Матбуот баёноти

«Ниқобга қарши популистик уруш» Европа мустамлакачилигининг замонавий кўриниши бўлиб, у Ғазодаги геноцидни эътиборсиз қолдириш ва муслима аёлнинг исломий шахсиятини йўқ қилиш мақсадида ишга солинмоқда

Бугунги сиёсий майдонда ўнгчи демократик партия ва ҳукуматлар ниқобни тақиқлашга чақирувчи навбатдаги популистик салиб кампаниясини авж олдирмоқда. Бу тўлқинга Австралия, Италия ва Португалия ҳам қўшилган. Ушбу мамлакатлар Исломга нисбатан душманона сиёсат юритиб келаётган ва ниқобни аллақачон тақиқлаган Европа давлатлари гуруҳининг ажралмас қисми ҳисобланади. Зеро, Франция, Бельгия, Дания ва Швейцария ниқобни барча жамоат жойларида тўлиқ тақиқлаган. Голландия ва Германия эса таълим муассасалари ва давлат идоралари каби муайян жойларда қисман тақиқ жорий этган. Бирлашган Қиролликда ниқоб бўйича тортишув асосан иш жойлари ва меҳнат бозори доирасида кечмоқда. Ўнгчи партиялар, жумладан Британия ислоҳот партияси, ниқобни жамиятдаги интеграция, мулоқот ва хавфсизликка тўсиқ сифатида талқин қилиб, уни бўлиниш рамзи сифатида кўрсатишга уринишмоқда.

Ниқобга қарши олиб борилаётган бу кампания янги пайдо бўлган воқеа эмас. У Ислом ва мусулмонларга нисбатан асрлар давомида шаклланган ғарбча секуляр адоватнинг навбатдаги босқичидир. Бугун глобал капиталистик моделнинг барбод бўлаётгани оқибатида Ғарб секуляр жамиятларини қамраб олган чуқур иқтисодий таназзуллардан жамоатчилик эътиборини буриш учун шу тарихий адоват сиёсий восита сифатида фаол қўлланилмоқда.

Австралияда Полин Хансон етакчилигидаги «Бир миллат» партияси, Италияда Жоржа Мелони бошчилигидаги «Италия биродарлари» партияси ҳамда Португалияда Андре Вентура раҳбарлигидаги «Чега» партияси каби ўнгчи партиялар ниқобдан муслима аёлнинг қадр-қимматини камситувчи рамз сифатида фойдаланмоқда. Шу билан бирга ниқобни муслима аёлни жамиятга мажбуран сингдириш ва айниқса, давлатнинг муваффақиятсизлиги натижасида юзага келган ҳақиқий инқирозлардан жамоатчилик эътиборини буриш воситасига айлантирмоқда.

Муслима аёллар либоси ҳақида асрлар давомида давом этиб келаётган ушбу мунозара Европа мустамлакачилигининг «маданият етказиш миссияси» сифатида танилган уринишларини ва цивилизациялар тўқнашувини эслатади. Лекин бу сафар у абгор ва адолатсиз капиталистик режимлар томонидан эзилган 21-аср жамияти учун махсус тайёрланган замонавий шаклда юзага келмоқда. Бу пухта ўйланган стратегия бўлиб, ҳақиқий иқтисодий қийинчиликларни Ислом ва мусулмонларга қарши сунъий урушга айлантиришга қаратилган.

Шунингдек, «миллий феминизм» деб аталаётган нарса – яъни ниқобни тақиқлаш каби Исломга нисбатан душманона сиёсатларни оқлаш мақсадида сиёсатчиларнинг аёллар ҳуқуқи риторикасидан фойдаланиши – мустамлакачилик руҳидаги шарқшунослик риторикасини қайта тикламоқда. Бу риторика Ислом юртларини ва муслима аёлларни гўёки ортда қолган, хавф туғдирувчи ва «қутқарилишга муҳтож» тоифа сифатида тасвирлаб келган.

Италия ва Австралияда ниқобни тақиқлашга оид илгари сурилган таклифлар амалда исломофобия ҳужумларининг асосий қурбонлари бўлган муслима аёлларни бевосита нишонга олмоқда.

Австралияда эълон қилинган 2024 йилги Исломофобия ҳисоботига кўра, Исломга қарши ҳужумларнинг 75 фоизи айнан муслима аёллар ва қизларни нишонга олмоқда. Шунингдек, Европа Иттифоқининг «Асосий ҳуқуқлар агентлиги» маълумотларига кўра, Италиядаги мусулмонларнинг 65 фоизи турли кўринишдаги камситишларга дучор бўлмоқда. Бу жараёнда аёллар энг кўп нишонга олинаётган гуруҳни ташкил қилади.

