بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Султон Аврангзеб Оламгирни эсланг ва роҳинга мусулмонларини озод этиш учун қуролли кучларни сафарбар этинг

Мьянмага қирувчи учоқлар сотиш хоинликдир

«IHS» номли ҳафталик ҳарбий журналнинг 2017 йил 1 феврал пайшанба кунги сонида Мьянма Покистон ҳукумати билан «JF-17» русумли қирувчи учоқларни сотиб олиш ва уларни маҳаллий ишлаб чиқариш ҳуқуқини қўлга киритиш бўйича музокара олиб бормоқда. Ҳисоботга кўра, йил ниҳоясига бориб, мазкур русумдаги 16та учоқ Мьянма ҳаво кучлари (МАҒ)нинг ихтиёрига ўтади. Покистон маҳаллий ахборот воситаларида айтилишича, маълумот олиш учун боғланилган пайтда, Покистон мудофаа ва ташқи ишлар вазирлигининг бирортаси ҳам хабарни изоҳлашни истамаган.

Савол туғилади: Бир неча йиллардан бери Мьянмада роҳинга мусулмонлари репрессия қилинаётган бўлсалар-у, қандай қилиб мусулмон инсон шу даражада разилликка қўл уриб, уларга ёрдам бермаслиги мумкин?! Ахир, Покистон ҳукмдорларининг вазифаси роҳинга мусулмонларини уларга қарши ваҳшиёна суратда олиб борилаётган репрессиядан озод қилиш учун ўз қуролли кучларини сафарбар қилишдан иборат эмасми?! Аллоҳ Субҳанаҳу ва Таоло

وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ

«Агар улар дин йўлида сиздан нусрат-ёрдам сўрасалар, нусрат-ёрдам бериш зиммангиздадир»

                                                                                                      [Анфол 72]

деганку?! Наҳотки, бу ҳукмдорлар мазлумларга ёрдам бериш учун жиҳод қилиш фарз эканини бутунлай унутган бўлсалар?! Аллоҳ Субҳанаҳу ва Таоло бундай деди:

وَمَا لَكُمْ لَا تُقَاتِلُونَ فِي سَبِيلِ اللَّـهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَـٰذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا

«(Эй мўминлар), сизларга нима бўлдики, Аллоҳ йўлида ва «Роббимиз, бизни эгалари золим бўлган бу шаҳардан озод қил ва бизга ўз ҳузурингдан бир дўст бергин, бизга ўз ҳузурингдан бир нусрат-ёрдам берувчи қилгин», деяётган эркаклар, аёллар ҳамда болалардан иборат бўлган бечоралар(ни озод қилиш) йўлида жанг қилмаяпсизлар?!»                                                         [Нисо 75]

Наҳотки, бу ҳукмдорлар Росулуллоҳ САВнинг

«اَلْمُسْلِمُ أَخُو اَلْمُسْلِمِ، لَا يَظْلِمُهُ، وَلَا يَخْذُلُهُ»

«Мусулмон мусулмоннинг биродаридир, унга зулм қилмайди ва уни ёрдамсиз қолдирмайди» (Муслим ривояти), дея мусулмонлардан воз кечишдан огоҳлантирганларини унутган бўлсалар?!

Наҳотки, бу ҳукмдорлар Росулуллоҳ САВнинг

«وَإِنَّ سِلْمَ الْمُؤْمِنِينَ وَاحِدَةٌ لاَ يُسَالَمُ مُؤْمِنٌ دُونَ مُؤْمِنٍ فِي قِتَالٍ فِي سَبِيلِ اللّهِ»

«Мўминлар тинчлиги биттадир. Аллоҳ йўлидаги жангда битта мўмин бошқа мўминларсиз тинч бўлмайди», дея мусулмонларнинг уруши ҳам, тинчлиги ҳам битта экани ҳақидаги хабарларини унутган бўлсалар?!

Агар биз куфр билан ҳукм юритаётган ҳукмдорларнинг шундай разил позициялари ўртасини Ислом билан ҳукм юритган ва Қуръону суннатда келган аҳкомларга амал қилган ҳукмдорлар позицияси билан солиштирадиган бўлсак, гўё балчиқ билан зилол сувни солиштирган бўламиз. Султон Аврангзеб Оламгирни қаранг-а, Мьянма режимидаги бугунги бутпарастлар аждоди билан қандай муомалада бўлган! Рахин вилояти Читтагонгача бўлган узун йўлни назорат қилишига қарамай Аврангзеб уларнинг юрти ичкарисида ва бутун минтақада мусулмонларга зулм қилинишига чек қўйишга қатъий бел боғлади. Аврангзеб уларни португаллик иттифоқчиларидан узиб қўйди. Сўнг 1666 йил январда Читтагонгни – ўттиз олти соат қамалда туриши ортидан – озод қилди. Озод этишда 6500 аскар ва 288 нафар кемадан фойдаланди. Мана шундай қақшатқич зарбадан сўнг золимлар (рахинлар) тиз чўкишган ва қайтиб оёққа туришмаган.

Шубҳасиз, Покистон ҳукмдорлари Аллоҳ Субҳанаҳу ва Таоло билан Росули САВнинг амрларини жуда яхши биладилар. Бироқ била туриб, Аллоҳ, Росули ва мўминлар душманларига итоат қилишни афзал кўришди. Холис мусулмонлар юртнинг сиёсий ва ҳарбий муассасаларидаги бир сиқим хоинларнинг хиёнатда давом этишларига йўл қўймасликлари зарур. Росулуллоҳ САВ бундай деганлар:

«إِنَّ النَّاسَ إِذَا رَأَوُا الظَّالِمَ فَلَمْ يَأْخُذُوا عَلَى يَدَيْهِ أَوْشَكَ أَنْ يَعُمَّهُمُ اللهُ بِعِقَابٍ»

«Агар инсонлар золимни кўрсалару, уни тўхтатиб қолмасалар, Аллоҳ уларнинг ҳаммаларига азоб юбориши мумкин бўлади». (Абу Довуд, Термизий ва Ибн Можа ривояти). Мусулмонларга қарши бунга ўхшаш хоинликлар асло тўхтамайди. Бунинг учун Покистон қуролли кучлари сафидаги холис зобитлар Пайғамбарлик минҳожи асосидаги рошид Халифалик давлатини барпо этиш учун Ҳизб ут-Таҳрирга нусрат-ёрдам беришлари лозим. Ана шунда ушбу рошид халифа ҳар томондан ҳайбат солиб турган давлатда мусулмонлар билан қуролли кучларни Росулуллоҳ САВ байроқлари остида бирлаштириб, репрессия қилинаётган роҳинга мусулмонларини озод этади ҳамда нажас лаънати мушриклардан интиқом олади.

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com