بِسْمِ اللهِ الرَّحْمٰنِ الرَّحِيم

Матбуот баёноти

Мусулмонларни исломий ўзлигидан воз кечишга ундаш уриниши

2017 йил 25 июл куни ахборот воситаларига кўра, Лулео шаҳридаги бошланғич бир ўқитувчиси маҳаллий жамиятни масжид қурилишига қарши тарғиб қилиб, Муҳаммад пайғамбарни шаҳватпараст педофил, деб атади ҳамда Исломни хотин-қизларга зулм қилганликда айблади. Хабарда айтилишича, у шундай сўзларни айтганига қарамай, ўзининг ўқитувчилик хизматини сақлаб қолган. Чунки сўз эркинлиги ҳуқуқи мактаб директорига айни ўқитувчини ўз нуқтаи назари сабабли ишдан олишига йўл бермаган.

Жорий йил 11 август жума куни бир нечта ахборот воситаларида бир неча муқобил ўқитувчилар ўз вазифасидан маҳрум бўлгани, бунга уларнинг «экстремизмга алоқадорликда гумон қилингани» сабаб бўлгани тўғрисида хабар тарқатилди… Аслида, бу ғоят заиф сабаб ҳисобланади. Чунки мулозимларни фақат шубҳа асосида вазифасидан четлатиш, ҳукумат мафкурасига зид фикрловчи шахсларга нисбатан қасддан мунтазам равишда салбий  туйғуда муомала қилинаётганини англатади. Бундай муомала эса, ўз навбатида, жамиятда таранглик ва бўлинишни келтириб чиқаради. Афтидан, ҳукуматдагилар ҳаммани ўз назоратида ушлаб туриш учун қасддан шундай қилишяпти.

Шундай қилиб жодугар овчилари мусулмонларни Ислом дунёқарашидан узоқлаштириш, ўзлигини ўчириш мақсадида уларни қувғин остига олишда давом этишмоқда. «Экстремизм» истилоҳи, айрим фикрларга қора чоплаб, уларни хавфли қилиб тасвирлаш ва улардан халқни чўчитувчи қурол сифатида фойдаланиш мақсадида фойланилаётган қатор истелоҳлар ичида энг янгиси. Бугун ғарблик сиёсатчилар демократик фикрлардан бошқа ҳар қандай фикрни «экстремизм» номи билан атайдиган, ўз илмоний фикрларини шу орқали ҳимоя қилиб, ҳукмронликларини сақлаб турадиган бўлиб қолишган. Ҳолбуки, зоҳирда ўзларини маданий турфахиллик, фикр эркинлиги ҳомийлари, деб тинмай даъво қилиб келишади. Аслида эса ундай эмас. «Экстремизм» истилоҳи сиёсатчиларнинг мантиқсиз қуроли бўлиб, ундан истаган вақтларида ўз манфаатлари йўлида фойдаланишади.

Албатта, бу билан мусулмон олдига танлов қўйишяпти: ё Швециядаги оддий «ватандош» бўлиб, иш билан таъминланади ёки бундан бош тортиб, уни Исломнинг айрим қисмларидан маҳрум этишса ҳам, ўзининг исломий ўзлигини ҳимоя қилади… Аммо биз бу ғарблик сиёсатчиларга, иш берувчиларга ва уларнинг ахборот воситаларига айтиб қўяйлик, мусулмонлар нимани танлашлиги аниқ: улар Исломни маҳкам ушлайдилар ва тоабад шундай бўлиб қоладилар.

Тўғри, бу ердаги мусулмонлар ўз ҳиссаларини қўшиш билан жамиятнинг бир фаоли бўлишга уринмоқдалар… Бироқ сўнгги пайтларда бизнесменлар, иш берувчилар, сиёсатчилар, ахборот ходимлари ва Европа адлия суди, ўзларининг шундай чора-тадбирлари орқали ҳижоб кийган муслима аёлларни ва ўз исломий қадриятларини тарк этишни истамайдиган бошқа мусулмонларни жамиятдан чеккалашни, изоляция қилишни исташмоқда.

Бу Исломдан нафратланишдир. Бундай туйғу Ғарб маданиятини қабул қилган ва уни кечаю кундуз куйлаётган кишиларнинг ўзлари фикрий курашдан ожиз ва фикрга муҳтож эканликларидан, бу билан Исломга қарши келтирадиган ҳужжат-далиллари тугаб-тамом бўлганидан дарак беради. Шунинг учун биз Ҳизб ут-Таҳрир аъзолари Ислом борасида чинакам баҳс-мунозара қилишга, бу каби чора-тадбирлар ортига яшириниб олмасликка даъват қиламиз. Чунки бундай чора-тадбир, очиқ фикрлиликка чақираётган ва йўналишлари, фикрлари ва эътиқодларидан қатъий назар ҳаммани тенг кўрамиз, деяётган бир жамият вакилларига мутлақо ярашмайди.

Ҳизб ут-Таҳрирнинг

Скандинавиядаги матбуот бўлими