Шу билан бирга, Португалияда исломофобия тобора авж олмоқда. Бу ҳолат Андре Вентура раҳбарлигидаги «Чега» деб номланган ўта радикал ўнгчи партиянинг юксалиши билан бевосита боғлиқ. «Чега» Исломни Португалиянинг, қолаверса насроний Ғарб дунёсининг ўзлиги учун таҳдид сифатида тасвирламоқда. Бу давлатларда ниқобни тақиқлашнинг жорий этилиши эса, амалда, муслима аёллар бошидан кечираётган камситиш ва адолатсизликларга ҳуқуқий асос яратиб беради.

Бундан ташқари, ўз давлатларида аёлларга нисбатан эркаклар зўравонлиги даҳшатли суратда авж олаётган бир пайтда, мусулмон аёллар кийиниши ҳақида баландпарвоз баёнотлар бериб келаётган ўнгчи партияларнинг сиёсий иккиюзламачилигини ҳам инкор этиб бўлмайди.

• Австралияда деярли ҳар ҳафта бир аёл ўз жуфти томонидан ўлдирилмоқда (Австралия Жиноятшунослик институти, 2023–2024).
• Италияда ҳар уч кунда битта аёл ўлдирилмоқда. Бу кўрсаткич жамиятдаги шармандали инқирозни яққол ошкор этади. (Италия ички ишлар вазирлиги, 2024 йил).
• Португалияда энг кўп қайд этиладиган жиноят оилавий зўравонликдир. Унда жабрланувчиларнинг 85 фоизини аёллар ташкил қилади.

Гуманитар инқирозлар эътибордан четга сурилиб, бир парча мато «хавфсизлик таҳдиди» сифатида сунъий равишда бўрттирилаётгани ўзини гўё аёллар ҳимоячиси қилиб кўрсатаётган кимсаларнинг очиқ-ойдин иккиюзламачилигини фош қилади.

Ниқобни тақиқлаш — жамоатчиликни ўйлантираётган ҳақиқий гуманитар муаммоларни эътиборсиз қолдириш мақсадида сиёсий элита томонидан қасддан танланган сиёсатдир.

Бугун босқинчи ва жиноятчи яҳудий вужуди томонидан Ғазода мусулмонларга қарши амалга оширилаётган геноцидга нисбатан юз минглаб инсонлар Австралия (Сидней)нинг «Harbour» кўпригида, Италиянинг марказий майдонларида ва Лиссабон кўчаларида норозилик намойишларига чиққан бир пайтда, анави сиёсатчилар бунга қулоқ солиш ўрнига, «биз уларнинг қаршисидамиз» деган дуализмга асосланган сақофий урушга киришишни маъқул кўрмоқдалар.

Ниқобни хавфсизлик, миллий ўзлик ва секуляр қадриятлар учун гўёки таҳдид сифатида кўрсатиш мақсадида «миллий хавфсизлик» риторикасидан фойдаланиб, муслима аёллар либосига қарши йўналтирилган бу тўғридан-тўғри ҳужум зўравон ассимиляцияни амалга оширишга қаратилган мажбурий лойиҳани қонунийлаштиришга олиб келади. Шу билан бирга, муслима аёлларни ўз исломий ўзлигидан воз кечишга ва уларга мажбуран юкланaётган секуляр миллий ўзликка бўйсунишга мажбурлайди.

Биз, муслима аёллар, Ислом ақидамизга маҳкам ёпишишимиз, қийинчилик ва синовлар даврида эса ўз динида собитқадам ва сабр-бардошли бандаларига Аллоҳ таоло ваъда қилган улкан мукофотни доимо ёдда сақлашимиз лозим. Аллоҳ таоло айтади:

﴿إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ + أُوْلَٰٓئِكَ أَصۡحَٰبُ ٱلۡجَنَّةِ خَٰلِدِينَ فِيهَا جَزَآءَۢ بِمَا كَانُواْ يَعۡمَلُونَ﴾

«Албатта «Роббимиз Аллоҳдир», деган, сўнгра (Тўғри йўлда) устувор бўлган зотлар учун хавф-хатар йўқдир ва улар ғамгин бўлмаслар. Ана ўшалар жаннат эгалари бўлиб, у жойда мангу қолурлар. (Бу) улар қилиб ўтган амалларининг мукофотидир»     [Аҳқоф 13-14]

Ҳизб ут-Таҳрирнинг марказий матбуот бўлими аёллар қаноти