بِسْمِ اللهِ الرَّحْمٰنِ الرَّحِيم

НАТО кучларининг Кувайтдан ўтиши борасида битим тузиш гуноҳи азим ва оқибати ёмон ишдир

Бир неча кун аввал Кувайт билан НАТО ўртасида НАТО кучлари ва одамларининг юртимиздан ўтиши билан боғлиқ битимни қабул қилиш тўғрисида қонун чиқди. Бу қонун миллий кенгаш тасдиқланганидан кейин чиқди. Битимнинг ўн тўққизта моддаси ва унинг изоҳий меморандуми «Анбаул Кувайтия» газетасининг 2017 йил 7 май кунги сонида чоп этилди.

Шундай қилиб, кундан-кунга юртимиздан фойдаланиш ортиб бормоқда… Ушбу исломий юртларнинг бир бўлаги АҚШ ва унинг иттифоқчиси бўлган кофир юртлар манфаатини рўёбга чиқариш ва уларнинг исломий юртлар устидаги ҳукмронлигини мустаҳкамлаш учун хизмат қилмоқда. Афтидан, Америка ва Британия билан имзоланган машъум хавфсизлик битимлари камлик қилган кўринади. Мана, ёвузлик алянси бўлган НАТО ташкилотининг кесиб ўтиши ва уни мустаҳкамлаш билан боғлиқ битим ҳам имзоланди! Қалбдаги ярага туз сепадигани шуки, бундай мусибатлар ҳеч бир мунозара, муҳосаба ёки инкорсиз, балки ҳурмат билан қабул қилинмоқда! Агар АҚШ, унга иттифоқчи давлатлар ва НАТОнинг Ислом ва мусулмонларга бўлган душманлиги бизга номаълум бўлса, бу бир мусибатдир. Аммо бу масала маълум нарса бўлса, у ҳолда, мусибат ғоят каттадир!

Биз аҳлимизни НАТО билан бўладиган бундай машъум битимдан анча вақтдан бери огоҳлантириб келдик. Мисол учун, Америка ташқи ишлар вазири Колин Пауэллнинг Қўшма Штатлар Кувайтни НАТО ташқарисидаги асосий иттифоқчиси, деб ҳисоблайди, деган мазмундаги баёноти ортидан Ҳизб томонидан 2013 йил 21 сентябрда варақа чоп этилган эди. Варақада, жумладан, бундай деган эдик: «Агар Кувайт  – Аллоҳ кўрсатмасин – Американинг асосий иттифоқчисига айланса, бу ҳукмронлик муддатсиз ҳукмронликка айланади. Бу ҳарбий ҳукмронликнинг мусулмонлар маблағидан молиялаштирилиши таҳқирловдан бошқа нарса эмас. Яъни улардан аскарлар ва қурол-яроқ, биздан эса маблағ ва қўллаб-қувватлов бўлади. Бунга ушбу ҳарбий жойлашув икки давлат манфаатларини рўёбга чиқаради деган нарсани баҳона қилишади. Бу Кувайт «звания»сини иттифоқчи даражасига кўтаришдир. Яъни АҚШнинг юртимизда мавжуд бўлиб туриши стратегик аҳамиятга молик бўлиб, бунинг муддати ва тури фақат шу кофир давлатнинг минтақадаги режасига қараб белгиланади».

Бу янги битим мабда жиҳатидан бир мункар иш. Аммо унинг тафсилотида эса, уни баттар мункардан мункар қиладиган нарсалар келган!

Унинг тўртинчи моддасида бундай дейилган: «Кувайт давлати ҳокимиятининг вазифаси НАТОга ҳеч қандай сарф-харажат ёки машаққат ёхуд божхона тўловларини юкламаган ҳолда, зарурий чора тадбирлар кўришдан иборат. Масалан, НАТО ва унинг кучлари, одамлари, фирмалари, шу жумладан, Кувайт атрофида мавжуд бўлган самолётлари ва кемаларининг ўтиши, ўтиш вақтида лозим бўладиган моддий амалий хизматларни кўрсатиш кабилардан иборат».

Олтинчи моддасида «Венада қабул қилинган дипломатик муносабатларга тааллуқли битимнинг 37 моддаси 2 бандига мувофиқ, НАТО кучлари, одамлари ва фирмаларига Кувайт давлати томонидан имтиёзлар, дахлсизликлар ва қулайликлар яратилади», дейилган.

НАТО бош котиби Йенс Столтенберг бу битим «НАТОнинг минтақадаги фаолиятини янада суръатли фаолиятга айлантириш»га қаратилганини таъкидлади.

Табиийки, бу ва бошқа битимларга дастак тайёр: терроризмга қарши кураш. Бироқ бугун бу каби ниқобу шиорлар, Америка, иттифоқчилари, ювиндихўрларининг аслида Ислом ва мусулмонларга қарши уруш олиб бораётганини яшириш учун ёлғон, адаштирув ишлатишига етарли бўлмай қолди. Шунингдек, минтақа халқларининг жунбушга келиб, мустамлакачи Ғарб нуфузига тобеликдан озод бўлиш сари интила бошлагани ҳам сир эмас. Чунки куфр билан Ислом ўртасидаги кураш кундан-кунга ортиб бормоқда. Бу курашда АҚШ, иттифоқчилари ва тобелари мусулмонлар ҳаракатини бўғизлаш учун ҳар қандай воситани қўллашяпти. Мана, бугун НАТО зарба бериш, қирғин қилиш ва вайроналар содир этишга тайёр туриш учун Кувайт орқали Ўрта Шарққа ўтмоқда.

