Ноокенлик собитқадам муслималарнинг Халифалик йўлидаги жасорати ва мустабид режимнинг мафкуравий мағлубияти

بِسْمِ اللهِ الرَّحْمٰنِ الرَّحِيمِ

Қирғизистоннинг Жалолобод вилояти Ноокен туманида Миллий хавфсизлик давлат қўмитаси (МХДҚ) томонидан “Ҳизб ут-Таҳрир” ташкилотининг аёллар қаноти аъзолари деб гумонланиб, беш нафар аёл ҳибсга олинди. Тергов талқинига кўра, улар Халифалик ўрнатиш ғоясини тарғиб қилиш ва тақиқланган адабиётларни ёйишда айбланмоқда. 29 январ куни ушбу беш нафар аёл МХДҚ тергов изоляторига (СИЗО) жойлаштирилди. Улардан компьютерлар, телефонлар ва диний адабиётлар мусодара қилингани айтилади.

Ушбу совуқ хабар мусулмон умматига бир ҳақиқатни яна бир бор эслатди: Аллоҳнинг калимасини олий қилиш ва Халифаликни тиклашдек улуғ мақсад йўлида нафақат эркаклар, балки жасур аёллар ҳам собитқадамдир. МХДҚ томонидан кишанланган бу беш нафар муслима опа-сингилларимиз шунчаки “айбланувчилар” эмас, балки зулмат қўйнида нур таратган иймон фидоийлари, умматнинг иффат ва иззат байроқдорларидир. Улар ўзларининг матонати билан тарихнинг олтин саҳифаларига исмлари муҳрланган буюк саҳобия аёлларнинг шарафли карвонига қўшилдилар.

Ушбу ҳибслар жараёнида муҳим бир ҳақиқат ойдинлашдики, халқнинг Ҳақ жарчиларига қўйилган сохта айбловларни рад этувчи холис гувоҳликлари режим томонидан атайлаб назарписанд қилинмаяпти. Золимлар уйдирма туҳматлар билан ҳақиқатнинг юзига парда тортмоқчи бўлса-да, жамоатчиликнинг даъватчилар ҳақидаги ижобий эътирофи режимнинг мафкуравий мағлубиятини муҳрламоқда. Халқ овозини менсимаслик – мустабид ҳокимиятнинг маънавий инқирози ва иймон нури олдида ўз ожизлигини тан олишидир. Бу шуни англатадики, Ислом халқ қалбидан чуқур жой олиб улгурган. Халқ энди кимнинг ҳақиқат жарчиси, кимнинг ноҳақ эканини теран англамоқда. Режимнинг занглаган ташвиқот машинаси иймон нури ва халқнинг холис эътирофи олдида ожиз қолмоқда.

Бу муслималарнинг “айби” – “Роббим Аллоҳ, диним Ислом, қонуним Шариат” деб баралла айтганлари ва мусулмонларни капиталистик зулм кишанларидан халос этишга бел боғлаганларидир. Улар Халифаликни умматнинг ягона нажот кемаси деб билдилар ва шу йўлда фикрий-сиёсий кураш майдонига отилдилар. Ноокеннинг собитқадам муслималари худди илк Ислом даврида зулмга тиз чўкмаган Сумайя розияллоҳу анҳо ёки Уҳудда Расулуллоҳ ﷺни ҳимоя қилиб жанг қилган Умму Умара каби Ислом мафкурасининг букилмас қалқонига айландилар.

Хавфсизлик кучларининг ваҳимаси ва ожиза аёлларни зах камераларга улоқтириши – фикрни фикр билан енга олмаган, фикран мағлуб бўлган режимнинг сўнгги талвасасидир. Зеро, фикр олдида тили лол қолганлар доим кишан ва панжараларга суянадилар. Бироқ бу қаҳрамон аёллар исботладиларки, иймонни занжирлаб бўлмайди, Халифалик соғинчини эса ҳеч қандай қамоқ деворлари билан тўсиб бўлмайди.

Эй қирғиз режими! Зулмни тўхтатинг ва бу иффатли аёлларни зудлик билан озод қилинг! Сизнинг бугунги қабиҳ қилмишларингиз асло жазосиз қолмайди. Вақт борида, илоҳий қасос соати яқинлашмай туриб, эсингизни йиғиб олинг! Бир лаҳзалик фоний манфаат учун абадий хорликни сотиб олманг! Зеро, Халифаликнинг муборак тонгги уфқларда бўй кўрсатмоқда. Ўша нусрат куни келганда, аёлларни кишанлаган қўллар жазосини олади, уларни ҳимоя қилганлар эса азиз бўлади. Аллоҳ таоло айтади:

وَكَانَ حَقًّا عَلَيْنَا نَصْرُ الْمُؤْمِنِينَ

– “Мўминларга нусрат бериш Биз учун ҳақ бўлгандир”  (Рум:47)

Салоҳиддин

09.02.2026й