بسم الله الرحمن الرحيم

Оқ уй бошчилигидаги бутунжаҳон мафияси

Хабар:

1 – Анқара (“Reuters” агентлиги): Туркия бош вазири Бинали Йилдирим пайшанба куни Туркия, Эрон ва Ироқ Курдистон мустақиллиги референдуми ҳақида уч томонлама учрашув ўтказишлари мумкинлиги тўғрисида баёнот берди. Йилдирим ироқлик ҳамкасби Ҳайдар Ибодий билан биргаликда Боғдод марказий ҳукумати ҳамда Ибодий ҳукумати Туркия билан чегарадан ўтказишни ўз назоратига олгач, савдо ва иқтисодий алоқаларни мувофиқлаштиришга  батамом ўз розилигини билдирди.

2 – Москва (“Reuters” агентлиги):  пайшанба куни “Сурия халқ мудофааси” ташкилотининг  Россия ва Сурия учоқлари Идлибни бир ҳафта мобайнида бомбалашлари натижасида камида 150 маҳаллий аҳоли ўлдирилгани ва ярадор бўлгани тўғрисидаги даволарини Россия Мудофаа вазирлиги рад этди. Вазирлик тинч аҳоли орасида қурбонлар бўлишини олдини олиш учун  учоқлар аҳоли турар жойларига зарба бермаслигини айтиб ўтди. Генерал–майор Игорь Конашенковнинг айтишича, “Сурия халқ мудофааси” ишонарли маълумот бера олмайдиган “Оқ каскали” лардан ташкил топган. Яна у қўшимча қилиб, Россия ҳарбий космик кучлари учоқлари тинч аҳоли орасида қурбонлар берилишини олдини олиш учун тураржой манзилгоҳларига зарба бермайди, деди.

Изоҳ: Муаммо исломий оламдаги ҳукмдорлар орасида хоинлар борлигида эмас, уларни масаласи ҳал бўлган. Муаммо Суриядаги ҳарбий отрядлар раҳбарларининг хиёнатида ҳам эмас – уларнинг хоинлиги кундек равшан. Муаммо Фаластинни озод қилиш ҳаракатларининг уни хоинлардан, шунингдек унинг ерларини, ор-номусини ва ўз вазифасини сотганлардан тозалашдан воз кечишларида ҳам эмас. Буларнинг барчаси Умматга маълум, Уммат ким аслида ким эканини тушуниб етди. Чунки исломий юртлар раҳбарларининг хиёнатлари ҳеч кимга сир бўлмай қолган.

Шу билан бирга, буни золим Башар Асад содир этадими ёки жинояти кичикроқ бўлган қироллар – Салмонми (Саудия Арабистони) ёки Абдуллоҳ (Иордания) бўладими; ёки ҳожаларининг буйруқларини шафқатсизларча ва жинояткорона бажарадиган Сисий (Миср), Ҳамад (Баҳрайн) бўладими ёки сохта мулойимлик ва яширин жиноятлар билан бажарадиган Эрдоған (Туркия), Видодо (Индонезия) бўладими ёки улар Америка малайлари – Ибодий (Ироқ), Ҳафтар (Ливия), Тамим (Қатар), Ибн Зайд (БАА) бўладими, фарқи йўқ. Буларнинг барчаси ва бу кабилар хизматкор ва малайлардир, улар кучларини фақатгина ўзларининг қуролсиз халқига кўрсатадилар, улар аёллар ва қарияларга нисбатан шафқатсиздирлар, бироқ улар Трамп ва Мейни ёнида бўғма илон олдидаги қуён каби бўлиб қоладилар. Ислом ва Аллоҳнинг шариатига қарши курашувчи илмонийлар, ҳар ерда ва ҳар қачон, куну тун, дунёнинг барча бурчакларида унга қарши уруш қиладилар, шунинг учун,  бу йўлнинг охирида уларни кутаётган ягона нарса – шайтоннинг розилиги ҳамда Аллоҳ ва унинг Расулига (с.а.в) қарши урушдир.

Муаммо қўзғолончиларнинг ўзида ва фақат улардадир, ахир уларга Саудия Арабистони ва Форс кўрфазидаги бошқа давлатларнинг хиёнати худди Россия ва Американинг мусулмонларга қарши душманлиги каби очиқ-ойдин кўринди-ку, лекин шунга қарамай, улар ўз раҳбарларини душман билан музокаралар столига ўтиришларига ва улар билан сулҳ тузишларига рози бўлдилар; бироқ улар музокаралар столидан туришлари биланоқ Америка ва Россиянинг хиёнати ўзини узоқ куттирмади, улар буни ўз кўзлари билан кўрдилар.

Натижада, Исломий бошқарувга қайтиш, Аллоҳга тавба қилиш, ўз Умматига қилган муносабати учун узр сўраш ўрнига, улар “мусулмонлар қонини тўкишга йўл қўймаслик” учун музокаралар столига ўтирганларини оқлаб, ўз хиёнатларини ҳимоя қилишга тушдилар. Ахир бундан ҳам ортиқ сурбетлик бўладими?! Аллоҳдан қўрқинг!

Биз Исломнинг холис ўғлонларига мурожаат қиламиз: бу тўдаларнинг ҳаммаси – Америка бошчилигидаги халқаро мафиядан бошқа нарса эмас, унинг режаларини амалга ошириш билан ёвуз давлатлар (Россия ва Эрон) шуғулланмоқдалар, бу режаларнинг қўриқчилари, ҳеч қандай истисносиз, мусулмонлар раҳбарларидир! Ўзингизга келишингиз ва бир-бирингизга ёрдам беришни бошлашингиз учун, қатъиятингиз мустаҳкамланиши учун яна қандай азоб-уқубатларга дучор бўлишингиз керак!? Агар шундай қилганингизда Аллоҳ сизларга босқинчилар тўдаси ва разил кимсалардан ҳоли покиза ерларни тақдим қилган бўларди, ахир Аллоҳ Ўз ваъдасини бузмайди-ку! Эй мард ўғлонлар, Шом инқилобида сабот билан ва яна бир бора сабот билан мустаҳкам туринг! Аллоҳнинг изни билан инқилоб бошланишида қандай бўлган бўлса, ўшандай бўлади. Бошида у фош қиларди, очиб ташларди, хор қиларди, юксалтирарди, аяб ўтирмасди ва ҳеч нарсани қолдирмасди, эндиликда эса ҳаммаси бошқача тус олди. Эй Аллоҳ, бизни аввал бошида бўлган муқаддас инқилоб билан юксалтир, холис мусулмонларга аввалги азизликларини қайтиши, мушриклар ва уларнинг малайларини хор бўлишлари учун бизни Ўз ёрдаминг ила собит қил, ахир Сен ҳар қандай ишга қодирсан!

Ҳизб ут-Таҳрирнинг Марказий ахборот офиси радиоси учун махсус

Хишом ал-Бобо

Абдумалик таржимаси