳ

Америка                                                                      13 феврал 2015м