Хўш, юртимизнинг Америка бошчилигидаги кофир давлатлар лойиҳаларини ижро этишда восита бўлиб қолишиги нега рози бўлмоқдамиз?!

Эй мусулмонлар!

Диёримизга Америка ва бошқа кофир давлатларнинг ҳукмронлик қилиши гуноҳи азимдир. Аллоҳ Таоло

وَلَن يَجْعَلَ اللَّـهُ لِلْكَافِرِينَ عَلَى الْمُؤْمِنِينَ سَبِيلًا

«Аллоҳ ҳаргиз кофирлар учун мўминлар устига йўл бермагай»          [Нисо 141]

деган. Юртингизни мусулмонларга зарба беришда ҳарбий база ва йўлак қилиб бериш жуда катта мункар ишдир. Аллоҳ Таоло

وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ

«Яхшилик ва тақво йўлида ҳамкорлик қилингиз, гуноҳ ва ҳаддан ошиш йўлида ҳамкорлик қилмангиз!»   [Моида 2]

демоқда. Натони қўллаб-қувватлаш ҳам улкан мункардир. Аллоҳ Таоло бундай демоқда:

يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ

«Эй мўминлар, Менинг душманим ва сизларнинг душманларингизни дўст тутманглар!»   [Мумтаҳина 1]

Мусулмонларни ўлдириш, қўрқитиш ва қочқинга айлантиришга кофирлар билан ҳамкорлик қилиш ҳам оғир гуноҳдир. Аллоҳ Таоло бундай демоқда:

وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّـهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

«Ким қасддан бир мўминни ўлдирса, унинг жазоси жаҳаннам бўлиб, ўша жойда абадий қолажак, у Аллоҳнинг ғазаби ва лаънатига дучор бўлган, (Аллоҳ унга) улкан азобни тайёрлаб қўйган»        [Нисо 93]

НАТО билан қилинган айни битим ҳам, йирик давлатлар билан қилинган бундан бошқа хавфсизлик ва иттифоқчилик битимлари ҳам, барчаси улкан мункардир, уларга норозилик билдириб, қораламоқ ва бекор қилинишини талаб қилмоқ шарт. Росулуллоҳ САВ бундай деганлар:

«وَالَّذِي نَفْسي بِيَدِهِ، لَتَأْمُرُنَّ بِالمَعْرُوفِ، وَلَتَنْهَوُنَّ عَنْ المُنْكَرِ أَوْ لَيُوشِكَنَّ اللهُ أَنْ يَبْعَثَ عَلَيْكُمْ عِقَابًا مِنْهُ ثُمَّ تَدْعُوْنَهُ فَلا يُسْتَجَابُ لَكُمْ»

«Жоним қўлида бўлган Зотга қасамки, сизлар албатта маъруфга буюриб, мункардан қайтарасизлар, акс ҳолда Аллоҳ сизларнинг устингизга Ўз даргоҳидан бир жазо юборур, кейин дуо қилаверасизлар (лекин) дуоларингиз ижобат бўлмай қолади». (Имом Аҳмад ривояти). Яна бундай деганлар:

«إِنَّ مِنْ أُمَّتِي قَوْمًا يُعْطَوْنَ مِثْلَ أُجُورِ أَوَّلِهِمْ، يُنْكِرُونَ الْمُنْكَرَ»

«Умматим орасида шундай бир жамоа борки уларга аввалгиларнинг ажри мислича ажр берилади. Улар мункарни қайтарадилар». (Имом Аҳмад ривояти).

Эй мусулмонлар!

Кўп айтганмиз, кофирнинг исломий юртларда истаганча кезиб юраётгани унинг шижоатли эканидан эмас, балки бизнинг заифлигимиздандир ва бу заифлик сабаби рошид Халифаликнинг йўқлигидир. Рошид Халифалик мусулмонларни ла илаҳа иллаллоҳ байроғи остида бирлаштиради, қонлари тўкилишига барҳам беради, муқаддас жойларини мудофаа қилади, юртларини қўриқлайди, ҳурмат-иззатларини жойига қўяди. Абу Ҳурайра G Набий Aнинг бундай деганларини ривоят қилади:

»إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَي بِهِ«

«Халифа қалқондир, унинг ортида туриб жанг қилинади ва у билан ҳимояланилади». (Саҳиҳи Муслим). Аллоҳ Таоло бундай деди:

يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِّنَ الَّذِينَ أُوتُوا الْكِتَابَ مِن قَبْلِكُمْ وَالْكُفَّارَ أَوْلِيَاءَ ۚ وَاتَّقُوا اللَّـهَ إِن كُنتُم مُّؤْمِنِينَ

«Эй мўминлар, сизлардан илгарги аҳли китоблар орасидан динингизни ҳазил-масхара қилиб олган кимсаларни ва кофирларни дўст қилиб олманг! Агар мўмин бўлсангиз, Аллоҳдан қўрқинг!»      [Моида 57]

Ҳизб ут-Таҳрир                                                                     14 шаъбон 1438ҳ

Кувайт вилояти                                                                          11 май 2017м